فی البدیہہ شاعری (موضوعاتی / غیر موضوعاتی)

[ابن سعید]

آؤ چل کر کے ڈھونڈتے ہیں انھیں۔
کون جانے کہاں گئے شاعر۔

 

[زھرا علوی]

لیجیے ایک کو تو ڈھونڈ لیا ۔۔
دھیرے دھیرے سبھی یہاں ہونگے۔۔

 

[ابن سعید]

بندھی امید پھر اس رونقِ محفل کی دو بارہ
فقط تک بند آجائیں کہیں سے اٹھ کے دس بارہ

 

[فاتح]

آؤ چل کر کے ڈھونڈتے ہیں انھیں۔
کون جانے کہاں گئے شاعر۔

"آؤ چل کر کے" کی تو چھوڑیں گے
ایسی تیسی ابھی مغل کر کے
خیر جانے ہی دیجیے صاحب
کوئلہ ہوں نہ آپ جل "کر کے"

 

[ابن سعید]

"آؤ چل کر کے" کی تو چھوڑیں گے
ایسی تیسی ابھی مغل کر کے
خیر جانے ہی دیجیے صاحب
کوئلہ ہوں نہ آپ جل "کر کے"

کوئلہ جل گیا ہے جل "کر کے"
امّ بکرا منائے خیر عبث

 

[شمشاد]

نہ چائے نہ سگریٹ نہ ہی پان چاہتا ہوں
فقط محفل میں تمہیں میری جان چاہتا ہوں

 

[ابن سعید]

اور میں نے یوں پڑھا کہ "فقط محفل میں تمہاری جان چاہتا ہوں"

 

[شاکرالقادری]

ہیں مری جان کے درپے سرِ محفل گویا
شاہِ شمشاد قداں، خسروِ شیریں دہناں
﴿دوسرا مصرع خواجہ حافظ شیرازی کا ہے﴾

 

[فاتح]

ہیں مری جان کے درپے سرِ محفل گویا
شاہِ شمشاد قداں، خسروِ شیریں دہناں
﴿دوسرا مصرع خواجہ حافظ شیرازی کا ہے﴾

ایک کا ذکر ہو اور دوسرا پردے میں ہو کیوں
ہاں بگویم چہ کسے خسروِ شیریں دہناں
﴿پہلے کے ساتھ ساتھ دوسرا مصرع بھی حضرت علامہ فاتح الدین بشیرؔ عدم آبادی رحمۃ اللہ علیہ کا ہے﴾

 

[الف عین]

عدم آباد سے علامہ یہاں کیوں آئے
کیا وہاں ان کے سخن کا کوئی سامع نہ ملا ؟

 

[شاکرالقادری]

ملک عدم تو ننگے پنڈے آیا ایس جہانے
اک سخن دی خاطر بندیا ۔ ۔ ! انّا پینڈا کیتا
﴿انور مسعود بہ ترمیم﴾

 

[شاکرالقادری]

عدم آباد سے علامہ یہاں کیوں آئے
کیا وہاں ان کے سخن کا کوئی سامع نہ ملا ؟

یہ وہا ں "قالو بلی" بھول گئے تھے شاید ۔!
اسی پچھتاوے میں یاں نغمہ سرا ہوتے ہیں

 

[فیصل عظیم فیصل]

ماشاء اللہ کیا زبردست فی البدیہہ شاعری ہو رہی ہے۔

ویسے فیصل بھائی آپ ہیں کہاں؟ ذرا میرے دستخط پر ایک نظر ڈال لیجیئے گا۔

آپ کے دستخط بھی دیکھیں گے
اپنا قصہ ابھ۔۔ی تو لکھنا ہے۔۔۔۔۔!

 

[فیصل عظیم فیصل]

ہر طرف ایک ہو کا عالم ہے ۔۔
سارے شاعر کہاں گئے یاں کے ؟؟؟

ہو کا عالم یہ کب تلک رہتا
آپ آئے بہار کی صورت

 

[فیصل عظیم فیصل]

آؤ چل کر کے ڈھونڈتے ہیں انھیں۔
کون جانے کہاں گئے شاعر۔

لیجئے آپ بھی چلے یاں سے
شاعروں میں یہی خرابی ہے

 

[فیصل عظیم فیصل]

لیجیے ایک کو تو ڈھونڈ لیا ۔۔
دھیرے دھیرے سبھی یہاں ہونگے۔۔

ایک "زھرا" ہو اور "علوی" بھی
سچ ہے تم خوب خوب اچھی ہو
ٹھہرے پانی میں ڈال کر پتھر۔۔!
شور کرتی ہو تم بھی سچی ہو

 

[فیصل عظیم فیصل]

بندھی امید پھر اس رونقِ محفل کی دو بارہ
فقط تک بند آجائیں کہیں سے اٹھ کے دس بارہ

باندھئیے امید محفل میں ملیں تک بند یاں۔!
اب یہاں کے شاعران خوب گو ناپید ہیں۔۔؟

 

[فیصل عظیم فیصل]

"آؤ چل کر کے" کی تو چھوڑیں گے
ایسی تیسی ابھی مغل کر کے
خیر جانے ہی دیجیے صاحب
کوئلہ ہوں نہ آپ جل "کر کے"

کوئیلا کون ہو رہا ہوغا۔۔۔!
ہم یہاں شور یا کریں غوغا

 

[فیصل عظیم فیصل]

کوئلہ جل گیا ہے جل "کر کے"
امّ بکرا منائے خیر عبث

عید بکرے کی دور تھوڑی ہے۔۔؟
ہم بھی کوئیل ذبح کرا دیں گے۔۔!

 

[فیصل عظیم فیصل]

نہ چائے نہ سگریٹ نہ ہی پان چاہتا ہوں
فقط محفل میں تمہیں میری جان چاہتا ہوں

خدا کا خوف کر دل شاد بھائی
ابھی رمضان خوب باقی ہے۔۔!