امیرِ شہر، غریبِ شہر، حاکمِ شہر

[خالد محمود چوہدری]

امیر کو امیر تر کر کے
غریب، غریب تر ہو گیا

 

[جاسمن]

تری خدمت میں، مَیں بھی کچھ منافق لگنے لگتا ہوں
فقیہہِ شہر، اِسے تاثیرِ صحبت تو نہیں کہتے
عدم

 

[ربیع م]

نہ امیر شہر کو ہے خبر، نہ فقیہہ شہر کا ذوق ہے
یہ محاذ تھا کسی اور کا یہاں لڑ رہا کوئی اور ہے
احسن عزیز شہید

 

[یاز]

بہت عمدہ لفظی موضوع ہے جی۔
ویسے اس موضوع پہ زیادہ تر اشعار سوشلسٹ قسم کے خیالات پہ مبنی ہی ملیں گے
ایک عدد شعر ہماری جانب سے بھی

میں خون بیچ کے روٹی خرید لایا ہوں
امیر شہر بتا یہ حلال ہے کہ نہیں

 

[یاز]

ہوائیں سرد اورجسم بے لباس ہے میرا
امیر شہر تجھ کو ذرا بھی احساس ہے میرا؟

 

[یاز]

میں کہیں بھوک سے نہ مر جاؤں اے امیر شہر
گر مستقبل ہوں تمھارا تو بچا لو مجھ کو

 

[جاسمن]

فقیہہ شہر یہ موقع نہیں تکرار و حجت کا
کہ مردانِ قلندرہر چہ باداباد رقصاں ہیں
عدم

 

[محمد تابش صدیقی]

فقیہہ شہر یہ موقع نہیں تکرار و حجت کا
کہ مردانِ قلندرہر چہ باداباد رقصاں ہیں
عدم

امیرِ شہر یا غریبِ شہر؟

 

[جاسمن]

امیرِ شہر یا غریبِ شہر؟

فقیہہ شہر بھی۔۔۔۔
ٹیگ میں ہے۔

 

[ظہیر عباس ورک]

سرما کی ہواؤں میں ہے عریاں بدن اس کا
دیتا ہے ہنر جس کا امیروں کو دوشالہ

امید نہ رکھ دولت دنیا سے وفا کی
رم اس کی طبیعت میں ہے مانند غزالہ

علامہ اقبال

 

[ابن توقیر]

اجارہ دار کہاں جانتے ہیں اس کے دکھ
غریبِ شہر کی قسمت ارے معاذ اللہ!
توقیر علی زئی
​

 

[ظہیر عباس ورک]

خلق خدا کی گھات میں رند و فقیہ و میر و پیر
تیرے جہاں میں ہے وہی گردش صبح و شام ابھی

 

[ظہیر عباس ورک]

تیرے امیر مال مست ، تیرے فقیر حال مست
بندہ ہے کوچہ گرد ابھی ، خواجہ بلند بام ابھی

 

[سروش]

بانٹیں امیر شہر نے کاغذ کی کشتیاں
قسمت میں پانیوں کے سفر لکھ دیئے گئے
جن کو کسی بھی طور نہ جھکنا قبول تھا
نیزوں کی قسمتوں میں وہ سر لکھ دیئے گئے

 

[عبداللہ محمد]

ہم اہلِ شہر کی خواہش کہ مِل جُل کر رہیں لیکن
امیرِ شہر کی دلچسپیاں کچھ اور کہتی ہیں

خوشبیر سنگھ شاد

 

[جاسمن]

امیر شہر نے الزام دھر دیئےورنہ
غریب شہر کچھ اتنا گناہگار نہ تھا

 

[یاسر شاہ]

غریبِ شہر کی تو کھاٹ میں بھی کھٹمل ہیں
امیرِ شہر کے صوفے مساج کرتے ہیں

 

[سید عاطف علی]

فقیہ ِ شہر کا اب یہ وظیفہ رہ گیا باقی
امیر شہر کی دہلیز پر بس دم ہلانی ہے
فدوی ۔

 

[رباب واسطی]

امیرِ شہر کو ضد ہے کہ شامِ غُربت میں
غریبِ شہر کی کُٹیا میں چاندنی بھی نہ ہو

(شاعر نامعلوم: یہ شعر میرے والد مرحوم کی ڈائری میں 22 فروری 1981 کو تحریر کیا گیا)

 

[زیرک]

فقیہہِ شہر نے تہمت لگائی ساغؔر پر
یہ شخص درد کی دولت کو عام کرتا ہے
ساغرصدیقی