بدلتے الفاظ

[عثمان]

اگر کسی کو یہ کہنا ہو کہ پیچھے ہو تو اسے ہمارے ہاں پرے کو ہو اور کسی کو قریب بلانا ہو تو اسے ورے کو آؤ کہتے تھے ۔

لسانی پس منظر کیا ہے؟ اگر بتانا چاہیں تو۔
لاہوری پنجابی تو نہیں لگتی۔

 

[عثمان]

میں اپنے گھر میں اب بھی ان کا استعمال کرتی ہوں۔مجھے ان میں روٹی رکھ کے کھانا بہت اچھا لگتا ہے۔مہمانوں کے لئے بھی چھوٹی چھوٹی چبھیاں ہیں خوبصورت سی۔میرا خیال ہے کہ وہ گندم کی شاخ سے جو پتر سا کاٹا جاتا ہے ۔۔۔اس سے بنتی ہیں۔
مجھےاس کانام نہیں آتا۔

میں نے یہاں ڈالر سٹور سے لے رکھی ہے۔ ناجانے کس مقصد کے لیے بنی ہے تاہم میں نے اسے چنگیر قرار دے رکھا ہے۔

 

[سید عمران]

اس میں ی زائد ہے ۔ کواڑ لفظ ہے۔

آپ کے ہوتے ہوں گے کواڑ...
عدنان بھائی کے گھر میں ہمیشہ کیواڑ ہی لگتے ہیں!!!

 

[عثمان]

ہم اس اوزار کو دموسا کہتے تھے، جب گھر بن رہا تھا تو ہماری بھی ڈیوٹی لگتی تھی اسے چلانے کی۔

مستری مزدور اسے چلانے سے پہلے ہاتھ منہ سے گیلے کرتے تھے۔ امید ہے آپ کا تجربہ مختلف ہوگا۔

 

[عبدالقیوم چوہدری]

مجھے سب سے زیادہ دلچسپ پنجابی میں انڈے کو آنڈا کہنا لگتا ہے۔

آنڈہ سے اگلی فارم بھی ہے۔۔۔۔ آنڈڑہ

 

[عبدالقیوم چوہدری]

چنگیری کے بڑے بھائی چنگیر میں روٹی رکھی جاتی ہے۔ اور چنگیر خود ٹرے میں۔

چنگیر بھی مونث نہیں ہوتی ؟

 

[عثمان]

چنگیر بھی مونث نہیں ہوتی ؟

درست کہا!

 

[عبدالقیوم چوہدری]

واہ!

ابھی پچھلے دنوں مجھے بھی کچھ تعمیراتی اوزاروں کے نام بلاوجہ یاد آ رہے تھے۔

• بیلچہ
  
• پھاوڑا
• گیتی
• تیسی (ایسی کی تیسی سے ذہن میں یہ "تیسی" آئی تھی۔)
  
• سبّل

گھر میں جب کبھی کام ہوتا تھا تو ہمارا دھیان مستری حضرات کے اوزاروں میں ہی ہوتا تھا۔

حال یہ ہے کہ اب اوزاروں کے نام بھی بھولی بسری یادوں میں شامل ہو گئے ہیں۔

ہمارے ہاں (میر پور خاص) میں اینٹوں کو توڑ کر فرش بنایا جاتا تھا۔ اسے ہم گِٹّی کہتے تھے ۔

پہلے تیسی کی مدد سے اینٹوں کو توڑ کر گٹی بنائی جاتی تھی اور پھر ایک اوزار غالباً اُسے دھمک کہتے تھے سے اس گٹی کو کوٹ کوٹ کر سطح کو ہموار کیا جاتا تھا۔ اُس کے بعد اس پر سمنٹ بجری کا فرش ڈالا جاتا تھا۔

سرگوشی

اس پوسٹ کو دیکھ کر آپ کہہ سکتے ہیں کہ بھئی حد ہے فراغت کی۔

یہ گیتی ہے یا گینتی ؟ گیتی تو کسی ہندی خاتون کا نام نہیں ہوتا ؟

ہم اس اوزار کو دموسا کہتے تھے، جب گھر بن رہا تھا تو ہماری بھی ڈیوٹی لگتی تھی اسے چلانے کی۔

مستری مزدور اسے چلانے سے پہلے ہاتھ منہ سے گیلے کرتے تھے۔ امید ہے آپ کا تجربہ مختلف ہوگا۔

اگر روڈ وائبریٹر قسم کی کسی شے کا ذکر ہے تو اس کا ایک اور پنجابی نام بھی ہے جو اس وقت ذہن میں نہیں آ رہا۔ شاید اسی دموسا کا مزید سلینگ ہو۔

 

[عثمان]

اگر روڈ وائبریٹر قسم کی کسی شے کا ذکر ہے تو اس کا ایک اور پنجابی نام بھی ہے جو اس وقت ذہن میں نہیں آ رہا۔ شاید اسی دموسا کا مزید سلینگ ہو۔

