میں نے اس اردو متبادل کا انتخاب کیا

[ناصر محمود 313]

Hipster

جدت پسند؟

 

[زیک]

پہلے اس کے انگریزی میں معنی بتائیے۔

the definition of hipster

 

[فرقان احمد]

the definition of hipster

اردو ناول اور کہانیوں میں ہپی کی اصطلاح عام رہی۔ چونکہ یہ 'غیر روایتی جدت پسند' ہوتے ہیں،اس لیے کوئی ایک لفظ ان کی نمائندگی شاید نہ کر سکے۔ ان اختراعیوں کو بندہ کیا کہے!

 

[ابو ہاشم]

بانکے کیسے ہوا کرتے تھے؟

 

[فرقان احمد]

بانکے کیسے ہوا کرتے تھے؟

بانکے، انوکھے لاڈلے ہوا کرتے تھے۔

 

[سید عاطف علی]

Hipster کی اردو کیا ہو گی؟

بانکا۔ سجیلا

 

[فرقان احمد]

بانکا۔ سجیلا

یہ ہپی سجیلے کم ہی ہوتے ہیں ویسے!

 

[یاز]

Hipster کی اردو کیا ہو گی؟

یہ تو کچھ بوژوا نما اصطلاح لگ رہی ہے۔
ادبی گفت و شنید میں ان کو ترقی پسند بھی کہا جا سکتا ہے۔

 

[یاز]

پہلے اس کے انگریزی میں معنی بتائیے۔

نیز تلفظ سے بھی آگاہ کیجئے۔

 

[زیک]

یہ تو کچھ بوژوا نما اصطلاح لگ رہی ہے۔
ادبی گفت و شنید میں ان کو ترقی پسند بھی کہا جا سکتا ہے۔

ترقی پسند تو اردو میں بائیں بازو کے progressives کے لئے مستعمل ہے

 

[زیک]

the definition of hipster

نیز تلفظ سے بھی آگاہ کیجئے۔

دیئے گئے ربط میں سپیکر پر کلک کریں۔

 

[یاز]

ترقی پسند تو اردو میں بائیں بازو کے progressives کے لئے مستعمل ہے

پھر تو روایت شکن یا رجحان ساز نما کچھ اصطلاح ہو سکتی ہے، جو کہ زیادہ مروج نہیں ہے۔

 

[یاز]

اہم بات یہ ہے کہ ہر زبان کی ہر اصطلاح کا ترجمہ دوسری زبان میں بعینہ نہیں کیا جا سکتا۔
ایک مشہور مثال اٹالین "دی پرنس" کی ہے، جس کے کسی بھی ترجمے کا معنی و مفہوم "شہزادہ" ہو گا، تاہم اٹالین تاریخ کے لحاظ سے دیکھا جائے تو اس سے شہزادہ مراد نہیں ہے۔

 

[فرقان احمد]

پھر تو روایت شکن یا رجحان ساز نما کچھ اصطلاح ہو سکتی ہے، جو کہ زیادہ مروج نہیں ہے۔

یہ روایت شکن تو ہوتے ہیں تاہم روایت شکنوں میں بھی انہیں 'خاص' امتیاز حاصل رہتا ہے۔ یہ ان روایت شکنوں کے در پر بھی پابہ گِل کھڑے رہتے ہیں۔ من موجی کہیں کے!

 

[یاز]

یہ روایت شکن تو ہوتے ہیں تاہم روایت شکنوں میں بھی انہیں 'خاص' امتیاز حاصل رہتا ہے۔ یہ ان روایت شکنوں کے در پر بھی پابہ گِل کھڑے رہتے ہیں۔ من موجی کہیں کے!

تو پھر امتیازی روایت شکن کی اصطلاح وضع کر لیتے ہیں۔

 

[فرقان احمد]

تو پھر امتیازی روایت شکن کی اصطلاح وضع کر لیتے ہیں۔

تھوڑا سا اور کھینچ لیتے ہیں اسے!

 

[عثمان]

بانکا۔ سجیلا

Hipster کا ترجمہ بانکا ہی مناسب معلوم ہوتا ہے۔ بانکے کی اصطلاح غالبا غیر روایتی آزاد طبیعت شخص سے منسوب کی جاتی ہے جو کچھ منفرد طرز زندگی رکھتا ہے۔
جب کہ "ترقی پسند" ایک فکری اصطلاح ہے۔ ایک ترقی پسند شخص کا طرز زندگی کے اعتبار سے جدت پسند ہونا ضروری نہیں ہے۔

 

[ظہیراحمدظہیر]

مثالوں سے بات زیادہ واضح ہوجائے گی، ویسے ضمنا ایک بات عرض کردوں کہ ہر زبان کی اپنی روح ہوتی ہے یا یوں کہہ لیں کہ ہر زبان کی اپنی نیچر ہوتی ہے اس لئے محض الفاظ کے ترجمے سے ترجمہ کا حق ادا نہیں ہوتا سوائے ناموں کے۔

بالکل درست کہا لئیق بھائی ! لفظ کا مطلب اُس کے سیاق و سباق پرمنحصر ہوتا ہے ۔ اس لئے ایک ہی انگریزی لفظ کے کئی اردو متبادل ممکن ہیں ۔ چند روز پہلے ہی میرے چھوٹے بیٹے نے مجھ سے پوچھا کہ indeed کو اردو میں کیا کہتے ہیں ۔ چونکہ اس کے کئی متبادل ممکن ہیں اس لئے میں نے سیاق و سباق پوچھا ۔ کہنے لگا کہ جب کوئی شخص کوئی بات کہتا ہے اور ہم جواب میں اُسےکہتے ہیں اِن ڈِیڈ ۔ اب اس مقام پر اردو میں بالکل ٹھیک ، درست کہا ، صحیح ، بیشک، وغیرہ کئی ترجمے ممکن ہیں ۔ اس لئے بیٹے کو سمجھانا پڑا کہ انگریزی کے ہر لفظ اور جملے کا اردو ترجمہ ممکن نہیں ۔ کیونکہ گفتگو کے آداب اور طریقے ہی مختلف ہیں ۔ اس لئے میری ناقص رائے میں اکثر اوقات ترجمے کے بجائے ترجمانی زیادہ بہتر طریقہ ہوتا ہے ۔

 

[ظہیراحمدظہیر]

نیچر کے لئے فطرت کا لفظ کیسا ہے؟

احمد بھائی ، یہ اس بات پر منحصر ہے کہ نیچر کوکس مقام اور محل پر استعمال کررہے ہیں ۔ یعنی جیسے کسی انسان کی نیچر ، کسی شے یا مادے کی نیچر یا اس سے مراد دنیائے نباتات و جمادات؟! وغیرہ ۔ ہر جگہ فطرت کا لفظ شاید ترجمے کا حق ادا نہ کرسکے۔

 

[ظہیراحمدظہیر]

یوں تو اب "ڈسپلن" بھی اردو ہی کا لفظ لگتا ہے لیکن اس کی جگہ "نظم و نسق" آسانی سے استعمال ہو سکتا ہے۔

لیکن اگر کوئی یوں کہے کہ ’’اِس بچے کو ڈسپلن کرنا بہت ضروری ہے‘‘ ۔ تو پھر کچھ اور ہی متبادل بہتر ہوگا۔