1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $420.00
    اعلان ختم کریں
  2. اردو محفل سالگرہ چہاردہم

    اردو محفل کی یوم تاسیس کی چودہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

دیوانِ غالب نسخۂ اردو ویب ڈاٹ آرگ (مکمل)

جیہ نے 'ضروری اعلانات' کی ذیل میں اس موضوع کا آغاز کیا، ‏جون 12, 2008

  1. جیہ

    جیہ لائبریرین

    مراسلے:
    15,025
    جھنڈا:
    Pakistan
    موڈ:
    Bitched
    دیوانِ غالب نسخۂ اردو ویب (مکمل)

    دو سال پہلے دیوان غالب پر جو کام اس محفل پر شروع ہوا تھا، آج میں سمجھتی ہوں کہ وہ کام پایۂ تکمیل کو پہنچ گیا ہے۔ کم از کم میں جتنا کام کر سکتی تھی اپنی بساط بھر، وہ کر دیا۔ اب دیوانِ غالب (مکمل) آپ کے سامنے ہے۔

    ان دو سالوں میں نسخۂ اردو ویب پر جو کام ہوا، اس کی تفصیل یہ ہے:
    الف) یکم اپریل 2006 کو اس کی ٹائپنگ اور محفل پر پوسٹنگ مکمل ہوگئی۔ ٹائپنگ کرنے والوں کے نام یہ ہیں:
    اعجاز اختر (الف عین)
    سیدہ شگفتہ
    نبیل نقوی
    شعیب افتخار (فریب)
    محب علوی
    رضوان
    شمشاد

    ب) اپریل 2006 میں ہی اعجاز عبید صاحب نے سارے کام کو ایک فائل میں مرتب کیا۔ اس کی ابتدائی پروف ریڈنگ کی اور اس کا دیباچہ لکھا۔ نیز مندرجہ ذیل نسخوں کے ساتھ موازنہ کیا اور ان نسخوں کے اختلاف پر فٹ نوٹس لکھے۔

    1۔ دیوانِ غالب۔ مکتبہ الفاظ علی گڑھ
    2۔ دیوان غالب۔ نسخہ تاج کمپنی لاہور
    3۔ دیوانِ غالب۔ نول کشور پریس لکھنؤ

    ج) اپریل 2006 کو میں نے محفل میں شمولیت اختیار کی ۔ مئی میں دیوان پر کام شروع کیا اور 20 جون 2006 کو میں نے اس کی پروف ریڈنگ مکمل کی اور مندرجہ ذیل نسخوں کے ساتھ موازنہ کیا اور ان نسخوں کے اختلاف پر فٹ نوٹس لکھے۔

    1۔ نوائے سروش از مولانا غلام رسول مہر(نسخۂ مہر)
    2۔ شرحِ دیوانِ غالبؔ از علامہ عبدالباری آسی ( نسخۂ آسی)
    3۔ دیوانِ غالبؔ (فرہنگ کے ساتھ)
    4۔ دیوانِ غالبؔ نسخۂ طاہر
    5۔ دیوان غالب (نسخۂ حمیدیہ)

    حالانکہ ان پانچ نسخوں کے علاوہ میرے پاس 5 اور نسخے موجود تھے مگر ان کو مستند نہ جانتے ہوئے ، ان سے استفادہ نہ کیا۔

    اس کے علاوہ ایک ضمیمہ کا اضافہ کیا جس میں نسخۂ مہر سے اس کلام کو ٹائپ کرکے شامل کیا جو غلام رسول مہر صاحب نے مولانا عبد الباری کے نسخے سے نقل کیا تھا۔

    د) 12 مارچ 2007 کو میں نے ضمیمۂ دوم کا اضافہ کیا۔ ضمیمۂ دوم در اصل نسخۂ حمیدیہ سے 7 غزلوں کا انتخاب تھا۔
    ھ) اسی دوران مجھے دیوان غالب کا ایک اور نسخہ ملا۔ یہ نسخہ حامد علی خان نے مرتب کیا تھا۔ اس نسخے کو مرتب کرتے وقت ان کے پیش نظر بے شمار نسخے تھی۔ ان سارے نسخوں میں جو اختلاف تھے، وہ حامد علی خان نے حواشی میں ذکر کیے۔ میں نے ان حواشی اور فٹ نوٹس کو ٹائپ کرکے ان کو 7 اکتوبر 2007 کو نسخۂ اردو ویب میں شامل کیا۔

