ہومیوپیتھی کے متعلق تو ہم دعوی کر ہی رہے ہیں، دلیل میں دوبارہ اسے ہی تو پیش نہیں کیا جائے گا نا!
لنک کا شکریہ لیکن اس کے لیے ہمیں پہلے "وقفہ برائے انگلش تگڑی کردن" لینا پڑے گا۔ اس لیے نو کمنٹس
کیا آپ نے تعویزوں ، منتروں اور پتھروں وغیرہ سے "علاج" کا کبھی نہیں سنا؟اے برادرو! آؤ کہ ہم بذیعہ ہوا/ چینی/ پانی/ خالی کیپسول آپ کا علاج "پلاسیبو ایفیکٹ" کے تحت کیے دیتے ہیں
ان کا بھی یہی کہنا ہے کہ ہم پتھر اور تعویذ وغیرہ میں "دم" مِکس کرتے ہیں جوکہ خاصے کی چیز ہے۔ خالی پتھر سے علاج کے تو وہ بھی قائل نہیں، اب کیا کیجیے۔
کہنے کا مقصد یہ ہے کہ ہومیو پیتھی کی مانند اصل دعویٰ ان کا بھی محض روحانیت ہی ہے۔
جی یہ تو ہے۔ لیکن میرا پہلا سوال پھر واپس آجاتا ہے کہ اس "پلاسیبو ایفیکٹ" کو کوئی بھی اپنے گلے میں باندھنے کو تیار نہیں، ہر شخص کے پاس ایک ریزن ہے اس کی بات کا۔
جب کوئی بے چارہ اپنی کم علمی استعداد کی بنا پر اپنی بات کو سمجھانے سے قاصر رہتا ہے اور جواب میں کسی ویب سائیٹ سے کوئی مضمون کاپی پیسٹ کردیتا ہے تو اس پر کاپی پیسٹ کا لیبل لگا دیا جاتا ہے اور خوب لتے لئے جاتے ہیں۔ لیکن دوسری طرف کوئی پڑھا لکھا شخص اپنی بات کو سمجھانے کی بجائے یہی حرکت کرتا ہے کہ مضمون تو کاپی نہ کرے لیکن اس کا لنک لاکر یہاں پیسٹ کردے تو کیا وجہ ہے کہ اسے اسمارٹ کاپی پیسٹ نہ کہا جائے؟ اپنا مدعا اپنے الفاظ میں اردو میں سمجھا دیجئے اور نیچے بطور حوالہ بے شک آپ ویب سائٹس کا لنک دے دیں بلکہ اچھی بات ہے کہ اپنی بات کو حوالوں سے مزین کریں۔
روحانیت اور "ریزن" ؟
بہتر ہوگاکہ پہلے ہومیو پیتھی کی تاریخ پڑھ لیں تاکہ آپ کی یہ غلط فہمی دور ہوجائے کہ تعویز اور پیروں کا علاج ہومیو پیتھی کی مانند نہیں ہے۔
"مادے کی یاد روح کو پیغام دے گی" کیا کہنے! میں تو شاعری کا کریڈٹ بھی ہومیو پیتھی کے سر مونڈھنے کو تیار ہوں۔
پہلے تو آپ حضرات دلیل ایسی بے تکی دے دیتے ہیں اور جب اس کے تضاد کی طرف توجہ دلائی جائے اور کوئی بات نہ بن پائے تو پھر ایسی باتیں کرکے اگلے کی رائے کو لوگوں کی نظروں میں گرانے کی کوشش کی جاتی ہے۔ بہرحال آپ کے سرخ الفاظ کسی طور بھی اس بحث سے متعلق نہیں ہیں صرف سستی شہرت کی ’’مانند‘‘ بات میں سستا وزن پیدا کرنے کی ایک کوشش ہے۔
جی بڑی اچھی بات ہم جو چاہیں اعتقاد رکھیں۔ صرف اتنی گذارش ہے کہ ہومیوپیتھی کا جو اصول ہومیوپیتھ پیش کرتے ہیں اس کو بغیر کسی ٹھوس وجہ کہ تعویذ ’’کی مانند‘‘ قرار نہ دیں۔ مکرر عرض ہے کہ ہومیوپیتھی نقطہ نظر سے بیماری جسم کی قوت دفاع کے ایکشن میں آئے بغیر ٹھیک نہیں ہوتی۔ یہ قوت دفاع کا تصور سائنس کا ہی عطا کردہ ہے۔ تعویذ میں بیماری کے ٹھیک ہونے کا کوئی سائنسی تصور موجود نہیں ہے۔
