سانحۂ راولپنڈی سنی شیعہ نہیں، شیعہ دیوبندی جھگڑا ہے

عزت افزائی کا بہت شکریہ جناب ۔
مجھے آپ کے ارادے سے حوصلہ ملا اور یہ سبق بھی کہ اگر ہم صاف نیت کے ساتھ معاملات کی اصلاح کی کوشش کریں تو دوسرے لوگ ہمارے ساتھ ضرور شامل ہوتے ہیں ۔ اللہ آپ کے ارادے میں برکت عطا فرمائے ۔
ویسے آپ خادم اعلی پنجاب پر بھی مثال پیش کرتے تو میں ہرگز خفا نہ ہوتا ۔ بلکہ میں تو ان پر خود بڑی لطیف چوٹ کر دیا کرتا ہوں ۔ بس یہ گزارش کروں کہ کسی مجبوری کے تحت بھی کسی کا نام نہ بدلیں ۔ کیونکہ اس سے مکالمے اور اصلاح کا دروازہ بند ہو جاتا ہے ۔

 

بہت شکریہ جناب روحانی بابا ۔یہ آپ کا بڑا پن ہے کہ میری بات کو عزت دی ۔

 

آپ نے بزعم خود صحابیت کی ڈگریاں جاری کرنا شروع کر دیں میرا سوال آپ سے یہ ہے آپ کو یہ اختیار کب کہاں اور کس نے دیا۔ آپ کے معیار کے مطابق اگر صرف 7 لوگ صحابیت کے معیار پر پورا اترتے ہیں تو وہ آپ کو مبارک ہو۔
اور اگر حضرت علی ر۔ض سے جنگ کرنے والے لوگ صحابہ نہیں رہے تھے بلکہ آپ نے ان کی مسلمانی میں شک کرنے کی جسارت بھی کی ہے۔ تو حضرت حسن اور حضرت حسین ر۔ض نے جب حضرت امیر معاویہ ر۔ض کی بیعت کی، کیا سمجھ کر کی؟ ذرا وضاحت فرما دیں، شکر گزار ہوں گا۔

 

بھائی جان ، گو کہ اس سے قبل بھی یہاں غیر ضروری بات بہت ہو چکی لیکن اس کا اختتام کہیں تو کرنا ہی ہے لہذا اب بس کریں کہ ہم ایک دوسرے کی شلواریں کھینچتے پھریں گے ؟۔ ہر فرقہ ڈگریاں جاری کرتا ہے کوئی صحابہ پر تو کوئی دوسروں کی مسلمانی پر ، کوئی حدیث پر تو کوئی فلسفے پر ، کوئی تصوف پر تو کوئی روحانیت پر ۔
لڑی کا عنوان دیکھئے کہ کیا ہے یہاں ایسے مراسلات کی گنجائش نہیں بنتی ۔ میں دیگر اراکین سے بھی ملتمس ہوں کہ اب بات کو ان خطوط پر آگے نہ بڑھائیں ۔

 

میرے محترم دوست! ایک دوسرے کو کچھ کہنا اور بات ہیں اور بزرگانِ دین پہ تبرا کرنا اور بات۔ اگر آپ مجھ پہ تنقید کریں یا میں آپ پہ ہم برداشت کر لیں گے لیکن اگر دین کی محترم و مکرم شخصیات پر الزامات لگائے جائیں تو کیا ہم سنتے رہیں؟

 

اللہ کی قسم بالکل سچ کہہ رہا ہوں ۔۔۔۔۔۔۔جب راولپنڈی والا واقعہ ہوا تو صبح ہم یونیورسٹی جارہے تھے کہ اچانک ایک لیکچر ر جو کہ میرا قریبی رشتہ دار ہے مجھے مل گیا یعنی گاڑی روک دی میں بیٹھ گیا میرے دوسرے ساتھی نے کچھ دیر بعد یعنی ایک بات کے ختم ہونے پر اس واقعہ کے بارے میں بات کی تو میرا رشتہ دار کہنے لگا کہ یار ایک واقعہ تیرہ چودہ سو سال پہلے ہوا ہے تو یہ کتنے کم عقل لوگ ہیں جو اس پرابھی تک لڑرہے ہیں کہ کون غلط تھااورکون صحیح تھا ۔۔۔۔بادی نظر میں بات درست لگتی ہے آپ کا کیا خیال ہے

 

جی بالکل! اس پر مجھے بھی ایک واقعہ یاد آ گیا۔ ایک بار ہمارے محترم دوستوں نے غالبا لندن میں دس محرم کی تقریبات منعقد کیں۔ انگریزوں کو اس سے قبل ایسی تقریب دیکھنے کا اتفاق نہیں ہوا تھا، سو وہ حیرت میں پڑ گئے۔ جب انھیں بتایا گیا کہ حضرت حسین شہید کر دیئے گئے ہیں ان کا غم منایا جا رہا ہے تو ان کا بے ساختہ تبصرہ یہ تھا۔۔۔۔۔۔۔۔۔۔۔۔ان لوگوں کو آج پتا چلا ہے اس بات کا؟

 

جو صدا کے اختلافات ہیں وہ رہیں گے، شہروں میں دال پکتی ہے گلتی نہیں ، کیونکہ جلدی ہوتی ہے۔

جی معاویہ بھائی ،
مجھے آپکے اس مراسلے نے حیرت میں ڈال دیا۔
اس کے بارہ میں یہاں دیکھیں

 

حیرت ہے یہ دھاگہ بند نہیں کیا گیا، آج ادھر گزر ہوا تو مزید ضو افشانیاں ہو چکی تھیں، خاصی حد تک بہودہ گوئی کی جارہی ہے دونوں طرف سے، ویسے اگر یہ اردو محفل ہے اور ایک مذہبی فورم نہیں ہے تو اس دھاگے کو اب بند کر ہی دینا چاہیے ورنہ پانی میں مدھانی چلانے سے مکھن نکلنے سے رہا۔۔۔۔۔! ایک گروہ دوسرے گروہ کو کافر کہہ کر خوش ہوتا ہے تو دوسرا فورا صحابہ کرام پر طعن تشنیع کرکے اور اپنے ٹربیونل میں انھیں سزوار بنا کر آنجواب غزل سناتا ہے۔ اور ادھر قادری صاحب، بڑے قادری صاحب کیطرح ملین مارچ کر کے اب خاموش ہیں۔ ایک مراسلے میں محترم محمود غزنوی صاحب نے احسن طریقے سے مراسلے کے عنوان کا تجزیہ کیا ہے جس کے بعد میرا نہیں خیال کے مزید کسی بحث کی ضرورت ہو۔

 

جی ہاں میرا بھی یہی خیال ہے۔۔ بہت گل افشانیاں ہو چکیں ہر دو بلکہ ہر سہ چار طرف سے۔۔ میری بھی محفل کی انتظامیہ سے درخواست ہے کہ اب اس دھاگہ کو بند کر دیا جائے، یہ دھاگہ اب کسی بھی طرح سے تعمیری نہیں رہا اور صرف تخریب کی طرف دعوت دے رہا ہے لہذا شمشاد چاچو مہربانی فرما کر نوٹس لیجئے اور اس دھاگہ کو بند کر دیجئے۔ جتنا زہریلا مواد اس میں موجود ہے اس کے بعد میرا نہیں خیال کہ آپ کو مزید کسی وجہ کی ضرورت ہو۔
والسلام۔

 

اس لڑی کو مقفل کر دیا گیا ہے۔

اراکین سے درخواست ہے کہ اس قسم کی کوئی بھی دوسری لڑی شروع نہ کی جائے۔