فی البدیہہ شاعری (موضوعاتی / غیر موضوعاتی)

[نوید صادق]

دیس کا حال یہ ازل سے ہے
کچھ نہ بدلا ہے اور نہ بدلے گا
خوف، حزن و ملال، یاس و الم
یہ خبر نامہ اور کیا دے گا
​

آخر ایسا ہے کیوں؟کوئی کہہ دے
الٹے قدموں کیوں چل رہے ہیں ہم
اپنے بارے میں سوچتے ہیں فقط
دوسروں پر نظر نہیں کرتے
ہم کوئی کام ڈھنگ سے آخر
کہتے رہتے ہیں ،کیوں نہیں کرتے
چلیے کچھ اور بات کرتے ہیں
دیکھنا، سوچنا غنیمت ہے
اپنے گھر سے مجھے محبت ہے
اور مرا گھر ہے، سارا پاکستان!!

 

[فیصل عظیم فیصل]

دہی کے اوپر وہی ملائی
اور پراٹھا خوشبو آئی۔!
پاس بٹھا کر چوکی پر تو
اماں نے پھر چائے پلائی
میم مغل اور الف عین جی
لیجئے فاتح صادق بھائی
بات بدلنا کیسا مشکل
ہم نے پھر اک بات بنائی

 

[مغزل]

آس تھی اک نویدِ صادق کی
یاس کی سب دلیل گزرے ہیں
گو شکم پر نہیں مگر دل پر
شعر تیرے ثقیل گزرے ہیں
​

آپ فا تح ہیں ہم ہوئے مفتوح
ہم ’’گِرے‘‘ ہیں جناب ہیں مرفوع
ہے غنیمت یہاں سے بھاگ چلو
اس سے پہلے کہ وہ کہیں ’’ اخ تھو ‘‘

 

[نوید صادق]

دہی کے اوپر وہی ملائی
اور پراٹھا خوشبو آئی۔!
پاس بٹھا کر چوکی پر تو
اماں نے پھر چائے پلائی
میم مغل اور الف عین جی
لیجئے فاتح صادق بھائی
بات بدلنا کیسا مشکل
ہم نے پھر اک بات بنائی

بات بدلی ہے ، دل نہیں بدلا
گیس، بجلی کا بل نہیں بدلا

 

[مغزل]

گُل ہی بدلا ہے ، گِل نہیں بدلہ
ہائے رخسار، تل ، نہیں بدلا۔
( ہاہاہہا)

 

[نوید صادق]

اور کہو کہانیاں، اور سنو حکائتیں
گال پہ تِل کی داستاں،گُل پہ گِلِ ادائے شب

 

[مغزل]

واہ واہ ، واہ واہ واہ واہ واہ
تھا تک دھنا تھا تھئی تھا

 

[نوید صادق]

واہ واہ ، واہ واہ واہ واہ واہ
تھا تک دھنا تھا تھئی تھا

دیکھ! مغل! یہ واہ واہ،حد سے سَوا نہیں ہے کیا
شعر کہا ہے میں نے ایک، رقص کا ماجرا نہیں

 

[مغزل]

ہائے اندازِ تخاطب ان کا
ہائے اندازِ تخاطب ان کا

ہی ہی ہی

 

[نوید صادق]

ہی ہی ہا ہا کریں گے کب تک آپ
بات کھل کر کریں کہ نکلے بھاپ

 

[فاتح]

آپ فا تح ہیں ہم ہوئے مفتوح
ہم ’’گِرے‘‘ ہیں جناب ہیں مرفوع
ہے غنیمت یہاں سے بھاگ چلو
اس سے پہلے کہ وہ کہیں ’’ اخ تھو ‘‘

بھولے بسرے نماز پڑھ لیں جب
رفع کی ہم دعائیں کرتے ہیں

'آخ تھو' ہو تو ہو ترا شیوہ
ہم تری قربتوں پہ مرتے ہیں
​

 

[نوید صادق]

ایک سے ایک ہے یہاں دل پھینک
چاہتا ہے سخن میں اعلیٰ رینک

 

[نوید صادق]

ہائے اندازِ تخاطب ان کا
ہائے اندازِ تخاطب ان کا

ہی ہی ہی

شعر ہے نہ کوئی سوال جواب
کچھ خفا لگ رہے ہیں رات سے آپ

 

[فیصل عظیم فیصل]

آپ فا تح ہیں ہم ہوئے مفتوح
ہم ’’گِرے‘‘ ہیں جناب ہیں مرفوع
ہے غنیمت یہاں سے بھاگ چلو
اس سے پہلے کہ وہ کہیں ’’ اخ تھو ‘‘

یار محمود کچھ کہوں تم سے۔۔؟
تم نےگفتار میں یہ بات چنی
بھاگنے اور تھوک کی باتیں
آج مغلوں سے پہلی بار سنی



میں حیران ہوں کہ محمود بھائی نے آج پہلی بار شاید اس لہجے میں بات کی ہے اور یہ حیرت خوشگوار ہے ناگوار نہیں ۔۔

 

[فیصل عظیم فیصل]

بات بدلی ہے ، دل نہیں بدلا
گیس، بجلی کا بل نہیں بدلا

بات بدلیں تو کسطرح بدلیں
کچھ توحالات یاد رہتے ہیں
ملک و ملت کی بات کرنےکو
کچھ سوالات یاد رہتے ہیں

 

[فیصل عظیم فیصل]

گُل ہی بدلا ہے ، گِل نہیں بدلہ
ہائے رخسار، تل ، نہیں بدلا۔
( ہاہاہہا)

خوب رخسار و تل کی بات کہی
آپ نے گُل سے گِل کی بات کہی
کچھ تو مسکا کے شعر لکھ ڈالا
اس قرینے سے دل کی بات کہی

 

[فیصل عظیم فیصل]

اور کہو کہانیاں، اور سنو حکائتیں
گال پہ تِل کی داستاں،گُل پہ گِلِ ادائے شب

ان کی سب داستاں پرانی تھی
اورسوچوں میں اک روانی تھی
بات سے بات جب کہ چل نکلی
کہنے والی بھی اپنی نانی تھی

 

[فیصل عظیم فیصل]

واہ واہ ، واہ واہ واہ واہ واہ
تھا تک دھنا تھا تھئی تھا

سات مرتبہ واہ کیا تو ایک مصرع وا ہوا
جی مغل صاحب ہمیں بتلائیے یہ کیا ہوا

 

[فیصل عظیم فیصل]

دیکھ! مغل! یہ واہ واہ،حد سے سَوا نہیں ہے کیا
شعر کہا ہے میں نے ایک، رقص کا ماجرا نہیں

مغل کو پوچھا کیئے حضرت نوید اب یہ سوال
شعر کو رقصاں کیئے ہیں اب یہاں بھولے میاں

 

[فیصل عظیم فیصل]

ہائے اندازِ تخاطب ان کا
ہائے اندازِ تخاطب ان کا

ہی ہی ہی

ہائے انداز تخاطب ان کا، آپ نے ان سے کہا
کچھ ہمیں سکھلائیے ،ہم بھی کریں کچھ ہاؤ ہا