تعارف میرا نام جاسمن ہے۔مین بہاولپور ڈویژن مین رہتی ہون۔ یے سلسلہ ابھی میرے لءے نیا ہے۔

[جاسمن]

کس کا وقت کم ہے ؟

اردو محفل کا

 

[عبدالقیوم چوہدری]

کوئی دم کا مہماں ہوں اے اہلِ محفل
چراغِ سحر ہوں ، بجھا چاہتا ہوں

لگتا ہے آپ کی شب کٹ چکی ہے۔

 

[عبدالقیوم چوہدری]

اردو محفل کا

ہیں۔۔۔۔۔۔۔۔۔۔۔۔۔۔۔۔۔۔۔۔۔۔

 

[کامران میمن]

کوئی دم کا مہماں ہوں اے اہلِ محفل
چراغِ سحر ہوں ، بجھا چاہتا ہوں

اللّٰہ پاک سلامت رکھے. آپ کو بھی محفل کو بھی

 

[عبدالقیوم چوہدری]

کس نے بجائی ہے یہ بانسریا؟
اچھا لگا اتنا پرانا دھاگہ اور اپنی شروع کی اردو دیکھ کے ہنسی بھی آئی۔ میرے لیپ ٹاپ کے کلیدی تختے میں جو حروف تھے، ان میں اپنا مفہوم ادا کرنا بے حد مشکل تھا۔
لیکن محفلین نے مدد کی اور پاک اردو انسٹالر نے اب تک ساتھ دیا اور دے رہا ہے۔
یہاں مدد کرنے والوں میں سے کچھ اردو محفل چھوڑ گئے، کچھ دنیا چھوڑ گئے۔
یہاں @ قیصرانی اور شمشاد نے بہت مدد کی۔ شروع میں ان دونوں میں فرق کرنامشکل محسوس ہوتا تھا۔ پھر آہستہ آہستہ دونوں کو علیحدہ شخصیت کے طور پہ پہچاننے لگی۔ پھر قیصرانی ہی چلے گئے۔
یہ ناراض لوگ محفل کے اختتام پہ کیا آئیں گے؟
انھیں آنا چاہیے
جیہ
قیصرانی
راحیل فاروق

گو ہم دیگر محفلین کی خدمات کو تمغہ ٹیگ نا مل سکا۔ ہم نے بھی آپ کی بہت مدد کی تھی۔ البتہ کیا مدد کی تھی یہ مجھے بھول گیا ہے۔

 

[محمد عبدالرؤوف]

گو ہم دیگر محفلین کی خدمات کو تمغہ ٹیگ نا مل سکا۔ ہم نے بھی آپ کی بہت مدد کی تھی۔ البتہ کیا مدد کی تھی یہ مجھے بھول گیا ہے۔

آپ نے سرائیکی میں حال احوال کیا تھا، اتنا تو میں نے دیکھا ہے۔ 🙂

 

[محمداحمد]

یہ بات تقریباً ١١ سال پہلے کہی تھی اور آج ان کے مراسلے اور اردو دیکھ کر حیرت ہوتی ہے..

واہ بابا ایک پیشن گوئی میرے لیے بھی کر دیں 😊

بابا بھی کچھ دیکھ بھال کر ہی پیشین گوئی کرتے ہیں۔

پوت کے پاؤں والی مثال یاد ہوگی نا آپ کو۔

 

[محمداحمد]

کوئی دم کا مہماں ہوں اے اہلِ محفل
چراغِ سحر ہوں ، بجھا چاہتا ہوں

ترے عشق کی انتہا چاہتا ہوں
مری سادگی دیکھ کیا چاہتا ہوں

 

[نیرنگ خیال]

خوش آمدید ۔۔۔۔!

جو لوگ شروع میں جتنا اٹکتے ہیں بعد میں وہی سب سے زیادہ فراٹے بھرتے نظر آتے ہیں۔ سو لکھتی رہیے اور لکھتے لکھتے لکھیّہ بن جائیں۔

ٹیگز میں دعا دینے کا بہت شکریہ ۔

جاسمن صاحبہ کے بارے میں کتنا درست قیاس تھا اآپ کا۔

 

[مریم افتخار]

اردو محفل میں با ضابطہ خوش آمدید جاسمن بجو!

سرگوشی: دیر آید

میں چونکہ بعد میں آئی تھی سو تب ویلکم کر نہ پائی، اب آپ کو ویلکم اور محفل کو گڈ بائے مسٹر چپس!

 

[رانا]

میرا نام جاسمن ہے۔ میرا تعلق بہاوپور ڈویژن سے ہے۔ اردو کی محبت مجھے یہاں لے آئی لیکن یہاں اردو لکھنی بہت مشکل ہے۔

آپ کی یہ پوسٹ آج بھی اسی طرح یاد ہے جیسے پہلی بار دیکھی تھی۔ اب تو شائد آپ نے اس میں تدوین کر دی ہوئی ہے ورنہ مجھے یاد ہے آپ کے لکھے جملوں میں حروفِ تہجی کچھ ایسی حالت میں نظر آتے تھے جیسے شریکوں کو گاؤں کے چوہدری نے ڈرا دھمکا کر اکٹھا بیٹھنے پر مجبور کیا ہو۔ بعد میں پتہ لگا کہ یہ کیبورڈ کے مسائل ہیں😊