داغ جب ان سے حالِ دلِ مبتلا کہا، تو کہا ۔ "بچائے تجھ سے خدا" ۔ داغ کی مستزاد غزل

[مدیحہ گیلانی]

بہت خوب غزل انتخاب فرمائی آپ نے فاتح صاحب ۔۔۔ کیا دوسرے شعرا نے بھی مستزاد غزلیں کہی ہیں یا یہ شرف صرف داغ کو ہی حاصل ہے؟

 

[فاتح]

بہت خوب غزل انتخاب فرمائی آپ نے فاتح صاحب ۔۔۔ کیا دوسرے شعرا نے بھی مستزاد غزلیں کہی ہیں یا یہ شرف صرف داغ کو ہی حاصل ہے؟

شکریہ۔۔۔ ابھی نظر پڑی اس مراسلے پر
مستزاد با قاعدہ شاعری کی ایک صنف ہے اور یقیناً داغ کے علاوہ بھی کئی شعرا نے اس صنف کو برتا ہے لیکن داغ کے بعد کے شعرا میں کم ہی اس کی مثالیں ملتی ہیں۔

 

[فاتح]

فاتح بھائی بہت شکریہ اصلاح کا۔ میں انگریزی ادب کا طالب علم ہوں اور اردو میں میری معلومات محدود ہیں۔
رباعی اور مستزاد کے حوالے سے یہ معلومات میرے لیے واقعی نئی ہیں۔ واقعی ہم اب تک یہی سمجھتے رہے کہ آخری ارکان کی تکرار سے مستزاد نظم یا غزل بنتی ہے۔ اور ہمیں اب تک یہی بتایا بھی جاتا رہا۔ اگر ممکن ہو تو کسی رباعی کو ضرور شیئر کیجیئے تا کہ ہم اسے محفوظ کر سکیں۔ شکریہ

لیجیے صاحب۔۔۔ رباعی تو نہیں لیکن نظیر اکبر آبادی کی ایک مستزاد کے اشعار پیش خدمت ہیں:
یوں ہجر میں روتا ہو ں میں اس گل کے شب و روز
کر نالۂ فریاد
جیسے کہ کسی وقت
یوسف کے لیے روئی تھیں یعقوب کی آنکھیں
ہر شام و سحر کو
خوناب میں بھر بھر
خط میں نے جو بھیجا اسے با حسرت دیدار
لکھ خون جگر سے
اور داغ کی کر مہر
تکتی رہیں جا کر مرے مکتوب کی آنکھیں
اس رشک قمر کو
حسرت سے سراسر

اس مثال میں ملاحظہ فرما سکتے ہیں کہ مستزاد ٹکڑا بحر کے پہلے اور آخری رکن پر مشتمل ہے۔
مفعول مفاعیل مفاعیل فعولن
مفعول فعولن

 

[شیزان]

لاجواب۔۔
غضب کا کلام منتخب کیا فاتح بھائی
خوش رہیئے

 

[کاشفی]

واہ واہ سبحان اللہ۔سبحان اللہ۔
اللہ رب العزت داغ دہلوی مغفور رحمتہ اللہ علیہ کو اس دنیا سے جنت الفروس میں جانے والے تمام شاعروں کا سردار بنائے۔۔آمین ثم آمین
فاتح الدین بشیر صاحب! خوبصورت غزل شیئر کرنے کے لیئے شکریہ۔۔خوش رہیئے۔۔

 

[محمد امین صدیق]

واہ واہ سبحان اللہ۔سبحان اللہ۔
اللہ رب العزت داغ دہلوی مغفور رحمتہ اللہ علیہ کو اس دنیا سے جنت الفروس میں جانے والے تمام شاعروں کا سردار بنائے۔۔آمین ثم آمین
فاتح الدین بشیر صاحب! خوبصورت غزل شیئر کرنے کے لیئے شکریہ۔۔خوش رہیئے۔۔

مابدولت اس دعائے نیک پرباآوازبلند"آمین"کہتے ہیں اورمابدولت برادرم کاشفی سے خوش ہوئے!