خلیل جبران

فرحت کیانی نے 'پسندیدہ کلام' کی ذیل میں اس موضوع کا آغاز کیا، ‏نومبر 5, 2007

  1. فرحت کیانی

    فرحت کیانی لائبریرین

    مراسلے:
    10,984
    جھنڈا:
    Pakistan
    موڈ:
    Confused
    میرے دوستو! قابلِ رحم ہے وہ قوم جس کے پاس عقیدے تو بہت ہیں لیکن
    دل یقین سے خالی ہے!
    قابلِ رحم ہے وہ قوم جو ایسے کپڑے پہنتی ہے جن کو اس نے خود نہیں بنایا
    جو ایسی روٹی کھاتی ہے جس کے لئے اس نے خود گندم نہیں اگائی!
    اور ایسی شراب پیتی ہے جو اسکے اپنے میخانوں میں نہیں بنی!
    قابلِ رحم ہے وہ قوم جو بھڑکیں لگانے والوں کو اپنا ہیرو مان لیتی ہے
    اور چمکتی ہوئی تلوار سے بنے ٹھنے فاتح کو اپنا اَن داتا سمجھتی ہے!
    قابل۔ رحم ہے وہ قوم جو بظاہر خواب کی حالت میں بھی ہوس اور لالچ سے نفرت کرتی ہے!
    مگر عالمِ بیداری میں مفاد پرستی کو اپنا شعار بنا لیتی ہے!
    قابلِ رحم ہے وہ قوم جو جنازوں کے جلوس کے علاوہ کہیں اپنی آواز بلند نہیں کرتی اور اپنے ماضی کی یادوں کے سوا اس کے پاس فخر کرنے کا کائی سامان نہیں!
    اور وہ اس وقت تک صورتحال کے خلاف احتجاج نہیں کرتی جب تک اس کی گردن عین تلوار کے نیچے نہیں آ جاتی!
    قابلِ رحم ہے وہ قوم جس کے نام نہاد سیاستدان لومڑیوں کی طرح مکار اور دھوکےباز ہیں
    اور جس کے دانشور محض شعبدہ باز اور مداری!
    اور جس کے فنون کا عالم یہ ہے جیسے مسخروں کی جگت بازیاں اور بھانڈوں کی نقلیں!
    قابلِ رحم ہے وہ قوم جو اپنے نئے حکمرانوں کے راستے میں استقبال کے ہار لئے کھڑی ہوتی ہے
    اور ڈھول بجا کر ان کو خوش آمدید کہتی ہے
    اور جب وہ اقتدار سے محروم ہوں، ان پر آوازے کستی ہے اور ان کا تمسخر اڑاتی ہے
    اور عین اس وقت بھی اس بات پر آمادہ ہوتی ہے کہ جب یہ اقتدار سے محروم ہوں تو نئے آنے والوں کی پذیرائی کے لئے بینڈ باجے تیار رکھے!
    قابلِ رحم ہے وہ قوم جس کے اہلِ علم و دانش وقت کی گردش میں گونگے اور بہرے ہو کر رہ گئے ہیں!
    اور جس کے مردانِ جری نے ابھی گھٹنوں کے بل چلنا بھی نہیں سیکھا
    اور قابلِ رحم ہے وہ قوم جو ٹکڑوں اور قومیتوں میں بٹ چکی ہے اور جس کا ہر طبقہ اپنے آپ کو پوری قوم سمجھتا ہے

    خلیل جبران
     
    • پسندیدہ پسندیدہ × 1
  2. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    پاکستانی قوم کے بارے خلیل جبران کو کیسے اتنی تفصیل سے معلوم ہوا؟:confused:
     
  3. فرحت کیانی

    فرحت کیانی لائبریرین

    مراسلے:
    10,984
    جھنڈا:
    Pakistan
    موڈ:
    Confused
    یہی خیال مجھے بھی آیا تھا پہلی بار یہ نظم پڑھ کر۔۔۔
     
  4. ساجد

    ساجد محفلین

    مراسلے:
    7,113
    موڈ:
    Question
    بہت اچھی تحریر ہے۔
     
  5. شمشاد

    شمشاد لائبریرین

    مراسلے:
    200,069
    جھنڈا:
    Pakistan
    موڈ:
    Relaxed
    جب وہ پہلی بار پاکستان کے سہ روزہ دورے پر آیا تھا۔ ;)
     
  6. عمر سیف

    عمر سیف محفلین

    مراسلے:
    36,612
    جھنڈا:
    Pakistan
    موڈ:
    Where
    بہت اچھی شئیرنگ ہے۔
     
  7. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    یہ دورہ تبلیغی تو نہیں‌تھا نا:grin:
     

اس صفحے کی تشہیر