خلیل الرحمٰن بھائی ! بہت کرم نوازی ہےآپ کی ۔ عنایت ہے ۔ سپاس گزار ہوں ۔
ہماری اقلیم ِسخن آپ کے تحریفی حملوں سے کب تک امان میں رہتی ہے
خلیل بھائی۔ محفل کا ماحول یکایک بہت بوجھل اور گمبھیر ہوچلا ہے ۔ کسی قسم کے ۔ ۔ ۔ وارانہ فسادات کا خطرہ ہے۔ ایسے میں بابائے وزل کی آمد تو بہت ضروری ہے ۔
اس طرح کم ازکم سفارتی تعلقات تو برقرار رہتے ہیں ۔ آپ کو ہماری طرف سے غیر مشروط دعوتِ کلام ہے ۔ اور اگر آپ کبھی پاس پڑوس میں ہوں تو ’’غریب کھانے‘‘ پرکھلی دعوتِ طعام بھی ہے ۔
اسد بہت محبت ہے آپ کی۔ سراپا سپاس ہوں ۔ خدا آپ کو شاد و آباد رکھے۔
یہ کیا ظہیر بھائی ایسے کیوں کہتے ہیں کے آپ کو شاعری کی سمجھ کم آتی میں تو کہتی آپ تو شاعروں کے بھی استاد ہیںبہت نوازش ادی ! شاعری کی سمجھ تو مجھے بھی کم ہی آتی ہے ۔ داد بہرحال میں قبول کرتا ہوں ۔
ادی سندھی میں بہن کو کہتے ہیں ۔ احترام کا پیرایہ ہے
جناب پہلی گزارش تو یہ ہے کہ ان مجموعہءِ الفاظ کو اب مزید تک بندی کہہ کر نہ پکارا جائے، کیوں کہ اب میرے خیال میں یہ لڑکپن سے بھرپور شباب میں قدم رکھ چکے ہیں۔ انہیں اشعار اور بہترین اشعار کہا جانا ہی مناسب ہے۔ طبیعت کا میلان کچھ ایسا ہو چلا ہے کہ اب شاعری کا دعویٰ کرنے والے ہر نئے نام کو مشکوک نظروں سے ہی دیکھتا ہوں پھر چھان پھٹک کے بعد ہی کوئی رائے قائم کرتا ہوں۔ لیکن آپکی لڑی میں نامعلوم کیسی کشش تھی کہ محفل کے سرورق پر موجود دیگر عنوانات کو نظرانداز کرتے ہوئے پہلا لنک یہی کھولا۔ تمہید نے مزید پڑھتے رہنے پر مجبور کیا۔ پہلی ہی غزل نے قائل کر لیا کہ بھائی بندے کے کلام میں دم ہے۔ یوں تو ہر ایک شعر ہی لاجواب ہے لیکن رسم یہی ہے کہ دو چار چیدہ چیدہ اشعار کو تبصرے میں ضرور داد دی جاتی ہے۔ سو مجھے تو یہ اشعار بہت پسند آئے؛
؎کسی نرالے سے گاہک کے انتظار میں دل
دکان ِ درد پہ رکھے ہوئے پرانا ہوا
کوئی بتائے مجھے کاروان ِ عمر ِ رواں
کہاں سے آیا ، کدھر ٹھہرا ، کب روانہ ہوا
؎ہوئی نہ جراٗت ِ طوفِ حریم ِ عشق ہمیں
بس ایک سنگِ ملامت انا کو مار آئے
وصالِ یار حقیقت ہے گر تو ختم نہ ہو
اگر یہ خواب ہے کوئی تو باربار آئے
؎لائی ہے بادِ سحر راکھ ، دھواں اور شبنم
اُس نے پھر خط مجھے لکھ لکھ کے جلائے ہونگے
بہت سی داد قبول کیجئے
عاطف بھائی ۔ بڑی محبت ہے آپ کی۔ نوازش ! آپ کا مشورہ تو اور بھی پسند آیا ۔ ذرا سا زیادہ وقت لگے گا لیکن اس طرح دونوں ہی کام ہوجائیں گے۔ یوں ہی کرتا ہوں ۔
ِ
ظہیر بھائی! بہت بہت شکریہ۔ نوازش! مجھے بھی خوشی ہے کہ آپ کو اشعار پسند آئے ۔خدا آپ کو خوش و خرم رکھے۔
حمیرا عدنان ایسے نہیں کہتے۔ ایک دوسرے کی مدد کرنا اور مشورے دینا استادی شاگردی نہیں ہے ۔یہ تو ایسے ہی ہے کہ جیسے کوئی سینئر اپنے کسی جونیئر کی ذرا سی رہنمائی کردے ۔ استاد تو جناب اعجاز عبید اور یعقوب آسی صاحب جیسے اہلِ علم و ہنر ہوتے ہیں کہ شعر وادب جن کا اوڑھنا بچھونا ہے اور جنہوں نے پوری عمریں ادب کی خدمت میں لگادی ہیں ۔یہ کیا ظہیر بھائی ایسے کیوں کہتے ہیں کے آپ کو شاعری کی سمجھ کم آتی میں تو کہتی آپ تو شاعروں کے بھی استاد ہیں
بہت بہت شکریہ بھائی اس عزت افزائی کا خوش رہیں
