محبت کے موضوع پر اشعار!

[شمشاد]

شکریہ، لیکن میں نے نہیں لکھی۔۔

تو میں کب کہا کہ خود سے لکھی ہے، میرا مطلب تھا اچھی نطم ہے جو کاپی پیسٹ کی ہے۔

 

[تیشہ]

کھیل یہ کیسا کھیل رہی ہے دل سے تیری محبت
اک پل کی سرشاری دے اور دنوں ملال رکھے۔

 

[شمشاد]

نہ محبت نہ دوستی کے لیے
وقت رکتا نہیں کسی کے لیے

 

[شمشاد]

وہی تیری محبت کی کہانی
جو کچھ بھولی ہوئی کچھ یاد بھی ہے

تمہارا ذکر آیا اتفاقاً
نہ بگاڑو بات پر بات آ گئی ہے
(فراق گورکھپوری)

 

[الف عین]

محبت تھی چمن سے لیکن اب یہ بے دماغی ہے
کہ موجِ بوئے گل سے ناک میں آتا ہے دم میرا

 

[ماوراء]

وہ ہی محسوس کرتے ہیں خلش درد محبت کی
جو اپنے آپ سے بڑھ کر کسی سے پیار کرتے ہیں۔


( پتہ نہیں ٹھیک ہے یہ نہیں۔۔ )

 

[شمشاد]

لب پہ تیرے اقرارِ محبت شعر غزل کا لگتا ہے
شرم سے چہرہ لال گلابی پھول کنول کا لگتا ہے

 

[ماوراء]

کہا تھا نا !!!!

مجھے تم اس طرح سوتے مت چھوڑ کر جانا
مجھے بیشک جگا دینا
بتا دینا کے
محبت کے سفر میں ساتھ میرے چل نہیں سکتے
جدائی میں ہجر میں ساتھ میرے چل نہیں سکتے
تمہیں راستہ بدلنا ہے
میری حد سے نکلنا ہے
تمہیں کس بات کا ڈر تھا
تمہیں جانے نہیں دیتا
ارے پاگل !!!
محبت کی طبیعت میں
زبردستی نہیں ہوتی
جسے راستی بدلنا ہو
اسے راستہ بدلنے سے
جسے حد سے نکلنا ہو
اسے حد سے نکلنے سے
نہ کوئی روک پایا ہے
نہ کوئی روک پائے گا
تمہیں کس بات کا ڈر تھا
مجھے بیشک جگا دیتے
تمہیں میں دیکھ ہی لیتا
تمہیں کوئی دعا دیتا
کم از کم یوں تو نہ ہوتا
میرے پاس حقیقت ہے !
تمہارے بعد کھونے کے لئے
کچھ بھی نہیں باقی
مگر خود کو کھو جانے سے ڈرتا ہوں
میں اب سونے سے ڈرتا ہوں ۔۔۔۔!!!!​

 

[شمشاد]

محبت کی طبیعت میں
یہ کیسا بچپنا قدرت نے رکھا ہے
کہ جتنی پرانی جتنی بھی مضبوط ہو جائے
اسے تائیدِ تازہ کی ضرورت پھر بھی رہتی ہے
یقین کی آخری حد تک دلوں میں لہلہاتی ہو
نگاہوں سے ٹپکتی ہو لہو میں جگمگاتی ہو
ہزاروں طرح سے دلکش حسیں حال بناتی ہو
اسے اظہار کے لفظوں کی حاجت پھر بھی رہتی ہے
(امجد اسلام امجد)​

 

[شمشاد]

کس پہ الزام محبت کا لگایا جائے
خود ہوں ماخوذ اگر ان کو بچایا جائے
کون کہرام میں سنتا ہے شکستِ دل کو
نقش آواز کا ماتھے پہ سجایا جائے

 

[شمشاد]

اپنی محبت کے افسانے کب تک راز بناؤ گے
رسوائی سے ڈرنے والو بات تم ہی پھیلاؤ گے
اس کا کیا ہے تم نہ سہی تو چاہنے والے اور بہت
ترکِ محبت کرنے والو تم تنہا رہ جاؤ گے

 

[F@rzana]

یہ چاہتوں کی خطا ہے سزا ابھی تک ہے
محبتوں میں کوئی بے وفا ابھی تک ہے

تمام رات ستاروں کے چاند کی مانند
سنا ہے راتوں میں وہ جاگتا ابھی تک ہے

درخت نیم کا لوری سنا رہا ہے مجھے
وہ میری آنکھوں میں سپنا بنا ابھی تک ہے

 

[شمشاد]

محبت مانو الفاظ میں لائی نہیں جاتی
یہ ایسی نازک حقیقت ہے جو سمجھائی نہیں جاتی

محبت کا دستور ہے کہ ہستی کو مٹانا پڑتا ہے
جو غم فرشتے نہ اٹھا سکے وہ غم بھی اٹھانا پڑتا ہے

 

[شعیب صفدر]

محبت کو سمجھانا ہے تو اے غافل محبت کر
کہ ساحل سے کبھی انداز طوفان نہیں ہوتا
وفا کا زخم ہے گہرا تو کوئی بات نہیں
لگاؤ بھی تو ہمیں تم سے انتہا کا تھا

 

[شمشاد]

اے محبت تیرے انجام پہ رونا آیا
جانے کیوں آج تیرے نام پہ رونا آیا

یوں تو ہر شام امیدوں میں گزر جاتی ہے
آج کچھ بات ہے جو شام پہ رونا آیا

کبھی تقدیر کا ماتم کبھی دنیا کا گلا
منزلِ عشق میں ہر گام پہ رونا آیا

جب ہوا ذکر زمانے میں محبت کا ‘شکیل‘
مجھ کو اپنے دلِ ناکام پہ رونا آیا
(شکیل بدایونی)

 

[F@rzana]

۔

وہ چاند چہرے وہ بہکی باتیں سلگتے دن تھے مہکتی راتیں
وہ چھوٹے چھوٹے سے کاغذوں پر محبتوں کے پیام لکھنا
گلاب چہروں سے دل لگانا وہ چپکے چپکے نظر ملانا
وہ آرزوؤں کے خواب بننا وہ قصہّ ناتمام لکھنا
حسن رضوی

 

[شمشاد]

عاشقی بے دلی سے مشکل ہے
پھر محبت اسی سے مشکل ہے
عشق آغاز ہی سے مشکل ہے
صبر کرنا ابھی سے مشکل ہے
(احمد فراز)

 

[شمشاد]

کسی سے کبھی دل لگایا نہ تھا
محبت کا صدمہ اٹھایا نہ تھا

حسینوں کے رونے پہ ہنستے تھے ہم
کبھی اک آنسو بہایا نہ تھا
(اختر شیرانی)

 

[ظفری]

کچھ لوگ محبت کا صلہ مانگ رہے ہیں
نادان ہیں بندے سے خُدا مانگ رہے ہیں

 

[شمشاد]

بجھے سینوں میں جلتی ہے تو دل بیدار ہوتے ہیں
محبت کی تپش میں کچھ عجب اسرار ہوتے ہیں