کاشفی
محفلین
لاَ اِلٰی ھَوٰلاَءِ وَلاَالیٰ ھوٰ لاَء
از:
حضرت امجد حیدرآبادی
کامل نہ جہالت ہے، نہ آگاہی ہے
سودا ئے گدائی، نہ سر شاہی ہے
سر ڈھانکتا ہوں، تو پاؤں کھل جاتے ہیں
کیا جامہء زندگی کی کوتاہی ہے
یہ نقشِ حیات، موت سے بدتر ہے
ہر سانس میں اک چھپا ہوا خنجر ہے
رباعی
سانچے میں اجل کے ہرگھڑی ڈھلتی ہے
دن رات، یہ شمع زندگی جلتی ہے
ہے وجہ حیات، آمد و رفت نفس
یا عمر کے حلق پر چھُری چلتی ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عارف کو قدم قدم پہ حیرانی ہے
کیا مقصد زندگی پریشانی ہے
کس سے کہوں، آہ کیا پریشانی ہے
اس راہ میں عقل بھی تو دیوانی ہے
ہر شام عبثت تھی، ہر سحر لاحاصل
ہر کسب، فضول، ہر منبر لاحاصل
افسوس کہ زندگی کا حاصل نہ ملا
زندہ رہے، عمر بھر، مگر لاحاصل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہر وقت دل ستم زدہ طوف میں ہے
اک پاؤں اُمید میں ہے، اک خوف میں ہے
ہم ٹوٹ ہی سکتے ہیں، نہ جڑ سکتے ہیں
گڑ سکتے ہیں قبر میں، نہ اڑ سکتے ہیں
اس دو عملی میں زندگانی ہے تباہ
لب پر کبھی لا الہٰ ، کبھی الّا اللہ
منزل ہی نہیں یہاں اقامت کے لئے
بستر ہی نہیں ہے، خواب راحت کے لئے
کہتا ہے ہر اک مقام ، آگے بڑھئے
کیجے نہ کہیں قیام، آگے بڑھئے
رباعی
حاصل نہیں جس کا، وہ تگ و تاز ہے یہ
کھلتا نہیں، کھل کر بھی، عجب راز ہے یہ
ملتا نہیں کوئی، انتہائی نقطہ
کہتا ہے ہر انجام، کہ آغاز ہے یہ
رباعی
ہر محفل سے بحال خستہ نکلا
ہر بزم طرب سے دل شکستہ نکلا
منزل ہی نہیں، کوئی مسافر کے لئے
سمجھا تھا جسے مقام، رستہ نکلا
ایتھر کی طرح، فضا میں آوارہ ہوں
ضدّی بچے کا گویا گہوارہ ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہر آن چلا جاتا ہے ہنسنا رونا
ممکن ہی نہیں ہے ایک کروٹ سونا
معجون سُرور و دردمندی ہوں میں
مجموعہء پستی و بلندی ہوں میں
بیداری و خواب میں تذبذب ہوں میں
موت اور حیات سے مرکب ہوں میں
گاہے در صحو، گہہ مستی ہستم
گہہ رُو بُعلو، گاہ بہ پستی ہستم
یک پابہ سقر دارم ویک پابہ بہشت
من خیر بہ شر عجیب ہستی ہستم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منزل نہیں معلوم، مگر چلتا ہوں
قالب کی خبر نہیں، مگر ڈھلتا ہوں
دل، سینے میں بے سبب دہل جاتا ہے
چپکے سے کلیجہ کوئی مل جاتا ہے
ہر دم، کروٹ دل تپاں لیتا ہے
یہ کون، جگر میں چٹکیاں لیتا ہے
رباعی
سوتا ہوں، تو چپکے سے جگا دیتا ہے
جب جاگ اُٹھتا ہوں، پھر سُلا دیتا ہے
ہنستے کو رُلا دیتا ہے، چٹکی لیکر
روتا ہوں، تو پھر ہنس کے، ہنسا دیتا ہے
رباعی
اس کی میری موافقت مشکل ہے
عبد اور رب میں مناسبت مشکل ہے
ہے جس کا کمال، کُلّ یومِِ فی شان
ایسے مالک کی عبدیت مشکل ہے
رباعی
شکوہ اس کے غضب کا کرتا بھی ہوں
ہر سانس میں پھر دم اس کا بھرتا بھی ہوں
مالک میں مرے، مہر بھی ہے قہر بھی ہے
مرتا بھی ہوں اُس پہ، اُس سے ڈرتا بھی ہوں