جو کام روڈ رولر سڑکوں کی تعمیر میں کرتا ہے اسی کام کے لیے دموسا گھروں میں فرش کی تعمیر میں روڑی کو ہموار کرنے کے لئے چھوٹے پیمانے پر استعمال ہوتا تھا۔

 

[ربیع م]

ہم اس اوزار کو دموسا کہتے تھے، جب گھر بن رہا تھا تو ہماری بھی ڈیوٹی لگتی تھی اسے چلانے کی۔

اس دموسے کو جب میں نے زندگی میں پہلی بار چلایا تو میں جلدی تھک گیا دوست کو دیکھا تو وہ اتنی جلدی نہیں تھکتا تھا میں نے سوچا اس میں ضرور کوئی تکنیک ہے غور کیا تو وہ گھما کر چلا رہا تھا میں نے بھی ایسے ہی کیا تو پھر تھکاوٹ نہیں ہوئی

 

[سید عاطف علی]

آپ کے ہوتے ہوں گے کواڑ...
عدنان بھائی کے گھر میں ہمیشہ کیواڑ ہی لگتے ہیں!!!

کواڑ جہاں بھی ہوں کواڑ ہی رہتے ہیں۔ خواہ آپ ان کو کیییواڑ کہہ لیں ۔ اور کواڑ کو بند نہیں کیا جاتا بھیڑا جاتاہے۔

 

[محمد خلیل الرحمٰن]

اپنے بے خواب کواڑوں کو مقفل کرلو

 

[فہد اشرف]

یہ گیتی ہے یا گینتی ؟ گیتی تو کسی ہندی خاتون کا نام نہیں ہوتا ؟




اگر روڈ وائبریٹر قسم کی کسی شے کا ذکر ہے تو اس کا ایک اور پنجابی نام بھی ہے جو اس وقت ذہن میں نہیں آ رہا۔ شاید اسی دموسا کا مزید سلینگ ہو۔

گیتی آرا بیگم شاید کوئی مغل شہزادی تھیں۔
جسے آپ دموسا کہتے ہیں اسے ہم دُرمُس اور بعض دفعہ دھُرمس کہتے ہیں۔

 

[فہد اشرف]

اپنے بے خواب کواڑوں کو مقفل کرلو

مقفل کرنے سے پہلے بھیڑا گیا تھا یا بند کیا گیا تھا اس بارے میں شاعر خاموش ہے۔

 

[سید عاطف علی]

مقفل کرنے سے پہلے بھیڑا گیا تھا یا بند کیا گیا تھا اس بارے میں شاعر خاموش ہے۔

اس کی مجبوری شعر کا وزن ہے۔ بھئی

 

[عبدالقیوم چوہدری]

جو کام روڈ رولر سڑکوں کی تعمیر میں کرتا ہے اسی کام کے لیے دموسا گھروں میں فرش کی تعمیر میں چھوٹے پیمانے پر استعمال ہوتا تھا۔

معذرت چاہوں گا، روڈ رولر پڑھ کر میں مزید الجھ گیا ہوں۔
دموسا compaction کے لیے استعمال ہوتا ہے یا level کرنے کے لیے؟ روڈ رولر (ویل اور نیومیٹک ٹائیر) عموماً لیولنگ کے لیے استعمال ہوتے ہیں۔

 

[عبدالقیوم چوہدری]

جسے آپ دموسا کہتے ہیں اسے ہم دُرمُس اور بعض دفعہ دھُرمس کہتے ہیں۔

اگر روڈ وائبریٹر قسم کی کسی شے کا ذکر ہے تو اس کا ایک اور پنجابی نام بھی ہے جو اس وقت ذہن میں نہیں آ رہا۔ شاید اسی دموسا کا مزید سلینگ ہو۔

دموسا کا مزید سلینگ فہد کی پوسٹ سے یاد آ گیا۔ درمٹ

 

[فہد اشرف]

میں اپنے گھر میں چارپائی پہ بچھانے والی رلی ورک کی چادر کو بچھونی کہتی ہوں۔ چھوٹے بچوں کے نیچے بچھانے والے تہہ دار کپڑے کو بھی۔

پچھونا بچھونی دونوں کہتے ہیں اور بچوں کے نیچے بچھانے والے چھوٹے سے بچھونے کو کَتھولا کہتے ہیں۔

 

[فہد اشرف]

پیالہ یا پیالی کا استعمال روزمرہ میں عام ہے ، اس کو کٹورا یاکٹوری بھی کہا جاتا رہا ہے۔

پیالی تو اب چائے کی کپ کے معنی میں استعمال ہوتی ہے۔

 

[فہد اشرف]

چنگیری ہمارے گھر میں پلاسٹک کی گول گہری ٹوکری کو کہتے تھے جو فروٹ رکھنے ،سبزی کاٹتے ہوئے استعمال میں آتی تھی ۔وقت کے ساتھ ساتھ ٹرے کا استعمال شروع ہوا تو چنگیری کا استعمال محدود ہوتا گیا ۔

اور ہمارے یہاں جھَبِیا کہتے ہیں۔