آ کے سجّادہ نشیں قیس ہوا میرے بعد -منور خان غافل

[فاتح]

استاد محترم
میں اپنے لیئے کچھ وقت ضرور نکالتا ہوں
اور وہ وقت صرف میرا ہوتا ہے
کبھی کبھی قہوہ کی جگہ اور بھی کچھ پی لیتا ہوں

تب تو اصل استاد آپ ہوئے کیونکہ ہماری تان تو لے دے کر کالی کافی پر آ کر ہی ٹوٹتی ہے۔۔۔ اس سے آگے کی منازل طے نہیں کیں اب تک

 

[باباجی]

تب تو اصل استاد آپ ہوئے کیونکہ ہماری تان تو لے دے کر کالی کافی پر آ کر ہی ٹوٹتی ہے۔۔۔ اس سے آگے کی منازل طے نہیں کیں اب تک

سر جی مقصد تو آتش کو اور ہوا دینا ہوتا ہے
تو کبھی کبھی آتش کی شدت کو بڑھانے کو موڈ ہوجاتا ہے

 

[سید شہزاد ناصر]

کیا کہنے اس غزل کے
بہت ہی خوبصورت غزل ہے

تہِ شمشیر یہی سوچ ہے مقتل میں مجھے
دیکھیے اب کسے لاتی ہے قضا میرے بعد

بعد مرنے کے مری قبر پہ آیا وہ میر
یاد آئی مرے عیسٰی کو دوا میرے بعد

کیا کہنے واہ واہ کئی دفعہ پڑھی طبعات سیر نہ ہوئی
شاد و آباد رہیں

 

[فاتح]

کیا کہنے اس غزل کے
بہت ہی خوبصورت غزل ہے

تہِ شمشیر یہی سوچ ہے مقتل میں مجھے
دیکھیے اب کسے لاتی ہے قضا میرے بعد

بعد مرنے کے مری قبر پہ آیا وہ میر
یاد آئی مرے عیسٰی کو دوا میرے بعد

کیا کہنے واہ واہ کئی دفعہ پڑھی طبعات سیر نہ ہوئی
شاد و آباد رہیں

بہت شکریہ جناب، ممنون ہوں

 

[مدیحہ گیلانی]

سدا بہار خوبصورت غزل ہے ۔
جب بھی پڑھیں ایک نیا لطف دیتی ہے ۔

 

[فاتح]

سدا بہار خوبصورت غزل ہے ۔
جب بھی پڑھیں ایک نیا لطف دیتی ہے ۔

بجا کہا۔۔۔
پسند فرمانے پر شکریہ

 

[پی ٹی وی پروڈیوسر]

آ کے سجّادہ نشیں قیس ہوا میرے بعد نہ رہی دشت میں خالی کوئی جا میرے بعد
یہ کلام مرزا محمد تقی ہوس کا ہے، نام مرزا محمد تقی خان، تخلص ہوس، 67-1766 میں فیض آباد میں پیدا ہوئے ۔لکھنئو میں نشو ونما ہوئی وہیں مفتی گنج میں رہتے تھے ۔ میر حسن کے بعد مصحفی کے شاگرد ہوئے۔ 36-1835 میں وفات پائی۔ نمونہ کلام:
میں تم کو نہ کہتا تھا کہ آئینہ نہ دیکھو - آخر ہدف چشم فسوں ساز ہوئے تم
لے گئے جب تیرے دیوانے کو عیسی نے کہا ۔ ہر گھڑی میں کیا علاج مرد سودائی کروں
منع کیوں کرتا ہے زاہد آہ و زاری سے ہمیں - ہم سے کس دن خوش تھے وہ جو اب خفا ہو جائیں گے

 

[رفیق خیال]

یہ غزل
آ کے سجادہ_نشیں قیس ہوا میرے بعد
منور خان غافل کی ہے جو میر صاحب کے نام سے منسوب ہو گئی ہے

 

[محمد عدنان اکبری نقیبی]