    و) اسی دوران جناب اعجاز عبید صاحب نے بھی دیوان پر جاری رکھا اور مندرجہ ذیل نسخوں سے وہ اشعار جو ہمارے نسخہ میں درج نہیں تھے، ان کو ٹائپ کرکے مجھے بھیج دیے:

    1۔ گلِ رعنا، نسخۂ شیرانی، نسخۂ بھوپال بخطِ غالب، نسخۂ رضا سے
    2۔ انتخاب نسخۂ بھوپال کی باز یافت۔ سید تصنیف حیدر، ماہنامہ آج کل، فروری ۲۰۰۷ء (نسخۂ مبارک علی کے حوالے اسی سے ماخوذ ہیں)
    3۔ دیوانِ غالب (کامل) تاریخی ترتیب سے۔ کالی داس گپتا رضاؔ

    میں نے ان اشعار کی پروف ریڈنگ کی، ان کو اس نسخے میں (نسخہ حمیدیہ کے ترتیب پر) مناسب جگہوں پر رکھا۔ میرے پاس موجود دوسرے نسخوں کے ساتھ موازنہ کیا اور اختلاف پر بھی فٹ نوٹس لکھے۔ مزید کام یہ کیا کہ وہ اشعار جو متداول و مشہور دیوان کا حصہ نہیں تھے، ان اشعار اس نسخے میں سرخ رنگ سے نمایاں کیا۔

    مزید براں فرخ بھائی(سخنور) نے چند اشعار اور حواشی میں پروف کی غلطیوں کی نشاندہی کی تھی، ان کی تصحیح کی۔ ایک مشہور شعر چھوٹ گیا تھا اس کو شامل کردیا۔

    ز) اسی دوران مولانا امتیاز عرشی کا ایک مضمون نظر سے گزرا جو کہ ماہنامہ ماہ نو کے فروری 1998 کے غالب نمبر میں شامل تھا۔ یہ مضمون دیوان غالب کے ایک نسخہ جو کہ نسخۂ بدایوں کے نام سے مشہور ہے پر تھا۔ معلوم ہوا کہ نسخۂ بدایوں میں دو اشعار ایسے شامل ہیں جو کہ کسی اور نسخے میں شامل نہیں۔ وہ اشعار یہ ہیں:

    اور تو رکھنے کو ہم دہر میں کیا رکھتے تھے
    مگر ایک شعر میں انداز رسا رکھتے تھے
    اس کا یہ حال کہ کوئی نہ ادا سنج ملا
    آپ لکھتے تھے ہم اور آپ اٹھا رکھتے تھے

    ان دو کو فوراً شامل کردیا۔
    تدوین کے بعد اب آپ یہ نسخہ دیے گئے ربط سے ڈاؤن لوڈ کر سکتے ہیں۔

    یہ فائل آپ میرے دستخط میں دیے گیے ویب سائٹس سے ڈاون لوڈ کر سکتے ہیں۔

    دعاؤں کی طالب۔۔

    جویریہ مسعود
     

    منسلک فائلیں:

    مدیر کی آخری تدوین: ‏جنوری 16, 2018
    • پسندیدہ پسندیدہ × 52
    • زبردست زبردست × 11
  2. نبیل

    نبیل محفلین

    مراسلے:
    16,620
    جھنڈا:
    Germany
    موڈ:
    Depressed
    جزاک اللہ خیر جویریہ بہن۔
    میں نے اس موضوع کو اعلانات کے زمرے میں منتقل کر دیا ہے تاکہ یہ صفحہ اول پر بھی نمایاں ہو جائے۔
     
