فی البدیہہ شاعری (موضوعاتی / غیر موضوعاتی)

چلیے صاحب کہ دیر ہوتی ہے
اور جانا بھی دور ہے ہم کو

 

کس قدر دور جائیے گا حضور
ہر طرف ہم کو پائیے گا حضور

اتنی جلدی کہاں چلے، معلوم
جاتے جاتے ہی جائیے گا حضور

لا جواب آنکھیں ہیں مگر ان سے
نہ کسی کو ستائیے گا حضور

بکھری زلفیں سنوار بھی لیں تو
کس سے قصے چھپائیے گا حضور

جائیے، جائیے، کرم کیجیے
لوٹ کر جلد آئیے گا حضور
​

 

لوٹ کر آنے والے ہم بھی نہیں
روٹھ کر جانے والے ہم بھی نہیں
کیسی قدر ت کہاں کا زعم اے دوست
شعر تو کہنے والے ہم بھی نہیں
آپ یوں ہی اداس ہوتے ہیں
بھاگ کر جانے والے ہم بھی نہیں
ہی ہی ہی ہی

 

مشکور

محترم مغل صاحب السلام علیکم۔
گھومتے پھرتے ادھر آ نکلا تھا۔ آپ کا ایک شعر دیکھا جس میں لفظ "مشکور" استعمال ہوا ہے۔یہ لفظ کن معنی میں استعمال ہوتا ہے۔؟
کیا "شکر گزار" ، "ممنون" اور "مشکور" کے معنی ایک ہی ہیں؟

 

شکریہ راقم صاحب، یہ زمرہ ’’ عین شاعری ‘‘ نہیں دراصل طبع موزوں رکھنے کا بہانہ ہے ۔ ممنون اور مشکور ایک بات نہیں ، :: ممنون ۔ جو ممنونیت کا اظہار کرے اس سے مشروط ہے، اور ::مشکور : جس کا شکریہ ادا کیا جائے اس سے منسوب ہے ( عام طور پر لوگ یہ لفظ اپنے لیے استعمال کرتے ہیں جو کہ غلط ہے ) جبکہ شکرگزار یا متشکر کا استعمال ہی صحیح اور فصیح ہے ، مذکورہ شعر میں غلط باندھا ہے ، لیکن چوں کہ محفل میں دوست ہمارا بھی شکریہ ادا کرتے ہیں اسی رعائت سے میں نے محض تفننِ طبع کے طور پر اپنا لیا،۔
امید ہے وضاحت ہوگئی ہوگی ، مناسب خیال کیجے تو اس لڑی کو بھی قلم گزاریوں کا شرف عطا کیجے ، ہمار ا حوصلہ بڑھے گا۔

 

"مشکور" کی وضاحت کا شکریہ۔

السّلام و علیکم محترمی مغل صاحب!
"مشکور" کی وضاحت کے لیے بہت شکریہ۔
میں نے اس لیے پوچھا تھا کہ اگر میں غلط استعمال کرتا ہوں تو درستی کر لوں۔ ہمارے دیہاتی ماحول میں الفاظ کی تحقیق کو کوئی اہمیت نہیں دی جاتی۔ کسی سے سنا تھا کہ مشکور اپنے لیے استعمال نہیں کرنا چاہیے۔ اس لیے آپ سے پوچھ لیا تھا۔میرا مقصد ہر گز آپ پر اعتراض کرنا نہیں تھا۔
اس کے باوجود اگر میرا سوال ناگوار گزرا ہو تو معافی چاہتا ہوں۔
والسّلام

 

کچھ تو لگتا ہے دور جا بیٹھے
دور ہم سے حضور ج۔۔۔ا بیٹھے

 

فاتح الدین جو بشیر ہوئے
پھر تری زلف کے اسیر ہوئے

 

منکسر ہو مزاج اور مغل
شعر کہنا بھی رونقوں والے

 

ایسا بالکل نہیں ہے راقم جی
ہم کہاں اور ناگواری کہاں !

 

ہم ہوَنّق نژاد ہیں صاحب !!!
رونقیں اپنے بس کی بات کہاں‌

 

مستقل دور، رہ نہیں پاتے ۔۔۔
اس لڑی میں کشش ہی ایسی ہے

 

جی میاں راقم سوالِ خوب کر ڈالا یہاں
جو "رقم" کردیں اسے "مرقوم" کہتے ی۔ہاں
جسکو ہم دیں شکریہ مشکور ہوتا ہے وہی
جسطرح بخشا ہوا مغفور ہوتا ہے وہاں

 

ہمممممم ہونق نژاد بن بیٹھے۔۔۔۔؟
خود ہی سہتی مراد بن بیٹھے ۔۔؟

 

کھینچتی آپ کو لڑی کس کی
چاہتیں آپ کو پڑی کس کی

 

ہم کو اس قدر کھینچتے کیوں ہیں
کیا قصور اس کا ہے جنابِِ من ؟

 

کھینچا تانی میں ٹوٹ جاتا ہے ۔۔
یہ لڑی کم زیادہ ’’ دھاگہ ‘‘ ہے
(‌دھاگہ =تھریڈ)

 

کیا ہوا بھاگ کیوں گئے فیصل
کیا بنانے لگے ہیں پھر ’’ کیسل ‘‘

 

بھاگ جائیں یہاں سے جب فیصل
محفلوں میں ابھی وہ رنگ نہیں