دیوانِ غالب نسخۂ اردو ویب ڈاٹ آرگ (مکمل)

جیہ

لائبریرین
دیوانِ غالب نسخۂ اردو ویب (مکمل)

دو سال پہلے دیوان غالب پر جو کام اس محفل پر شروع ہوا تھا، آج میں سمجھتی ہوں کہ وہ کام پایۂ تکمیل کو پہنچ گیا ہے۔ کم از کم میں جتنا کام کر سکتی تھی اپنی بساط بھر، وہ کر دیا۔ اب دیوانِ غالب (مکمل) آپ کے سامنے ہے۔

ان دو سالوں میں نسخۂ اردو ویب پر جو کام ہوا، اس کی تفصیل یہ ہے:
الف) یکم اپریل 2006 کو اس کی ٹائپنگ اور محفل پر پوسٹنگ مکمل ہوگئی۔ ٹائپنگ کرنے والوں کے نام یہ ہیں:
اعجاز اختر (الف عین)
سیدہ شگفتہ
نبیل نقوی
شعیب افتخار (فریب)
محب علوی
رضوان
شمشاد

ب) اپریل 2006 میں ہی اعجاز عبید صاحب نے سارے کام کو ایک فائل میں مرتب کیا۔ اس کی ابتدائی پروف ریڈنگ کی اور اس کا دیباچہ لکھا۔ نیز مندرجہ ذیل نسخوں کے ساتھ موازنہ کیا اور ان نسخوں کے اختلاف پر فٹ نوٹس لکھے۔

1۔ دیوانِ غالب۔ مکتبہ الفاظ علی گڑھ
2۔ دیوان غالب۔ نسخہ تاج کمپنی لاہور
3۔ دیوانِ غالب۔ نول کشور پریس لکھنؤ

ج) اپریل 2006 کو میں نے محفل میں شمولیت اختیار کی ۔ مئی میں دیوان پر کام شروع کیا اور 20 جون 2006 کو میں نے اس کی پروف ریڈنگ مکمل کی اور مندرجہ ذیل نسخوں کے ساتھ موازنہ کیا اور ان نسخوں کے اختلاف پر فٹ نوٹس لکھے۔

1۔ نوائے سروش از مولانا غلام رسول مہر(نسخۂ مہر)
2۔ شرحِ دیوانِ غالبؔ از علامہ عبدالباری آسی ( نسخۂ آسی)
3۔ دیوانِ غالبؔ (فرہنگ کے ساتھ)
4۔ دیوانِ غالبؔ نسخۂ طاہر
5۔ دیوان غالب (نسخۂ حمیدیہ)

حالانکہ ان پانچ نسخوں کے علاوہ میرے پاس 5 اور نسخے موجود تھے مگر ان کو مستند نہ جانتے ہوئے ، ان سے استفادہ نہ کیا۔

اس کے علاوہ ایک ضمیمہ کا اضافہ کیا جس میں نسخۂ مہر سے اس کلام کو ٹائپ کرکے شامل کیا جو غلام رسول مہر صاحب نے مولانا عبد الباری کے نسخے سے نقل کیا تھا۔

د) 12 مارچ 2007 کو میں نے ضمیمۂ دوم کا اضافہ کیا۔ ضمیمۂ دوم در اصل نسخۂ حمیدیہ سے 7 غزلوں کا انتخاب تھا۔
ھ) اسی دوران مجھے دیوان غالب کا ایک اور نسخہ ملا۔ یہ نسخہ حامد علی خان نے مرتب کیا تھا۔ اس نسخے کو مرتب کرتے وقت ان کے پیش نظر بے شمار نسخے تھی۔ ان سارے نسخوں میں جو اختلاف تھے، وہ حامد علی خان نے حواشی میں ذکر کیے۔ میں نے ان حواشی اور فٹ نوٹس کو ٹائپ کرکے ان کو 7 اکتوبر 2007 کو نسخۂ اردو ویب میں شامل کیا۔