آکے سجادہ نشیں قیس ہوا میرے بعد
نہ رہی دشت میں خالی کوئی جا میرے بعد

میان میں اس نے جو کی تیغ جفا میرے بعد
خوں گرفتہ کوئی کیا اور نہ تھا میرے بعد

دوستی کا بھی تجھے پاس نہ آیا ہے
تو نے دشمن سے کیا میرا گلا میرے بعد

گرم بازاریٔ الفت ہے مجھی سے ورنہ
کوئی لینے کا نہیں نام وفا میرے بعد

منہ پہ لے دامن گل روئیں گے مرغان چمن
باغ میں خاک اڑائے گی صبا میرے بعد

چاک اسی غم سے گریبان کیا ہے میں نے
کون کھولے گا ترے بند قبا میرے بعد

اب تو ہنس ہنس کے لگاتا ہے وہ مہندی لیکن
خون رلا دے گا اسے رنگ حنا میرے بعد

میں تو گلزار سے دل تنگ چلا غنچہ روش
مجھ کو کیا پھر جو کوئی پھول کھلا میرے بعد

وہ ہوا خواہ چمن ہوں کہ چمن میں ہر صبح
پہلے میں جاتا تھا اور باد صبا میرے بعد

سن کے مرنے کی خبر یار مرے گھر آیا
یعنی مقبول ہوئی میری وفا میرے بعد

ذبح کر کے مجھے نادم یہ ہوا وہ قاتل
ہاتھ میں پھر کبھی خنجر نہ لیا میرے بعد

میری ہی زمزمہ سنجی سے چمن تھا آباد
کیا صیاد نے اک اک کو رہا میرے بعد

آ گیا بیچ میں اس زلف کی اک میں ناداں
نہ ہوا کوئی گرفتار بلا میرے بعد

قتل تو کرتے ہو پر خوب ہی پچھتاؤ گے
مجھ سا ملنے کا نہیں اہل وفا میرے بعد

برگ گل لائی صبا قبر پہ میری نہ نسیم
پھر گئی ایسی زمانے کی ہوا میرے بعد

گر پڑے آنکھ سے اس کی بھی یکایک آنسو
ذکر محفل میں جو کچھ میرا ہوا میرے بعد

زیر شمشیر یہی سوچ ہے مقتل میں مجھے
دیکھیے اب کسے لاتی ہے قضا میرے بعد

شرط یاری یہی ہوتی ہے کہ تو نے غافلؔ
بھول کر بھی نہ مجھے یاد کیا میرے بعد
منور خان غافل​

 

[محمد خرم یاسین]

کچھ دن پہلے محفل کے ایک دھاگے "کون ہے جو محفل میں آیا 9" پر مکرم وارث صاحب نے ایک مشہور زمانہ مصرع لکھا تھا "شاید آجائے کوئی آبلہ پا میرے بعد"۔
بس اسی مصرع نے مہمیز کیا مجھے میر تقی میر کے نام سے غلط طور پر منسوب وہ غزل یہاں پوسٹ کرنے پر (شاید کچھ اشعار مجھ سے چھوٹ گئے ہیں):

