غزل: سکونِ شب میں میسر سہانے خواب نہیں ٭ محمد تابش صدیقی

ایک کاوش احباب کی بصارتوں کی نذر:
​

سکونِ شب میں میسر سہانے خواب نہیں
بوقتِ شام سرہانے جو اب کتاب نہیں

ہیں پھول اور بھی تزئینِ گلستاں کے لیے
دل و نگاہ کی تسکیں فقط گلاب نہیں

متاعِ عیش، لباسِ حریر و فرشِ گل
یہ ہیں سراب، کہو لاکھ تم سراب نہیں

لزومِ راہِ وفا ہیں خلوص و قربانی
مفادِ ذات و غرض، عشق کا نصاب نہیں

اگرچہ جرم و خطا سے بھری ہے فردِ عمل
مگر خدا کی عنایات کا حساب نہیں

بغیرِ دردِ محبت، یہ زندگی ہے عبث
مجھے یہ کہنے میں ہرگز کوئی حجاب نہیں

حسینیت کے ترانے سبھی سنائیں مگر
حسینؓ بن کے دکھائے، کسی میں تاب نہیں

طریقِ اہلِ جنوں کا اعادہ کر تابشؔ
"کہ تیرے بحر کی موجوں میں اضطراب نہیں"
٭٭٭
محمد تابش صدیقی​

 

بہت شکریہ کاشف بھائی

بہت شکریہ حمزہ بھائی

جزاک اللہ خیر عدنان بھائی

پسند فرمانے پر شکر گزار ہوں

بہت شکریہ نعیم بھائی

 

بہت خوب صورت کلام۔ داد قبول فرمائیے

 

پسند فرمانے پر ممنون ہوں۔

بہت شکریہ عبد الرحمٰن بھائی

آداب فرحان بھائی

آمین۔ جزاک اللہ۔ حسنِ ظن رکھنے پر شکر گزار ہوں۔

شکریہ سفیر بھائی

بہت شکریہ بہن

 

اس پر میں اساتذہ کی رہنمائی چاہوں گا۔
اضافت کے ساتھ مستعمل تو ہے، اور بغیر اضافت وزن کا مسئلہ تو نہیں البتہ کچھ کمی محسوس ہوتی ہے۔

فی الوقت دادا کے دو شعر
ادب گاہِ محبت میں نظرؔ کچھ سوچ کر جانا
بغیرِ جرم بھی ملتے یہاں دیکھی ہیں تعزیریں

بغیرِ حق پرستی، دل نوازی، طاعتِ یزداں
یہ آدم زادہ کچھ بھی ہو مگر انساں نہیں ہوتا