محبت کے موضوع پر اشعار!

[الف نظامی]

محمد(صلی اللہ علیہ والہ وسلم) کی محبت دینِ حق کی شرطِ اول ہے
اسی میں ہو اگر خامی تو سب کچھ نامکمل ہے

 

[شمشاد]

یہ محبت بھی کیا روگ ہے فراز
جسکو بھولیں وہ سدا یاد آئے

 

[شمشاد]

تمنا مِٹ چکی لیکن خلش دردِ محبت کی
جہاں معلوم ہوتی تھی وہیں معلوم ہوتی ہے

 

[تیشہ]

عنائیت سی عنائت ہوگی ہے
تمھں مجھ سے محبت ہوگئی ہے
تمھارے نام کی تسبح ہے لب پر
محبت کیا عبادت ہوگئی ہے۔

 

[شمشاد]

نہ محبت نہ دوستی کے لیئے
وقت رکتا نہیں کسی کے لیئے

دل کو اپنے سزا نہ دے یونہی
اس زمانے کی بے رخی کے لیئے

 

[شمشاد]

ہر طرف اک نور ہوتا ہے
رنج و غم دل سے دور ہوتا ہے

جب محبت سے دیکھتا ہے کوئی
بے پیئے بھی سرور ہوتا ہے

 

[فریب]

پہلی پہلی محبتوں کا خمار
باتوں باتوں میں رات ڈھل جائے
اب کے دل میں وہ درد اترا ہے
غیر ممکن ہے آج کل جائے
زندگی خوش ہے تیرے وعدوں پر
جیسے بچے کا دل بہل جائے
ہجر کی رات ڈھل گئی محسن
اب تو دل سے کہو سنبھل جائے

 

[شمشاد]

یہ حسنِ رازِ محبت چھپا رہا ہے کوئی
ہے اشک آنکھوں میں اور مسکرا رہا ہے کوئی

نظر نظر میں تجلی دکھا رہا ہے کوئی
نفس نفس پے مجھے یاد آ رہا ہے کوئی
(قدیر)

 

[افتخار راجہ]

آؤ تو لگاؤ ساتھ سینے کے مگر لیکن
یہ پوچھو حال دل میر حسن خنجر کی پٹھی ہوں
تیری قُ لفت محبت کا گلہ کچھ کر نہی سکتی
جگر چھلنی ہوا میرا، گئی عالم میں چھٹی ہوں

چھٹی= پنجابی بمعنی بدنام

 

[الف نظامی]

علیم نعت صحیفہ ہے اک محبت کا

نہ فلسفہ ہے نہ منطق نہ نکتہ ہائے دقیق​

 

[تیشہ]

وہ ملتا بھی محبت سے ہے لیکن عادتاَ ساجد
کئے جاتا ہے باتیں جا بجا ترکِ تعلق کی ،

 

[شمشاد]

نہ کر مجھے شرمسار نشے میں دل سے مجبور ہوں کہ جسکا
ہے یوں تو کون و مکاں پہ قابو مگر محبت پہ بس نہیں ہے

کہاں وہ اُمید آمد آمد کہاں یہ ایفائے عہدِ فردا
جب اعتبارِ نظر نہ تھا کچھ اب اعتبارِ نفس نہیں ہے
(شکیل بدایونی)

 

[شمشاد]

اظہارِ محبت نہ کیا بس اسی ڈر سے
ایسا نہ ہو گِر جاؤں کہیں اُن کی نظر سے

اے ذوقِ طلب، جوشِ جنوں یہ تو بتا دے
جانا ہے کہاں اور ہم آئے ہیں کہاں سے
(فیاض ہاشمی)

 

[وہاب اعجاز خان]

جواب

محبت بندگی ہے اس میں تن کا قرب مت مانگو
کہ جس کو چھو لیا جائے اسے پوجا نہیں کرتے

 

[شمشاد]

وہاب بھائی ماشااللہ آپ کا چناؤ بہت خوب ہوتا ہے۔ اگر آپ اس میں لکھنے والے کا نام بھی لکھ دیا کریں تو کیا ہی بات ہے۔

 

[شمشاد]

یہ شاعری یہ محبت تیرے وجود سے ہے
یہ سوزِ درد یہ الفت تیرے وجود سے ہے

تجھ کو دیکھ کے ڈھلتے ہیں لفظ گیتوں کے
میرے خیال کی صورت تیرے وجود سے ہے

 

[ماوراء]

کسی کمزور لمحے میں
اگر میں تم سے یہ کہہ دوں
مجھے تم سے “محبت“ ہے
تم یہ مت سمجھ لینا
کہ۔۔۔۔۔
میں نے سچ کہا ہو گا
ایسی دل نشیں باتوں کو
ایسی دلبر اداؤں میں کہنا
مجھے بچپن سے آتا ہے
میری آنکھیں میرا چہرا
میرا یہ بے ساختہ لہجہ
یہ سب کچھ جھوٹ کہتا ہے
مگر۔۔۔۔
اس جھوٹ میں ایک سچ بھی ہے
کہ۔۔۔۔۔
مجھے تم سے “محبت“ ہے۔​

 

[شمشاد]

ماورا بہت خوبصورت نظم لکھی ہے۔
×××××××××××
وفا کے خواب محبت کا آسرا لے جا
اگر چلا ہے تو جو کچھ مجھے دیا لے جا
(احمد فراز)

 

[ماوراء]

شکریہ، لیکن میں نے نہیں لکھی۔۔

محبت یوں نہیں اچھی ۔۔۔۔


کوئی وعدہ نہیں ہم میں
نہ آپس میں بہت باتیں
نہ ملنے میں بہت شوخی
نہ آخرِ شب کوئی مناجاتیں
مگر ایک ان کہی سی ہے
جو ہم دونوں سمجھتے ہیں
عجب ایک سرگوشی سی ہے
جو ہم دونوں سمجھتے ہیں
یہ سارے دلرُوبا منظر
طلسمی چاندنی راتیں
سنہری دُھوپ کے موسم
یہ ہلکے سُکھ کی برساتیں
سبھی ایک ضد میں رہتے ہیں
مجھے پہم یہ کہتے ہیں
محبت یوں نہیں اچھی
محبت یوں نہیں اچھی ۔۔۔ ​

 

[شمشاد]

محبت میں وفاداری سے بچئیے
جہاں تک ہو اداکاری سے بچئیے
(ندا فاضلی)