آ کے سجّادہ نشیں قیس ہوا میرے بعد
نہ رہی دشت میں خالی کوئی جا میرے بعد

چاک کرتا ہوں اسی غم سے گریبانِ کفن
کون کھولے گا ترے بندِ قبا میرے بعد

وہ ہوا خواہِ چمن ہوں کہ چمن میں ہر صبح
پہلے میں جاتا تھا اور بادِ صبا میرے بعد

منہ پہ رکھ دامنِ گل روئیں گے مُرغانِ چمن
ہر روِش خاک اڑائے گی صبا میرے بعد

تیز رکھنا سرِ ہر خار کو اے دشتِ جنوں
شاید آ جائے کوئی آبلہ پا میرے بعد

تہِ شمشیر یہی سوچ ہے مقتل میں مجھے
دیکھیے اب کسے لاتی ہے قضا میرے بعد

بعد مرنے کے مری قبر پہ آیا وہ میر
یاد آئی مرے عیسٰی کو دوا میرے بعد​

(منور خان غافل)​

اور اسے عابدہ پروین نے بھی گایا ہے جو کہ یو ٹیوب پر دو قسطوں میں موجود ہے۔

فاتح صاحب! اس غزل سے متعلق مظفر علی سید کا ایک تحقیدی مضمون 1954 کے ماہِ نو میں شائع ہوا تھا۔ بعد میں اس مضمون کو ماہِ نو کے چالیس سالہ ایڈیشن میں شامل کیا گیا تھا تو خوش قسمتی سے دوست کے توسط سے اس ایڈیشن کی دونوں جلدیں مجھ تک بھی پہنچیں یوں چالیس سالہ مخزن پڑھنے کا موقع ملا۔ اس تحقیدی مضمون میں انھوں نے تاریخی شواہد سے یہ ثابت کیا تھا کہ غزل میر ہی کی ہے اور غلطی سے غافل کے نام سے منسوب ہوگئی ہے۔ البتہ ہوا یوں ہے کہ چونکہ دونوں نے ایک ہی زمین میں اشعار کہےتھے اس لیے یہ غزل جوکہ کلامِ میر میں تدوین ہونے سے رہ گئی تھی ، غافل کے کلام میں شامل ہوگئی۔اس سب کے دوران اس میں خود غافل کے اشعار بھی شامل ہوگئے۔ غافل کے کلام میں یہ جس تذکرے سے نقل کی گئی اس میں غافل نے نہ تو اپنا تخلص استعمال کیا تھا اور نہ ہی اس غزل کی تضمین کے حوالے سے جو اشعار موجود تھے ان سے یہ پتہ چلتا تھا کہ یہ غافل کی ہے۔ مظفر صاحب نے اس غزل کے اٹھارہ اشعار اور بھی دیے تھے اور اسلوبی حوالے سے اس پر محققانہ بحث کی تھی۔ اب چونکہ مضمون میرے سامنے موجود نہیں اس لیے مجھے حقائق کی تفصیل بیان کرتے ہوئے مشکل پیش آرہی ہے۔میری کوشش ہوگی کہ اگر دوست یہ مضمون تصویر بنا کر ای میل کردے تو میں اسے یہاں پیسٹ کردوں۔ میں نے اس مضمون کے حوالے سے اپنے ایک استادِ محترم سے بھی رائے لی تھی اور انھوں نے اس حوالے سے مثبت رائے پیش کی تھی۔ میری ایک ہم جماعت نے ماہِ نو پر تحقیق کی ہے لیکن ابھی تک مقالہ غیر مطبوعہ ہے اس لیے ان کی تحقیق شامل کرنے سے قاصر ہوں۔

 

[فاتح]

فاتح صاحب! اس غزل سے متعلق مظفر علی سید کا ایک تحقیدی مضمون 1954 کے ماہِ نو میں شائع ہوا تھا۔ بعد میں اس مضمون کو ماہِ نو کے چالیس سالہ ایڈیشن میں شامل کیا گیا تھا تو خوش قسمتی سے دوست کے توسط سے اس ایڈیشن کی دونوں جلدیں مجھ تک بھی پہنچیں یوں چالیس سالہ مخزن پڑھنے کا موقع ملا۔ اس تحقیدی مضمون میں انھوں نے تاریخی شواہد سے یہ ثابت کیا تھا کہ غزل میر ہی کی ہے اور غلطی سے غافل کے نام سے منسوب ہوگئی ہے۔ البتہ ہوا یوں ہے کہ چونکہ دونوں نے ایک ہی زمین میں اشعار کہےتھے اس لیے یہ غزل جوکہ کلامِ میر میں تدوین ہونے سے رہ گئی تھی ، غافل کے کلام میں شامل ہوگئی۔اس سب کے دوران اس میں خود غافل کے اشعار بھی شامل ہوگئے۔ غافل کے کلام میں یہ جس تذکرے سے نقل کی گئی اس میں غافل نے نہ تو اپنا تخلص استعمال کیا تھا اور نہ ہی اس غزل کی تضمین کے حوالے سے جو اشعار موجود تھے ان سے یہ پتہ چلتا تھا کہ یہ غافل کی ہے۔ مظفر صاحب نے اس غزل کے اٹھارہ اشعار اور بھی دیے تھے اور اسلوبی حوالے سے اس پر محققانہ بحث کی تھی۔ اب چونکہ مضمون میرے سامنے موجود نہیں اس لیے مجھے حقائق کی تفصیل بیان کرتے ہوئے مشکل پیش آرہی ہے۔میری کوشش ہوگی کہ اگر دوست یہ مضمون تصویر بنا کر ای میل کردے تو میں اسے یہاں پیسٹ کردوں۔ میں نے اس مضمون کے حوالے سے اپنے ایک استادِ محترم سے بھی رائے لی تھی اور انھوں نے اس حوالے سے مثبت رائے پیش کی تھی۔ میری ایک ہم جماعت نے ماہِ نو پر تحقیق کی ہے لیکن ابھی تک مقالہ غیر مطبوعہ ہے اس لیے ان کی تحقیق شامل کرنے سے قاصر ہوں۔

میرے پاس موجود ہے وہ "نام نہاد" تحقیق بھی جس کا آپ ذکر کر رہے ہیں اور اس میں جو فضولیات دلیلوں کے نام پر پیش کی گئی ہیں وہ اتنی بھونڈی ہیں کہ ہنسی آتی ہے۔
عطا کاکوی نے اس نام نہاد تحقیق کا جواب "میر کی ایک مفروضہ غزل پر محاکمہ" کے عنوان سے لکھا ہے جو ان کی کتاب "تحقیقی مقالے"میں شامل ہے۔ اس کا مطالعہ مفید ثابت ہو گا۔

