ذوالنون سنا ہے بھیا
باقی دونوں تو بہت مشکل ہیں۔ ان کا مطلب کیا ہے بھیا؟
آدر کا مطلب تو میوہ ہوتا ہے۔ اور ضحاک کا مطلب ہنسے والا۔۔۔
ذوالنون حضرت یونس کا لقب ہے۔
سر
محمد یعقوب آسی بہت عمدہ وضاحت فرما چکے ہیں سب ناموں کی
تفصیل سے بتائیں۔
یہ بھی بتائیں کہ آپ کے خاندان میں ایسے منفرد نام رکھنے کا رواج کیوں ہے۔
اور کیا نیرنگ آپ کا اصل نام ہے ؟
تفصیل سے کیا بتاؤں عثمان بھائی۔
میری خاندان میں تو نام رکھنے کا یہ رواج امی ابو نے ہی ڈالا ہے۔ ابو اور امی دونوں کو شوق ہے کہ بچوں کے نام چن کر ایسے رکھے جائیں جن کے مطالب خوبصورت ہوں اور سننے میں بھلے معلوم ہوں۔ ہم سب بہن بھائیوں کے نام اس بات کے غماز ہیں۔
نیرنگ خیال میرا محفلی نام ہے۔۔۔ اس کا مطلب خیال کی لہر اور موج بھی ہے۔ طلسماتی خیال بھی ہے۔
اس کے علاوہ آپ اسے میرا قلمی نام بھی سمجھ سکتے ہیں کہ جو بےتکی تحریر میں لکھتا ہوں۔ اسکے لیئے اس نام کا استعمال کرتا ہوں۔
اپنے اصل نام کا مطلب میں
یہاں کافی تفصیل سے بتا چکا ہوں۔ احباب کی سہولت کے لیئے وہاں سے یہاں پر تفصیلات دوبارہ نقل کر رہا ہوں
میرا نام ذوالقرنین ہے۔ قرآن پاک میں سورۃ کہف میں آیات 83 سے 101 تک ذوالقرنین کا واقعہ بیان ہوا ہے۔ یہ اک بہت قدیم نام ہے۔ اور مؤرخین کی اک لمبی بحث آپکو ملے گی اس پر۔ کہ یہ کونسا بادشاہ تھا؟ کس دور سے تعلق تھا۔ کچھ اسے اسکندر اعظم بھی کہتے ہیں۔ پر قرآن پاک میں اسکی جو صفات بیان ہوئی ہیں وہ اسکندر پر پوری نہیں اترتیں۔ یہ تمہید اس لیئے باندھی کی گرچہ تمام احباب واقف ہونگے مگر پھر بھی اک بار یہ ذہن میں تازہ ہو جائے
ذوالقرنین کے مطلب تو دو سینگوں والا کے ہیں۔ اس سے ظاہراً طاقت اور قوت سے تشبیہ دی گئی ہے۔
قرن زمانہ کو کہتے ہیں۔ اور قرنین دو زمانوں کو۔ تو بعض کے نزدیک اس مراد ایسا شخص ہے جسکی حکومت مشرق و مغرب میں ہو۔ اور قرآن پاک میں بیان واقعہ سے بھی یہی ثابت ہوتا ہے کہ اس نے مشرق و مغرب تک کے سفر کیئے اور فتوحات حاصل کیں۔ تو بھی مطلب تو ایسا شخص ہی ہے جو قوت اور طاقت رکھتا ہو۔