ماخذ: ماہوار علمی و ادبی مجلّہ "مکتبہ" نومبر 1930ء
از:
حضرت امجد حیدرآبادی
کامل نہ جہالت ہے، نہ آگاہی ہے
سودا ئے گدائی، نہ سر شاہی ہے
سر ڈھانکتا ہوں، تو پاؤں کھل جاتے ہیں
کیا جامہء زندگی کی کوتاہی ہے
یہ نقشِ حیات، موت سے بدتر ہے
ہر سانس میں اک چھپا ہوا خنجر ہے
رباعی
سانچے میں اجل کے ہرگھڑی ڈھلتی ہے
دن رات، یہ شمع زندگی جلتی ہے
ہے وجہ حیات، آمد و رفت نفس
یا عمر کے حلق پر چھُری چلتی ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عارف کو قدم قدم پہ حیرانی ہے
کیا مقصد زندگی پریشانی ہے
کس سے کہوں، آہ کیا پریشانی ہے
اس راہ میں عقل بھی تو دیوانی ہے
ہر شام عبثت تھی، ہر سحر لاحاصل
ہر کسب، فضول، ہر منبر لاحاصل
افسوس کہ زندگی کا حاصل نہ ملا
زندہ رہے، عمر بھر، مگر لاحاصل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہر وقت دل ستم زدہ طوف میں ہے
اک پاؤں اُمید میں ہے، اک خوف میں ہے
ہم ٹوٹ ہی سکتے ہیں، نہ جڑ سکتے ہیں
گڑ سکتے ہیں قبر میں، نہ اڑ سکتے ہیں
اس دو عملی میں زندگانی ہے تباہ
لب پر کبھی لا الہٰ ، کبھی الّا اللہ
منزل ہی نہیں یہاں اقامت کے لئے
بستر ہی نہیں ہے، خواب راحت کے لئے
کہتا ہے ہر اک مقام ، آگے بڑھئے
کیجے نہ کہیں قیام، آگے بڑھئے
رباعی
حاصل نہیں جس کا، وہ تگ و تاز ہے یہ
کھلتا نہیں، کھل کر بھی، عجب راز ہے یہ
ملتا نہیں کوئی، انتہائی نقطہ
کہتا ہے ہر انجام، کہ آغاز ہے یہ
رباعی
ہر محفل سے بحال خستہ نکلا
ہر بزم طرب سے دل شکستہ نکلا
منزل ہی نہیں، کوئی مسافر کے لئے
سمجھا تھا جسے مقام، رستہ نکلا
ایتھر کی طرح، فضا میں آوارہ ہوں
ضدّی بچے کا گویا گہوارہ ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہر آن چلا جاتا ہے ہنسنا رونا
ممکن ہی نہیں ہے ایک کروٹ سونا
معجون سُرور و دردمندی ہوں میں
مجموعہء پستی و بلندی ہوں میں
بیداری و خواب میں تذبذب ہوں میں
موت اور حیات سے مرکب ہوں میں
گاہے در صحو، گہہ مستی ہستم
گہہ رُو بُعلو، گاہ بہ پستی ہستم
یک پابہ سقر دارم ویک پابہ بہشت
من خیر بہ شر عجیب ہستی ہستم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منزل نہیں معلوم، مگر چلتا ہوں
قالب کی خبر نہیں، مگر ڈھلتا ہوں
دل، سینے میں بے سبب دہل جاتا ہے
چپکے سے کلیجہ کوئی مل جاتا ہے
ہر دم، کروٹ دل تپاں لیتا ہے
یہ کون، جگر میں چٹکیاں لیتا ہے
رباعی
سوتا ہوں، تو چپکے سے جگا دیتا ہے
جب جاگ اُٹھتا ہوں، پھر سُلا دیتا ہے
ہنستے کو رُلا دیتا ہے، چٹکی لیکر
روتا ہوں، تو پھر ہنس کے، ہنسا دیتا ہے
رباعی
اس کی میری موافقت مشکل ہے
عبد اور رب میں مناسبت مشکل ہے
ہے جس کا کمال، کُلّ یومِِ فی شان
ایسے مالک کی عبدیت مشکل ہے
رباعی
شکوہ اس کے غضب کا کرتا بھی ہوں
ہر سانس میں پھر دم اس کا بھرتا بھی ہوں
مالک میں مرے، مہر بھی ہے قہر بھی ہے
مرتا بھی ہوں اُس پہ، اُس سے ڈرتا بھی ہوں
ماخذ: ماہوار علمی و ادبی مجلّہ "مکتبہ" نومبر 1930ء