و) اسی دوران جناب اعجاز عبید صاحب نے بھی دیوان پر جاری رکھا اور مندرجہ ذیل نسخوں سے وہ اشعار جو ہمارے نسخہ میں درج نہیں تھے، ان کو ٹائپ کرکے مجھے بھیج دیے:

1۔ گلِ رعنا، نسخۂ شیرانی، نسخۂ بھوپال بخطِ غالب، نسخۂ رضا سے
2۔ انتخاب نسخۂ بھوپال کی باز یافت۔ سید تصنیف حیدر، ماہنامہ آج کل، فروری ۲۰۰۷ء (نسخۂ مبارک علی کے حوالے اسی سے ماخوذ ہیں)
3۔ دیوانِ غالب (کامل) تاریخی ترتیب سے۔ کالی داس گپتا رضاؔ

میں نے ان اشعار کی پروف ریڈنگ کی، ان کو اس نسخے میں (نسخہ حمیدیہ کے ترتیب پر) مناسب جگہوں پر رکھا۔ میرے پاس موجود دوسرے نسخوں کے ساتھ موازنہ کیا اور اختلاف پر بھی فٹ نوٹس لکھے۔ مزید کام یہ کیا کہ وہ اشعار جو متداول و مشہور دیوان کا حصہ نہیں تھے، ان اشعار اس نسخے میں سرخ رنگ سے نمایاں کیا۔

مزید براں فرخ بھائی(سخنور) نے چند اشعار اور حواشی میں پروف کی غلطیوں کی نشاندہی کی تھی، ان کی تصحیح کی۔ ایک مشہور شعر چھوٹ گیا تھا اس کو شامل کردیا۔

ز) اسی دوران مولانا امتیاز عرشی کا ایک مضمون نظر سے گزرا جو کہ ماہنامہ ماہ نو کے فروری 1998 کے غالب نمبر میں شامل تھا۔ یہ مضمون دیوان غالب کے ایک نسخہ جو کہ نسخۂ بدایوں کے نام سے مشہور ہے پر تھا۔ معلوم ہوا کہ نسخۂ بدایوں میں دو اشعار ایسے شامل ہیں جو کہ کسی اور نسخے میں شامل نہیں۔ وہ اشعار یہ ہیں:

اور تو رکھنے کو ہم دہر میں کیا رکھتے تھے
مگر ایک شعر میں انداز رسا رکھتے تھے
اس کا یہ حال کہ کوئی نہ ادا سنج ملا
آپ لکھتے تھے ہم اور آپ اٹھا رکھتے تھے

ان دو کو فوراً شامل کردیا۔
تدوین کے بعد اب آپ یہ نسخہ دیے گئے ربط سے ڈاؤن لوڈ کر سکتے ہیں۔

دیوانِ غالب نسخہ اردو ویب ڈاٹ آرگ آگست 2019


یہ فائل آپ میرے دستخط میں دیے گیے ویب سائٹس سے ڈاون لوڈ کر سکتے ہیں۔

دعاؤں کی طالب۔۔

جویریہ مسعود
 

Attachments

  • Deewan e Ghalib - Nuskha e UrduwebDotOrg Complete June 2008.zip
    233.6 KB · مناظر: 504
مدیر کی آخری تدوین:

نبیل

تکنیکی معاون
جزاک اللہ خیر جویریہ بہن۔
میں نے اس موضوع کو اعلانات کے زمرے میں منتقل کر دیا ہے تاکہ یہ صفحہ اول پر بھی نمایاں ہو جائے۔
 

جیہ

لائبریرین
شکریہ نبیل بھائی۔ میں حیران ہو رہی تھی کہ اس دھاگے نے اعلانات پر چھلانگ کیسے لگائی۔ :)
 
چھوڑیئے اب کون تعریف کرے اور مبارکباد دے۔ اب تو کام ہو ہی گیا۔ :)

مذاق بر طرف واقعی بٹیا آپ اور اس کام میں شریک دوسرے سارے احباب خصوصاً سن رسیدہ جوان چاچو قابل مبارکباد ہیں۔ :)
 