    • پسندیدہ پسندیدہ × 9
  3. جیہ

    جیہ لائبریرین

    مراسلے:
    15,025
    جھنڈا:
    Pakistan
    موڈ:
    Bitched
    شکریہ نبیل بھائی۔ میں حیران ہو رہی تھی کہ اس دھاگے نے اعلانات پر چھلانگ کیسے لگائی۔ :)
     
    • پسندیدہ پسندیدہ × 2
  4. ابوشامل

    ابوشامل محفلین

    مراسلے:
    3,253
    جھنڈا:
    Pakistan
    موڈ:
    Cheerful
    کام معیاری ہوگا اس کے لیے صرف اتنا ہی کہنا کافی ہے کہ جیہ نے کیا ہے۔ بہت خوب!
     
    • پسندیدہ پسندیدہ × 10
    • متفق متفق × 1
  5. جیہ

    جیہ لائبریرین

    مراسلے:
    15,025
    جھنڈا:
    Pakistan
    موڈ:
    Bitched
    کیوں شرمندہ کرتے ہیں ابو شامل بھائی۔ بہر حال شکریہ
     
    • پسندیدہ پسندیدہ × 4
  6. گرو جی

    گرو جی محفلین

    مراسلے:
    1,696
    ماشا اللہ جیہ جی مبارک باد
     
    • پسندیدہ پسندیدہ × 2
  7. محمد وارث

    محمد وارث لائبریرین

    مراسلے:
    24,939
    جھنڈا:
    Pakistan
    موڈ:
    Depressed
    جزاک اللہ خیراً جیہ صاحبہ، بہت لاجواب کام ہے۔
     
    • پسندیدہ پسندیدہ × 2
  8. ابن سعید

    ابن سعید خادم

    مراسلے:
    60,123
    چھوڑیئے اب کون تعریف کرے اور مبارکباد دے۔ اب تو کام ہو ہی گیا۔ :)

    مذاق بر طرف واقعی بٹیا آپ اور اس کام میں شریک دوسرے سارے احباب خصوصاً سن رسیدہ جوان چاچو قابل مبارکباد ہیں۔ :)
     
    • پسندیدہ پسندیدہ × 2
  9. گرو جی

    گرو جی محفلین

    مراسلے:
    1,696
    میں ایک درخواست کروں‌اگر اجازت ہو
    مجھے پتہ ہے کہ یہ خالصتاً دیوانے اردو کے لئے ہے
    مگر اس کو adobe میں‌ تبدیل کر لیا جائے تا کہ کوئی اس کی غیر قانونی نقل نہ کر سکے
    یہ صرف میں‌ نے ایک مشورے کے طور پر بات کہی ہے
     
  10. زیک

    زیک محفلین

    مراسلے:
    36,163
    زبردست کام کیا ہے۔
     
    • پسندیدہ پسندیدہ × 1
  11. محسن حجازی

    محسن حجازی محفلین

    مراسلے:
    2,525
    موڈ:
    Breezy
    چچا غالب بھی مبارکباد کے مستحق ہیں کہ وہ نہ ہوتے تو آپ کس کا دیوان غالب برقیاتے؟ :)
    بہت خوشی کی بات ہے۔۔۔ ماشا اللہ!
    تمام اراکین کو شاباش!
     
    • پسندیدہ پسندیدہ × 4
  12. فاتح

    فاتح لائبریرین

    مراسلے:
    15,722
    جھنڈا:
    Pakistan
    موڈ:
    Hungover
    جیہ صاحبہ! یوں تو تمام احباب ہی مبارک باد کے مستحق ہیں لیکن آپ کی مسلسل کاوشیں خصوصی مبارکباد کی متقاضی ہیں۔
    بہت بہت مبارکباد اس کار نیک کے بخیر انجام پر۔
     
    • پسندیدہ پسندیدہ × 1
  13. مغزل

    مغزل محفلین

    مراسلے:
    17,597
    جھنڈا:
    Pakistan
    موڈ:
    Dunce
    ماشا اللہ ۔۔۔۔۔۔۔۔۔۔ اللہ سلامت رکھے جیہ جی جی۔۔۔
     
