نہ ساقی کی نگہ سے اور نہ پیمانے سے ملتی ہے

نہ ساقی کی نگہ سے اور نہ پیمانے سے ملتی ہے
شرابِ معرفت خلوت کے میخانے سے ملتی ہے

اگر بیگانگی ملتی ہے اپنوں سے تو کیا غم ہے
ہمیں اپنائیت جنگل سے، ویرانے سے ملتی ہے

فقیروں کے لیے غم اور خوشی بالکل برابر ہیں
مگر یہ آگہی بھی رنج کے آنے سے ملتی ہے

جھلک بھی دیکھنا ممکن نہیں ہے غیر کو اس کی
ضیا جو ذہن کے خود ہی جِلا پانے سے ملتی ہے

یہ دنیا اک فریبِ آرزو کا کارخانہ ہے
یہاں جو چیز ملتی ہے وہ ٹھکرانے سے ملتی ہے

ہمیں کیا راس آئے وہ خوشی جو اور لوگوں کو
وفورِ شوق میں چپ چاپ بہہ جانے سے ملتی ہے

حضورِ شمع پھرتے ہیں ذرا سا فاصلہ رکھ کر
ہماری وسعتِ پرواز پروانے سے ملتی ہے

بڑھا اصرار جو حد سے تو اس نے یہ کہا ہنس کر
تری ہر بات میرے ایک دیوانے سے ملتی ہے​

 

ہمیشہ کی طرح بہترین۔

 

بہت خوب ۔

 

ماشاءاللہ ۔
عمدہ اور زبردست غزل ۔

 

خوب غزل ہے، داد قبول کرو

 

بہت ہی خوب غزل ہے طبیعت خوش ہو گئی پڑھ کے۔

 

واہ واہ سبحان اللہ، بہت خوبصورت کلام ۔ ہر شعر عمدہ۔

 

بہت خوب غزل واہ

 

بہت ہی خوب نمرہ
عمدہ!

 

زبردست

 

اعلیٰ ۔ ۔ ۔

 

لا جواب
بالخصوص یہ اشعار تو بے حد پسند آئے۔

یہ غزل ہمیں اس قدر اچھی لگی کہ ہم اس کے ساتھ چھیڑ چھاڑ کیے بغیر رہ نہیں سکے۔امید ہے کہ آپ ہماری اس جسارت کو معاف کر دیں گی۔
پیروڈی: خوشی بیگم جو تیرے مائیکے جانے سے ملتی ہے

 

لائک کس طرح کرتے ہیں

 

حضرت اب لائک کرنے کی عمر گزر گئی -

 

شاہ جی آپ تو اہل سخن میں سے ہیں۔ آپ کو تو معلوم ہونا چاہئیے کہ "لائک" کا عمر سے کوئی تعلق نہیں۔

کیا آپ کو شاہ جی کہہ کر مخاطب کرسکتا ہوں؟ اگر مناسب نہیں سمجھتے تو معذرت۔

 

اس میں ناراضی کیسی ؟آپ پاجی بھی کہہ دیجئے -

 

کیا کر کے دکھاؤں

 

را

 

بہترین