محاورے کی زبان میں بات کریں ۔۔!

[متلاشی]

السلام علیکم !
دوستو اور بزرگو۔۔! ایک نیا دھاگہ شروع کر رہا ہوں اس میں آپ محاورات اور ضرب الامثال کی زبان میں بات کریں گے۔۔ اس میں آپ جو بھی پوسٹ کریں اس میں کم ازکم ایک محاورہ یا ضرب المثل ضرور ہونی چاہیے ۔۔۔!
والسلام

 

[متلاشی]

چلو پہلی پوسٹ میں ہی کر دیتا ہوں ۔۔۔!
ذرا دھیان سے پوسٹ کیجئے گا۔۔۔ ایسا نہ ہو کہ سوال گندم اور جواب چنا والی بات ہو جائے ۔۔۔۔!

 

[مغزل]

یعنی بلّی کے بھاگوں چھینکا ٹوٹا والی بات ۔۔ محاورے کے بارے سنا اور ہم دوڑے دوڑے چلے آئے ۔۔۔ تم سلامت رہو ہزار برس

 

[متلاشی]

یعنی بلّی کے بھاگوں چھینکا ٹوٹا والی بات ۔۔ محاورے کے بارے سنا اور ہم دوڑے دوڑے چلے آئے ۔۔۔ تم سلامت رہو ہزار برس

زہے نصیب ۔۔۔! آپ نے غریب خانے کو عزت بخشی ۔۔۔۔! آپ تشریف لائے گویا ہماری تو عید ہوگئی۔۔۔۔!

 

[شمشاد]

میرے ساتھ تین پانچ مت کیجیے گا، نہیں تو نو دو گیارہ کر دوں گا۔

 

[الف عین]

شمشاد ایسی آگ کیوں لگ گئی، بے چارہ ذیشان تو نہ تین میں نہ تیرہ میں۔

 

[محمود احمد غزنوی]

فکر نہ کیجئے وہ بھی کوئی کچّی گولیاں نہیں کھیلے ہوئے، ایسا محاورہ ماریں گے دانت کھٹے ہوجائیں گے۔۔۔

 

[شمشاد]

اب تو جو بھی دیکھا جائے گا کہ جب اوکھلی میں دیا سر تو موصلوں کا کیا ڈر۔

 

[محمود احمد غزنوی]

یہ تو ٹھیک ہے لیکن صبح کے بھولے شام کو گھر بھی تو لوٹ سکتے ہیں۔۔۔

 

[شمشاد]

گھر کی مرغی دال برابر ضرور کھانی ہے جا کر، باہر کی دال مرغی برابر مہنگی کیوں نہ کھا کر جائیں۔

 

[محمد خلیل الرحمٰن]

جناب دور کے ڈھول سہانے۔ کہیں لینے کے دینے نہ پڑجائیں

 

[شمشاد]

گلے پڑا ڈھول بجانا تو پڑے گا ہی۔

 

[شہزاد احمد]

لیکن خیال رہے کہ محاوروں کی دھجیاں نہ اُڑائی جائیں اس سارے عمل کے دوران ۔۔۔

 

[زین]

 

[شمشاد]

لیکن خیال رہے کہ محاوروں کی دھجیاں نہ اُڑائی جائیں اس سارے عمل کے دوران ۔۔۔

آپ کی بات سولہ آنے درست ہے۔

(ویسے اس کو سولہ آنے کی بجائے اب سو پیسے کر دینا چاہیے)

 

[مغزل]

کہاں محاورہ اور کہاں میں گنگو تیلی ۔۔۔ چہ پدی چہ پدی شوربہ

 

[متلاشی]

میرے ساتھ تین پانچ مت کیجیے گا، نہیں تو نو دو گیارہ کر دوں گا۔

سرمنڈاتےہی اولے پڑے۔۔۔ میں نے دھاگہ کیا کھولا آپ تو مجھ مسکین پر ہی برس پڑے۔۔۔!

 

[محمد وارث]

سرمنڈاتےہی اولے پڑے۔۔۔ میں نے دھاگہ کیا کھولا آپ تو مجھ مسکین پر ہی برس پڑے۔۔۔ !

آپ بھی تو اس طرح کے تھریڈ شروع کر کے سب کو کانٹوں میں گھسیٹ رہے ہیں۔

 

[محب علوی]

کہاں محاورہ اور کہاں میں گنگو تیلی ۔۔۔ چہ پدی چہ پدی شوربہ

یہاں تو آوے کا آوے ہی بگڑا ہے۔

 

[متلاشی]

آپ بھی تو اس طرح کے تھریڈ شروع کر کے سب کو کانٹوں میں گھسیٹ رہے ہیں۔

اب وہی بات ہو گئی کہ نماز بخشوانے گئے تھے روزے بھی گلے پڑے۔۔۔۔! میں نے شمشاد بھائی کی شکایت کی تھی تو اب وارث صاحب ہاتھ دھو کر میرے پیچھے پڑ گئے ہیں ۔۔۔!