محاورے کی زبان میں بات کریں ۔۔!

[محمد وارث]

ابھی خلیل خان صاحب فاختہ بھی اڑائیں گے۔

 

[جیہ]

چیل کےگھونسلے مین ماس کہاں

 

[محمد یعقوب آسی]

اب وہی بات ہو گئی کہ نماز بخشوانے گئے تھے روزے بھی گلے پڑے۔۔۔ ۔! میں نے شمشاد بھائی کی شکایت کی تھی تو اب وارث صاحب ہاتھ دھو کر میرے پیچھے پڑ گئے ہیں ۔۔۔ !

جب گیدڑ کی شامت آتی ہے تو شہر کو بھاگتا ہے، اور اگر کہیں کوئی چھیکا ٹوٹتا بھی ہے تو وہ بلی کے بھاگوں۔
بھاگو میاں! دُم دبا کر!

 

[سید عاطف علی]

محاورے کی زبان میں کچھ بن نہ پڑے تو کھسیانی بلی ہو کر کھبا نوچنا پڑے گا۔

 

[ابن رضا]

یه لڑی تو ادھا تیتر ادھا بٹیر جیسی هے

 

[جیہ]

اے نوج حضور ادھر کی بات ادھر کیوں لگا رہا ہے

 

[شمشاد]

کہنے کو تو میں بہت کچھ کہنا چاہتا ہوں لیکن نقار خانے میں طوطی کی آواز کون سُنتا ہے۔

 

[ساقی۔]

اپنے منہ میاں مٹھو تو نہ بنیں شمشاد بھائی

 

[محمد اسامہ سَرسَری]

نوکر کے آگے چاکر ، چاکر کے آگے کوکر ، کوکر کے آگے پیش کار ، چار یار ، چاروں بے کار۔

 

[محمد علم اللہ]

کون سنتا ہے نقار خانہ میں طوطی کی آواز

 

[محمد اسامہ سَرسَری]

علم بھائی ایسا لگ رہا ہے کہ آپ نے نقار خانے میں طوطی کی آواز نہ سننے والی مثل کو شعر کے ایک مصرع میں کہنے کی کوشش کی ہے۔ یا تو شاعری کی مشق کرلیں یا صرف محاورے بازی کریں ، مبادا آپ ”نہ الا الذی ، نہ اُلا الذی“ کا مصداق بن جائیں۔

 

[محمد وارث]

بجائے اس کے کہ آپ اُن کے مصرعے کو آب دیتے، آپ نے انہیں ہی آب آب کر دیا

 

[محمد اسامہ سَرسَری]

اگر وہ آب دیدہ ہوگئے ہیں تو میں آبِ زر سے اس مصرع کی آب یاری کے لیے آب ندیدہ موزہ کشیدہ ہوں۔

 

[متلاشی]

یہاں سے تو سب گدھے کے سر سے سینگ کی طرح غائب ہو گئے ۔۔۔۔

 

[زبیر مرزا]

جہاں سینگ سمائے وہاں چلے گئے

 

[نایاب]

اب تو خبر بھی نہیں کہ کہاں کہاں سینگ پھنسائے ہوئے ہیں ۔۔۔۔۔
بہت دعائیں

 

[نجف ناجی]

"آسمان سے گرا کھجور میں اٹکا"

عروض سے بھاگ رہے تھے متلاشی نے محاوروں میں پھنسا دیا

 

[نور وجدان]

"آسمان سے گرا کھجور میں اٹکا"

عروض سے بھاگ رہے تھے متلاشی نے محاوروں میں پھنسا دیا

بکرے کی ماں کب تک خیر منائے گی

 

[نجف ناجی]

بکرے کی ماں کب تک خیر منائے گی

ہاہاہا۔ ۔ ۔ ۔ ۔ ۔ شاندار جواب

 

[نور وجدان]

ہاہاہا۔ ۔ ۔ ۔ ۔ ۔ شاندار جواب

دیر آید درست آید ۔