یہ لیجیے ترجمہ:
اور آپ کی خواہش کے مطابق لگے ہاتھوں اپنے ہومیوپیتھی تجربات بھی شیئر کرتا چلوں:
آااہااا۔۔ ایتھے رکھ۔ بھائی یہ ہوئی نا بات
بغیر سوچے سمجھے آپ نے ایسی بات کردی جس پر پوری سائنس ہی سوڈو ثابت ہوتی ہے۔ اکثر صورتوں میں سائنس نتائج کو دیکھ کر پھر اس کی وجوہات جاننے کی کوشش کرتے ہیں۔ کتنے ہی صدیوں سے آزمودہ طبی نسخوں کی افادیت کا دیکھ کر سائنس نے ان کے پیچھے جاکر وجہ جاننے کی کوشش کی ہے۔
آپ کو یہ غلط فہمی لگتی ہے کہ ہومیوپیتھی کے اثرات کو پلاسیبو ایفیکٹ کا نام دیا گیا ہے حالانکہ ایسا نہیں ہے۔ تعویذ گنڈے، دم اور دیگر روحانی علاج کے ماننے والے بھی کہتے ہیں کہ اس کا بھی بیماری پر اثر ہوتا ہے۔ اور ان سے بھی اگر مریض ٹھیک ہو تو پلاسیبو ایفکٹ ہی کہلائے گا۔فاتح بھائی مانا کہ کسی زمانے میں ہم نے آپ کی شاعری کی اصلاح کرکے آپکو شاعر بنایا تھا لیکن واللہ ہم آپ کو ہومیوپیتھی نہیں سکھاسکیں گے۔
سر جی بہت واضح الفاظ میں کہے دیتا ہوں کہ میں اس طریق علاج کو روحانی طریقہ علاج سمجھتا ہوں۔ لیکن روحانی روح سے مناسبت کی وجہ سے کہہ رہا ہوں۔ نا کہ شریعت والی روحانیت کہ سورہ فاتحہ پڑھی اور اللہ میاں نے بغیر کسی واسطے کے شفا دے دی۔ پیروں فقیروں کے تعویذ گنڈے اس شریعت والی روحانیت کا دم بھرتے ہیں۔
ہومیوپیتھی میں کیونکہ دوا کا اثر مریضوں پر نظر آتا ہے اور ہر دوا کا اثر اس کی علامات رکھنے والے مریضوں میں یکساں نظر آتا ہے۔ اس لئے اس طریق علاج کی افادیت کے ہومیوپیتھ قائل ہیں۔ لیکن دوسری طرف یہ بھی حقیقت ہے کہ دوا میں اصل مادے کا کوئی مالیکول بھی ابھی تک سائنسی طریق پر ثابت نہیں کیا جاسکتا لیکن مریضوں پر اثر بھی ہوتا ہے تو اس کا تعلق روح سے جوڑا جاتا ہے کہ اگر روح نہیں تو پھر اس اثر کی کوئی بھی توجیہہ نہیں کی جاسکتی۔ قصہ مختصر کہ ہر دوا کا اپنی علامات رکھنے والوں مریضوں پر اثر ایسا واضح ہوتا ہے کہ صرف مالیکولز نہ ملنے کی وجہ سے اس اثر سے تو انکارنہیں کیا جاسکتا۔
اسی لئے پوچھا تھا کہ عدم سے مادے (یا توانائی) کے وجود میں آنے کی سائنس انکاری ہے تو پھر اس کائنات میں موجود مادے یا توانائی کی سائنس کیا وضاحت کرتی ہے؟ کیا یہ تمام مادہ صرف ایک دھوکا ہے؟
آپ کہیں گے کہ جو اثر ہوتا ہے وہ پلا سیبو ایفیکٹ ہے۔ تو پلاسیبو کے تحت ٹھیک ہونے والے مرض کی سائنسی وضاحت درکار ہے کہ کونسا مادہ اس کی وجہ بنا؟ آپ کا دیا گیا لنک تو پلاسیبو کی تعریف بیان کررہا ہے یہ تو بتاہی نہیں رہا کہ ماتھے کا گومڑ جس کا فزیکل وجود تھا وہ کس طرح غائب ہوگیا۔ بغیر کسی سائنسی وجہ کے آپ مانتے ہیں کہ کوئی فزیکل چیز خودبخود ختم یا ٹھیک ہوجائے؟ یہ تو تعویذ گنڈے کرنے والے مانتے ہیں۔ تو کیا پلاسیبو تعویذ گنڈوں کا دوسرا نام ہے؟
