ریٹنگ کا جادو!

بعض محفلین سوچ سمجھ کر، دھیان سے اور یک گونہ تسلی کے ساتھ ریٹنگ یا درجہ بندی عطا کرتے ہیں۔ تاہم، بعض محفلین کا پیٹرن اک ذرا مختلف ہوتا ہے۔ وہ ریٹنگ کی اندھا دھند فائرنگ پر یقین رکھتے ہیں۔ایسا بھی دیکھنے میں آیا ہے کہ بعض محفلین نے مخصوص قسم کی ریٹنگ دینے کا تہیہ کر رکھا ہوتا ہے اور یہ میزائل داغنے کے لیے وہ موقع محل کے انتظار میں رہتے ہیں۔ بعض احباب ریٹنگ کو ہنسی مذاق کی شے تصور کرتے ہیں جب کہ بعض محفلین کے نزدیک ریٹنگ انتہائی معنی خیز ہوتی ہے۔

اب آپ فرمائیے، محفل میں کیا چل رہا ہے، ریٹنگ کے حوالے سے؟

 

آج کل محفل میں کیا چل رہا ہے؟
ہمارے ہاں لو (گندم کی کٹائی) چل رہا ہے۔

 

بعض اوقات لوگ آپس کے تعلق اور بعض اوقات لوگ واقعی مراسلے میں موجود مواد کی بنیاد پر ریٹنگ دیتے ہیں ۔ کچھ لوگ منفی ریٹنگ کے لئےموقع کی تاک میں رہتے ہیں۔

 

مجھے اسبارہ میں زیادہ نہیں معلوم۔ بس اتنا جانتا ہوں کہ میری ریٹنگ سے کوئی بھی خوش نہیں ہے۔

 

اسبارہ، اسپر، وغیرہ وغیرہ جیسے الفاظ سے جان چھڑا لیں تو شاید اکا دکا محفلین آپ سے بھی خوش ہو جائیں۔

 

منفی ریٹنگز تو خیر ہیں ہی، لیکن مثبت ریٹنگز کا منفی استعمال ایک ایسا زبردست ہتھیار ہے کہ جو کافی پریکٹس کے بعد چلانا آتا ہے!

 

اے خان بھائی! لُو اور کٹائی دونوں مونث ہیں۔ اور تو اور، گندم بھی مونث ہے۔

 

پشتو میں لو مذکر ہے۔

 

تابش بھائی، آپ اک ذرا دیر سے آئے۔ خان صاحب، پہلے ہی لو چلا چکے، مذکر مَوڈ میں۔

 

دوڑتا ہے

 

ہو سکتی ہے کہ لو چلتا ہو۔

 

ہم تو خیر دیکھ بھال کے ریٹینگ کرتے ہیں منفی اب تقریباََِ نا ہونے کے برابر ہے بہت ہی کچھ برا لگتا ہے تو اظہار کرنا پڑتا ہے ۔ ۔ ۔ فرقان بھائی ایک "تعجب خیز" ریٹنگ کا اضافہ کردیں بڑی چلے گی۔ ۔ ۔ ۔ اب یہ آپ دیکھیں اسے نگیٹیو رکھنا ہے یا پازیٹیو

 

ہمارے خیال میں 'حیران کن' یا 'تعجب خیز' کی ریٹنگ ضرور ہونی چاہیے۔ محترم ابن سعید سے سفارش کیے دیتے ہیں چاہے اس کے لیے 'مضحکہ خیز' کی ریٹنگ کی قربانی دینی پڑ جائے۔ ہمارے خیال میں 'مضحکہ خیز' ریٹنگ کا زیادہ تر مضحکہ خیز استعمال ہی کیا گیا ہے۔ تاہم یہ تکنیکی امور ہیں، شاید ایسا کرنا آسان نہ ہو۔

 

عثمان صاحب کو خاص طور پر اِس لڑی میں اس لیے ٹیگ کیا جا رہا ہے کہ وہ ہمیشہ محتاط انداز میں اور کافی سوچ سمجھ کر ریٹنگ دیا کرتے ہیں۔ حضرت! تشریف لائیے اور ہماری رہنمائی کیجیے۔

 

میں نے نہیں بولنا کچھ بھی۔۔

 

ایڈمن صاحب آپ بتائیں گے آپ کونسا "جادو" چلانا چاہتے ہیں یا کونسا "جن" بوتل سے باہر لانا چاہتے ہیں ۔۔ یہ تھریڈ شروع کرکے؟
فرقان احمد

 

بھیا قربانی کسی کی نہ دیں سب کا اپنا مزا ہے ۔ ۔ ۔ یہ بھی ایک بہت اہم اظہاریہ ہے ۔ ۔ ۔ کچھ پر تو واقعی دینے کو دل کرتا ہے ۔ ۔ ۔ اور کبھی کنجوسی بھی نہیں کی ہم نے۔ ۔ ۔

 

ہلکا پھلکا سلسلہ ہے بھئی! اس لڑی کو زیادہ سنجیدگی سے نہ لیا جائے۔

 

اپنی طرف تو سکون چل رہا ہے