    • پسندیدہ پسندیدہ × 1
  14. فرخ منظور

    فرخ منظور لائبریرین

    مراسلے:
    12,525
    جھنڈا:
    Pakistan
    موڈ:
    Cold
    واہ واہ! بہت خوب جویریہ صاحبہ - آپ کے کام کی جتنی بھی تعریف کے جائے کم ہے - اور اعجاز صاحب کا بھی بہت شکریہ- اعجاز صاحب کی بھی جتنی تعریف کی جائے کم ہے کہ انہوں نے کئی کتابوں‌ کو برقیا کر اردو ادب کی بہت خدمت کی ہے -
     
    • پسندیدہ پسندیدہ × 4
  15. خاورچودھری

    خاورچودھری محفلین

    مراسلے:
    309
    میری طرف سے بھی مبارک بار اور شکریہ قبول کیجیے
    ان شااللہ لوگ اس سے استفادہ کریں گے
     
    • پسندیدہ پسندیدہ × 1
  16. حسن علوی

    حسن علوی محفلین

    مراسلے:
    5,533
    موڈ:
    Amused
    پوری ٹیم مبارکباد کی مستحق ھے۔ بہت اعلٰی کام جِسے بہت ہی احسن طریقے سے پایہ انجام تک پہنچایا۔
     
    • پسندیدہ پسندیدہ × 2
  17. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
    دیوان غالب برقیانے پر اردو ویب ٹیم کو مبارکباد
    کیا احباب تائید کریں گے کہ یہ نسخہ تیار ہی نقل کرنے کیلیے کیا گیا ہے مگر قانونی
     
    • پسندیدہ پسندیدہ × 2
  18. سیدہ شگفتہ

    سیدہ شگفتہ لائبریرین

    مراسلے:
    29,392
    شاندار !

    جلدی سے یہ ہفتہ ختم ہو اور میری مصروفیت بھی ، پھر تفصیل سے دیکھنا ہے ۔
     
  19. نصیرحیدر

    نصیرحیدر محفلین

    مراسلے:
    127
    بہترین۔
    جزاک اللہ خیر
     
  20. الف عین

    الف عین لائبریرین

    مراسلے:
    33,318
    جھنڈا:
    India
    موڈ:
    Psychedelic
    جیو جوجو۔۔۔جب تک جی چاہے!!!!!!!!!!!!!!!!!!!!!!!!!!!!!!!!!!!!!!!!!!!!!!!
    !!!!میں ‌ تو سمجھ رہا تھا کہ تم بھول گئیں۔ اور اپنی سائٹ پر الگ الگ نسخے رکھ رہا تھا۔ بشمول اس کے جس میں اضافہ سرخ سے ٹائپ کیا تھا میں نے گلِ رعنا وغیرہ سے۔ اب اس سرخی مائل نسخے کو ہٹا کر تمہارا رکھ دوں گا۔
    لیکن ایک سلسلے میں شرمندہ ہوں۔ تم نے میرے ایک پیش لفظ/ پیش گفتار کے لئے جگہ چھوڑی تھی اور خود جو تحریر کیا تھا اس میں مجھے اتنا چڑھا دیا تھا کہ اب تک اترتے ہوئے ڈر لگ رہا ہے۔
    بہر حال کام پایۂ تکمیل کو پہنچا،، اردو دنیا کو مبارک ہو، محض اردو محفل کو ہی نہیں۔
    یہاں بھی جن احباب نے حقیر فقیر۔۔۔۔۔ وغیرہ وغیرہ کی پذیرائی کی ہے، اس کے لئے بہت شکریہ۔۔ حنا فیصل یاد آ گئی۔ وہ کیا کہتی تھی۔۔۔ تھینکریہ۔
    پ ت۔ ابھی دیکھا تمہارا نسخہ۔ وہ سرخی تم نے برقرار ر کھی ہے!
     
    • پسندیدہ پسندیدہ × 12

اس صفحے کی تشہیر