اوس سے پیاس نہیں بجھتی میاں۔۔۔۔ اب تین پانچ کرکے نودوگیارہ ہونا تو سوکھے دھانوں پر پانی پڑنے والی بات ہے۔سب دوستوں کا پذیرائی کے لیے شُکریہ۔ آپ کے ساتھ متواتر گپ شپ میں اچھا وقت گزر رہا تھا مگر دُنیا کے جھمیلے ہمیں تقسیم کیے رکھتے ہیں سو کُچھ کام دھندے نمٹا کر پھر آپ کی باتوں کا لُطف لیتے ہیں۔ اپنا بہت سا خیال رکھیئے گا
اجی ہم تو خود جی جلائے بیٹھے تھے کہ بیٹھے بِٹھائے یہ کھیل سے کنارہ کرنے کی عجب اُفتاد کا سامنا کرنا پڑا، وہ تو بھلا ہوہمارے چاہنے والوں کا کہ جن کی یاد ہمیں کشاں کشاں واپس کھینچ لائی اور کِس مُنہ سے کہیں کہ کھٹکا ہمارے دِل میں یہ بھی تھا کہ ہمارے بغیر محفل کی دِلی ویران ہو جائی گی اور چہار دانگِ عالم ہماری تلاش میں ڈھنڈورے پیٹے جائیں گے یا لوڈ شیڈنگ کے اِس زمانے میں کُچھ مہربان چراغ کے کر ہی یہ چاند سی صورت ڈھونڈنے اُٹھ کھڑے اور ہم "ملنے کے نہیں نایاب ہیں ہم" پڑھتے گاتے مزید کھجور پر چڑھ جائیں گے، افسوس مگر یہ ہماری خام خیالی ہی ثابت ہوئی اور کسی کے کانوں پر جوں تک نہ رینگی بلکہ یوں دکھائی دیتا ہے کہ بہت سوں نے تو سُکھ کی سانس لی ہو گی کہ چلو خس کم جہاں پاک لیکن ایسے کرم فرماؤں کی ساری اُمیدیں اِس مراسلے کے فورم پر ظہور پذیر ہوتے ہی زمیں بوس ہو جائیں گی اور آفتاب آمد دلیل آفتاب کے مصادق حقیقت کی یہ کڑوی گولی اُنہیں نگلنا ہی پڑے گی
اکمل بھائی پیٹ میں لڈو نہیں پھوٹے؟؟؟ کافی احباب تو پتہ نہیں کیوں اس دھاگے سے نو دو گیارہ ہو گئے ۔۔۔ اب آپ اور میں ایک ایک گیارہ نہ بن جائیں ؟؟؟؟
پیٹ میں لڈو کبھی نہیں پھوٹتے، لڈو ہمیشہ دل ہی مین پھوٹتے ہیں ۔ پیٹ میں تو صرف چوہے دوڑ سکتے ہیں اور بل پڑ سکتے ہیں۔
لو اکمل بھائی اب خربوزہ چھری پر گرے یاں چھری خربوزے پر کٹے گا تو خربوزہ ہی اور ہماری بات تو ایسی ہے کہ گونگے نے سپنا دیکھا من ہی میں پچھتائے ہمیں آپ کی بات کی کیا سمجھ
بھیا اب اوکھلی میں منہ دیا ہے تو مسلیوں کا کیا ڈر ۔
فرض غیر واجب بھی ہوتا ہے؟
یہاں دونوں ایک دوسرے کی تاکید کے لیے ہیں!!!
آپ نے عمدہ محاورے ہم تک پہنچائے۔ اب بھلا بندر کیا جانے ادرک کا مزہ!
کوئی محاورہ رہ تو نہیں گیا؟؟
کہیں آپ کسی انجانے کام کو سر پر تو نہیں لے بیٹھیں؟ آپکو یہ بات پلو سے باندھ کر رکھنی چاہیے کہ جس کا کام اسی کو ساجھے اور اگر ایسا نہیں تو معلوم ہوتا ہے کہ آپ کام کچھ زیادہ ہی کرتیں ہیں حالانکہ بڑے بوڑھے کہتے ہیں کہ کامیاب وہ جو باتوں میں ماہر، کام میں کاہل ہے۔ کچھ وقت باتوں میں گزار دیں۔ جو ناچ نہ جانے وہ آنگن ٹیڑھا کے بہانے بوجھ در بوجھ ہی ڈالے گا۔ ایسے لوگوں سے دور رہیں۔