گرو جی

محفلین
میں ایک درخواست کروں‌اگر اجازت ہو
مجھے پتہ ہے کہ یہ خالصتاً دیوانے اردو کے لئے ہے
مگر اس کو adobe میں‌ تبدیل کر لیا جائے تا کہ کوئی اس کی غیر قانونی نقل نہ کر سکے
یہ صرف میں‌ نے ایک مشورے کے طور پر بات کہی ہے
 

محسن حجازی

محفلین
چچا غالب بھی مبارکباد کے مستحق ہیں کہ وہ نہ ہوتے تو آپ کس کا دیوان غالب برقیاتے؟ :)
بہت خوشی کی بات ہے۔۔۔ ماشا اللہ!
تمام اراکین کو شاباش!
 

فاتح

لائبریرین
جیہ صاحبہ! یوں تو تمام احباب ہی مبارک باد کے مستحق ہیں لیکن آپ کی مسلسل کاوشیں خصوصی مبارکباد کی متقاضی ہیں۔
بہت بہت مبارکباد اس کار نیک کے بخیر انجام پر۔
 

فرخ منظور

لائبریرین
واہ واہ! بہت خوب جویریہ صاحبہ - آپ کے کام کی جتنی بھی تعریف کے جائے کم ہے - اور اعجاز صاحب کا بھی بہت شکریہ- اعجاز صاحب کی بھی جتنی تعریف کی جائے کم ہے کہ انہوں نے کئی کتابوں‌ کو برقیا کر اردو ادب کی بہت خدمت کی ہے -
 

حسن علوی

محفلین
پوری ٹیم مبارکباد کی مستحق ھے۔ بہت اعلٰی کام جِسے بہت ہی احسن طریقے سے پایہ انجام تک پہنچایا۔
 

باسم

محفلین
میں ایک درخواست کروں‌اگر اجازت ہو
مجھے پتہ ہے کہ یہ خالصتاً دیوانے اردو کے لئے ہے
مگر اس کو Adobe میں‌ تبدیل کر لیا جائے تا کہ کوئی اس کی غیر قانونی نقل نہ کر سکے
یہ صرف میں‌ نے ایک مشورے کے طور پر بات کہی ہے

دیوان غالب برقیانے پر اردو ویب ٹیم کو مبارکباد
کیا احباب تائید کریں گے کہ یہ نسخہ تیار ہی نقل کرنے کیلیے کیا گیا ہے مگر قانونی
 

الف عین

لائبریرین
جیو جوجو۔۔۔جب تک جی چاہے!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!میں ‌ تو سمجھ رہا تھا کہ تم بھول گئیں۔ اور اپنی سائٹ پر الگ الگ نسخے رکھ رہا تھا۔ بشمول اس کے جس میں اضافہ سرخ سے ٹائپ کیا تھا میں نے گلِ رعنا وغیرہ سے۔ اب اس سرخی مائل نسخے کو ہٹا کر تمہارا رکھ دوں گا۔
لیکن ایک سلسلے میں شرمندہ ہوں۔ تم نے میرے ایک پیش لفظ/ پیش گفتار کے لئے جگہ چھوڑی تھی اور خود جو تحریر کیا تھا اس میں مجھے اتنا چڑھا دیا تھا کہ اب تک اترتے ہوئے ڈر لگ رہا ہے۔
بہر حال کام پایۂ تکمیل کو پہنچا،، اردو دنیا کو مبارک ہو، محض اردو محفل کو ہی نہیں۔
یہاں بھی جن احباب نے حقیر فقیر۔۔۔۔۔ وغیرہ وغیرہ کی پذیرائی کی ہے، اس کے لئے بہت شکریہ۔۔ حنا فیصل یاد آ گئی۔ وہ کیا کہتی تھی۔۔۔ تھینکریہ۔
پ ت۔ ابھی دیکھا تمہارا نسخہ۔ وہ سرخی تم نے برقرار ر کھی ہے!
 
Top