اس غزل سے متعلق مظفر علی سید کا ایک تحقیدی مضمون 1954 کے ماہِ نو میں شائع ہوا تھا۔

اور ہاں مظفر علی سید کا مذکورہ مضمون "ماہِ نو" کے مئی 1952 کے شمارے میں شائع ہوا تھا جو اس کے چالیس سالہ مخزن میں بھی شائع ہوا۔

 

[فاتح]

میری کوشش ہوگی کہ اگر دوست یہ مضمون تصویر بنا کر ای میل کردے تو میں اسے یہاں پیسٹ کردوں۔

لیجیے، یہ کام میں کیے دیتا ہوں آپ کی سہولت کے لیے:

چاروں صفحات ایک البم میں ڈاؤن لوڈ کرنے کا ربط
اب ان بونگی دلیلوں کی بنیاد پر اگر کوئی یہ کہے کہ "ثابت کر دیا" تو اس کی عقل پر سوائے ماتم کرنے کے کچھ نہیں کیا جا سکتا۔
عطا کاکوی کا جوابی مضمون بھی پیش کرتا ہوں۔

 

[فاتح]

میر کی ایک مفروضہ غزل پر محاکمہ ۔ عطا کاکوی​

آٹھوں صفحات ایک البم میں ڈاؤن لوڈ کرنے کا ربط

اس مضمون کو پڑھنے کے بعد بھی اگر کسی کو یہ خیال گزرتا ہے کہ یہ غزل میر تقی کی ہے تو رگِ گُل سے بلبل کے پر باندھنے والوں میں ہی ان کا شمار کیا جا سکتا ہے۔

 

[محمد وارث]

اس مضمون کو پڑھنے کے بعد بھی اگر کسی کو یہ خیال گزرتا ہے کہ یہ غزل میر تقی کی ہے تو رگِ گُل سے بلبل کے پر باندھنے والوں میں ہی ان کا شمار کیا جا سکتا ہے۔

میں نے یہ غزل اُس وقت مہدی حسن کی آواز میں سنی تھی جب مجھے "سجادہ نشیں" کا مطلب بھی علم نہیں تھا اور ایک سنوکر کلب پر ایک بزرگ نے اس کا مطلب سمجھایا تھا تب سے میر سے عشق ہو گیا تھا۔ برسوں بعد جب یہ کھلا تھا کہ یہ غزل میر کی نہیں ہے تو انتہائی دکھ ہوا تھا۔ پھر کسی نقاد کا یہ مقولہ یاد آ گیا کہ ہر اچھا شعر میر تقی میر ہی کا ہے تو دل خوش ہو گیا

 

[سید ذیشان]

میں نے یہ غزل اُس وقت مہدی حسن کی آواز میں سنی تھی جب مجھے "سجادہ نشیں" کا مطلب بھی علم نہیں تھا اور ایک سنوکر کلب پر ایک بزرگ نے اس کا مطلب سمجھایا تھا تب سے میر سے عشق ہو گیا تھا۔ برسوں بعد جب یہ کھلا تھا کہ یہ غزل میر کی نہیں ہے تو انتہائی دکھ ہوا تھا۔ پھر کسی نقاد کا یہ مقولہ یاد آ گیا کہ ہر اچھا شعر میر تقی میر ہی کا ہے تو دل خوش ہو گیا

ویسے میرؔکا اس غزل کے مطلع سے ملتا جلتا شعر بھی موجود ہے ،جس میں قیس کی جگہ ۔قافیہ کی وجہ سے۔ فرہاد کا ذکر ہے۔

میرے سنگِ مزار پر فرہاد
رکھ کے تیشہ کہے ہے یا استاد

باقی غزل میر کی ہو یا پھر کسی اور شاعر کی، اس کی عمدگی میں کوئی شک نہیں۔

 

[محمد خرم یاسین]

میرے پاس موجود ہے وہ "نام نہاد" تحقیق بھی جس کا آپ ذکر کر رہے ہیں اور اس میں جو فضولیات دلیلوں کے نام پر پیش کی گئی ہیں وہ اتنی بھونڈی ہیں کہ ہنسی آتی ہے۔
عطا کاکوی نے اس نام نہاد تحقیق کا جواب "میر کی ایک مفروضہ غزل پر محاکمہ" کے عنوان سے لکھا ہے جو ان کی کتاب "تحقیقی مقالے"میں شامل ہے۔ اس کا مطالعہ مفید ثابت ہو گا۔

