نظم ۔۔۔ شاعری ۔۔۔ از محمد احمدؔ

شاعری

رات خوشبو کا ترجمہ کرکے
میں نے قرطاسِ ساز پر رکھا
صبح دم
چہچہاتی چڑیا نے
مجھ سے آکر کہا
یہ نغمہ ہے
میں نے دیکھا
کہ میرے کمرے میں
چارسو تتلیاں پریشاں ہیں
اور دریچے سے جھانکتا اندر
لہلاتا گلاب تنہا ہے

محمد احمدؔ

سرگوشی

یہ 2014 کی نظم ہے میرے بلاگ پر تھی لیکن محفل میں نہیں تھی سو نقد و نظر کے لئے یہاں پوسٹ کر رہا ہوں۔

 

مجھے یہی سمجھ آئی ہے کہ آپ نے تتلیوں کا گلاب کھو لیا ہے اور چڑیا کہہ رہی کہ آپ نے چنگا نہیں کیتا۔

سرگوشی

ویسے یہ پابند بحور ہی ہے ؟ یا مجھے ایویں بھیلیکھا لگ رہا ؟

 

بہت خوب .
تتلیاں تو خوشبو کے تعاقب میں آئی تھیں یہ الگ بات ہے کہ گمراہ ہو گئیں .اس سارے قصّے میں چڑیا سمجھدار نکلی . خاصی معاملہ فہم ثابت ہوئی .

 

حوصلہ افزائی کا شکریہ تابش بھائی!

خوش رہیے۔

 

چڑیا سے بہتر نغمے کو کون پہچان سکتا تھا سو وہ پہچان گئی ۔ شکوہ البتہ تتلیوں کی طرف سے بنتا ہے اگر اُنہیں صورتحال کی سنگینی کا علم ہو جائے۔

سرگوشی

زمرہ تو پابندِ بحور کا ہی ہے۔

اب یہ تو اساتذہ ہی بتائیں گے کہ یہ پابندِ بحور ہے یا نہیں۔

 

شکریہ ! خوش رہیے۔

معاملہ فہم تو آپ بھی اچھی خاصی ہیں۔

 

بہت خوب

 

چڑیا اور تتلیاں دونوں عموماً مونث میں شمار ہوتی ہیں، اس لیے آپ کی مزید کھچائی ہم سے نہیں ہو پائے گی۔

ہیں جی۔۔۔۔۔۔۔
آپ بھی تو استاد ہی ہیں۔

 

گو کہ ہم ساری بات نہیں سمجھے پھر بھی نتیجے پر شاد ہیں۔

ارے کہاں بھائی صاحب!

سرگوشی

کیوں محفل سے نکلوانے پر تُلے ہیں ہمیں۔
آخری بار جب ہمیں اُستاد کہا گیا تو وہ جملہ کچھ یوں تھا: "ٹائم کیا ہوا ہے اُستاد؟"

 

خوبصورت نظم ہے احمد صاحب، کیا کہنے۔

 

الحمدللہ۔

اتنے نیک کام میں دیر کیسی، آج سے ہی شروع کر دیتے ہیں استاد جی

پھر آپ کے تو بارہ بج گئے ہونے ہیں

 

اس سے اپنے کالج کا دور یاد آ گیا۔ ہمارا ایک کافی سینیئر دوست تھا، اس کو ایک لڑکا "اُستاد" کہتا تھا۔ ایک دن وہ صاحب فرمانے لگے کہ تمھیں علم ہے یہ مجھے استاد کیوں کہتا ہے؟ وہ اس لیے کہ جب کوئی کام خراب کر دے تو فصیحت مجھے سننی پڑے کہ "جا تیرے اُستاد کی۔۔۔۔۔"

 

زبردست۔ کیا کہنے۔۔ کیا موتی پروئے ہیں احمد بھائی

 

بہت شکریہ یوسف سلطان بھائی !

خوش رہیے۔

 

بہت شکریہ وارث بھائی!

بے حد ممنون ہوں۔

 

اچھی نظم ہے ماشاء اللہ

 

میری طرف سے بھی واہ واہ۔۔۔۔۔

بہت ہی خوبصورت نظم ہے۔۔۔ کیا کہنے احمد بھائی۔۔۔۔

سرگوشی: فیشنی سرگوشی

چونکہ اس دھاگے میں سرگوشی کا رواج رواج پا چکا ہے۔۔۔ سو ہماری طرف سے بھی ایک تو بنتی تھی۔۔۔
اور وہ یہ کہ آپ نے گلاب کو تنہا کر کے تتلیاں کمرے میں گھیر کر اچھا نہیں کیا ویسے۔۔۔۔۔

 

رات خوشبو کا ترجمہ کرکے​

میں نے قرطاسِ ساز پر رکھا
صبح دم
چہچہاتی چڑیا نے
مجھ سے آکر کہا
یہ نغمہ ہے
میں نے دیکھا
کہ میرے کمرے میں
چارسو تتلیاں پریشاں ہیں
اور دریچے سے جھانکتا اندر
لہلہاتا گلاب تنہا ہے
​

خوبصورت!! واہ واہ! کیا خوبصورت نظم ہے!!!
علامات کا بہت اچھا استعمال ہے اور بنت بھی بہت اچھی ہے !!! کئی دفعہ پڑھنے کو جی چاہتا ہے!!
بہت بہت بہت داد احمد بھائی آپ کے لئے!!! سلامت رہیں !