غالب نقش فریادی ہے کس کی شوخیِ تحریر کا - بیاض ِ غالب سے

فرخ منظور

لائبریرین
نقش فریادی ہے کس کی شوخیِ تحریر کا
کاغذی ہے پیرہن، ہر پیکر ِتصویر کا

آتشیں پا ہوں، گداز ِوحشتِ زنداں نہ پوچھ
موے آتش دیدہ ہے ہر حلقہ یہاں زنجیر کا

شوخیِ نیرنگ، صیدِ وحشتِ طاؤس ہے
دام، سبزے میں ہے، پروازِ چمن تسخیر کا

لذّتِ ایجاد۔ ناز، افسونِ عرض۔ ذوق ِ قتل
نعل، درآتش ہے تیغِ یار سے نخچیر کا

کاو کا وِ سخت جانیہاے تنہائی نہ پوچھ
صبح کرنا شام کا، لانا ہے جوئے شیر کا

خشت پشتِ دستِ عجزو قالب آغوشِ وداع
پُر ہوا ہے سیل سے، پیمانہ کس تعمیر کا؟

وحشتِ خوابِ عدم، شورِ تماشا ہے اسد
جز مژہ، جوہر نہیں آئینہ تعبیر کا

(مرزا غالب) بیاض ِ غالب سے
 

فرخ منظور

لائبریرین
بہت شکریہ فرحت ! یہ غزل عام دیوان سے ہٹ کر ہے - اس میں کافی اشعار ایسے ہیں جو غالب کے دیوان نسخہِ عرشی میں نہیں -
 
Top