آپ کے لنک کے اقتباس دوبارہ نیچے دے رہا ہوں یہ بتائیں کہ اس میں اس سوال کا جواب کہاں چھپا ہے۔
پلیسیبو کیا ہے؟
پلیسیبو سے مراد کوئی بھی ایسی شے ہو سکتی ہے جو بظاہر حقیقی طبی علاج لگے لیکن حقیقت میں نہ ہو۔ یہ کوئی گولی، شاٹ، یا دیگر جعلی علاج ہو سکتا ہے۔ تمام پلیسیبو میں ایک قدر مشترک ہے کہ ان میں صحت پر اثر انداز ہونے والا کوئی فعال مادہ شامل نہیں ہوتا۔
پلیسیبو ایفیکٹ (اثر) کیا ہے؟
بسا اوقات کسی شخص پر پلیسیبو کا رد عمل بھی ظاہر ہو سکتا ہے۔ یہ رد عمل مثبت بھی ہو سکتا ہے اور منفی بھی۔ مثال کے طور پر اس شخص کی علامات بہتر ہو سکتی ہیں۔یا کسی شخص کا رد عمل ایسا ہو سکتا ہے گویا اس پر اس علاج کا سائڈ ایفیکٹ ظاہر ہوا ہے۔
یہ ردعمل پلیسیبو ایفیکٹ (اثر) کے طور پر جانا جاتا ہے۔
رہی بات عثمان کی تعویذ گنڈوں کی مانند تو بہت وضاحت سے عرض کیا تھا کہ وہ شریعت والی روحانیت کا ذکر کرتے ہیں کوئی سائنس درمیان میں نہیں۔ جبکہ یہاں جسم کا ردعمل عین سائنس کے اصولوں کے مطابق بیان کیا جاتا ہے۔ صرف اس بات میں تنازع ہے کہ یہ ردعمل جسم نے کیسے دکھایا جبکہ مادہ تو موجود ہی نہیں تھا۔ اثر آپ بھی مانتے ہیں صرف اسے نام پلاسیبو کا دیتے ہیں۔
اس چینی کے آپ پر جو تمام برے اثرات ہوئے اس کی ذمہ داری کیا ہومیوپیتھی قبول کرے گی؟
کچھ نہ سمجھے خدا کرے کوئی۔ جناب عالی۔۔۔ آپ نے ہومیوپیتھی کے اثرات کو پلاسیبو ایفکٹ قرار دیا تھا اور اس حوالے سے آپ سے ایک وضاحت مانگی تھی جس کا جواب اب تک ندارد اور ادھر ادھر کی باتوں سے وقت گزارا جارہا ہے۔ ٹھیک ہے جناب خوش رہیں۔ وضاحتیں تو کچھ اور بھی مانگی تھیں لیکن خیر۔ دھاگا کون سا کہیں بھاگا جارہا ہے، ادھر ہی ہے جو بھی آئے گا پڑھ کر رائے قائم کرلے گا۔
کیا ضرورت ہے ہمیں ان پیپرز پر وقت صرف کرنے کی جب کہ آپ خود ہی انہیں سمجھ نہیں سکے۔ مکرر عرض ہے کہ دھاگے کا مقصد کچھ اور ہی تھا اور بہت ہی واضح ذکرکردیا گیا تھا اسکے باوجود آپ یہاں آئے تھے اور اسے اپنے تضحیک آمیز روییے کا نشانہ بنایا تھا۔ ہمارا اتنا وقت ضائع کرکے اب ہم سے ہی خواہاں ہیں کہ آپ کے سر سے گزرنے والے پیپرز پر مزید وقت ضائع کریں۔ اوپر آئن اسٹائن کے ایک مقولے کا ذکر کیا تھا کہ اگر آپ کسی کو اپنی بات سمجھا نہیں سکتے اور صرف اسمارٹ کاپی پیسٹ پر گزارا ہے تو مراد یہی ہے کہ آپ بھی انہیں سمجھنے سے قاصر رہے ہیں، ہاں البتہ اسے سمجھنے کی دعوت دینے میں غالبا آپ کے نزدیک حرج نہیں کہ جس نے محفل ہی کسی اور مقصد سے سجائی تھی۔