اور ہاں مظفر علی سید کا مذکورہ مضمون "ماہِ نو" کے مئی 1952 کے شمارے میں شائع ہوا تھا جو اس کے چالیس سالہ مخزن میں بھی شائع ہوا۔

شراکت کا شکریہ۔ جزاک اللہ۔

 

[محمد تابش صدیقی]

عطا کاکوی کا مضمون بھی عطا ہو تو ایڈوانس میں شکریہ۔

میر کی ایک مفروضہ غزل پر محاکمہ ۔ عطا کاکوی​

آٹھوں صفحات ایک البم میں ڈاؤن لوڈ کرنے کا ربط

اس مضمون کو پڑھنے کے بعد بھی اگر کسی کو یہ خیال گزرتا ہے کہ یہ غزل میر تقی کی ہے تو رگِ گُل سے بلبل کے پر باندھنے والوں میں ہی ان کا شمار کیا جا سکتا ہے۔

 

[فرخ منظور]

عام طور پر یہ غزل میر تقی میرؔ سے منسوب کی جاتی ہے۔ دراصل یہ غزل منور خان غافل کی ہے۔ یہ غزل دیوان غافل مطبع نول کشور سے دیکھ کر نقل کی گئی۔

آ کے سجّادہ نشیں قیس ہوا میرے بعد
نہ رہی دشت میں خالی مری جا میرے بعد

میان میں اس نے جو کی تیغِ جفا میرے بعد
خوں گرفتہ کوئی کیا اور نہ تھا میرے بعد

دوستی کا بھی تجھے پاس نہ آیا ہے ہے
تُو نے دشمن سے کیا میرا گلا میرے بعد

گرم بازار ہی الفت ہے مجھی سے ورنہ
کوئی لینے کا نہیں نامِ وفا میرے بعد

منہ پہ لے دامنِ گُل روئیں گے مرغانِ چمن
باغ میں خاک اڑائے گی صبا میرے بعد

چاک اسی غم سے گریبان کیا ہے میں نے
کون کھولے گا ترے بندِ قبا میرے بعد

اب تو ہنس ہنس کے لگاتا ہے وہ مہندی لیکن
خوں رُلائے گا اسے رنگِ حنا میرے بعد

میں تو گلزار سے دل تنگ چلا غنچہ روش
مجھ کو کیا پھر جو کوئی پھول کھِلا میرے بعد

وہ ہوا خواہِ چمن ہوں کہ چمن میں ہر صبح
پہلے میں آتا ہوں اور بادِ صبا میرے بعد

سن کے مرنے کی خبر یار مرے گھر آیا
یعنی مقبول ہوئی میری دعا میرے بعد

ذبح کر کے مجھے نادم یہ ہوا وہ قاتل
ہاتھ میں پھر کبھی خنجر نہ لیا میرے بعد

میری ہی زمزمہ سنجی سے چمن تھا آباد
کیا صیاد نے اک اک کو رہا میرے بعد

آ گیا بیچ میں اس زلف کی اک میں نادان
نہ ہوا کوئی گرفتارِ بلا میرے بعد

قتل تو کرتے ہو پر خوب ہی پچھتاؤ گے
مجھ سا ملنے کا نہیں اہلِ وفا میرے بعد

برگِ گُل لائی صبا قبر پہ میرے نہ نسیم
پھِر گئی ایسی زمانے کی ہوا میرے بعد

گر پڑے آنکھ سے اس کی بھی یکایک آنسو
ذکر محفل میں جو کچھ میرا ہوا میرے بعد

تہِ شمشیر یہی سوچ ہے مقتل میں مجھے
دیکھیے اب کسے لاتی ہے قضا میرے بعد

شرط یاری یہی ہوتی ہے کہ تُو نے غافلؔ
بھول کر بھی نہ مجھے یاد کیا میرے بعد



(منور خان غافلؔ)​

 

[فرحان محمد خان]

شرط یاری یہی ہوتی ہے کہ تُو نے غافلؔ
بھول کر بھی نہ مجھے یاد کیا میرے بعد
کمال است واہ واہ

 

[خالد محمود چوہدری]

قتل تو کرتے ہو پر خوب ہی پچھتاؤ گے
مجھ سا ملنے کا نہیں اہلِ وفا میرے بعد

زبر دست شراکت ۔۔۔ شکریہ