کاشفی
محفلین
اِلتجائے شوق
(بہزاد لکھنوی)
اے حُسنِ کُل نہ جلوہء لیل و نہار بن
میرے جہانِ عشق کا پروردگار بن
مجھ کو تو تونے بخش دیا لطفِ اضطراب
میری طرح سے تو بھی تو کچھ بیقرار بن
آتا ہے مجھ کو لطف بہت انتظار میں
تیرے نثار حاصلِ صد انتظار بن
مجھ کو عزیز ہیں یہ مری غم نصیبیاں
یہ کون کہہ رہا ہے کہ تو غم گسار بن
اے حُسنِ یار آ کے نگاہوں کے سامنے
میری نظر میں جلوہء بے اختیار بن
رنگِ خزاں تو واقعی توہینِ حُسن ہے
بنّا اگر ہے تجھ کو تو رنگِ بہار بن
اے حُسنِ دل نشیں، تجھے بہزاد کی قسم
جس طرح ہو سکے تو محبت شعار بن
(بہزاد لکھنوی)
اے حُسنِ کُل نہ جلوہء لیل و نہار بن
میرے جہانِ عشق کا پروردگار بن
مجھ کو تو تونے بخش دیا لطفِ اضطراب
میری طرح سے تو بھی تو کچھ بیقرار بن
آتا ہے مجھ کو لطف بہت انتظار میں
تیرے نثار حاصلِ صد انتظار بن
مجھ کو عزیز ہیں یہ مری غم نصیبیاں
یہ کون کہہ رہا ہے کہ تو غم گسار بن
اے حُسنِ یار آ کے نگاہوں کے سامنے
میری نظر میں جلوہء بے اختیار بن
رنگِ خزاں تو واقعی توہینِ حُسن ہے
بنّا اگر ہے تجھ کو تو رنگِ بہار بن
اے حُسنِ دل نشیں، تجھے بہزاد کی قسم
جس طرح ہو سکے تو محبت شعار بن