آپ کے پسندیدہ اشعار!

[Iab]

ہم ہیں وہ ٹوٹی ہوئی کشتیوں والے تابش
جو کناروں کو ملاتے ہوئے مر جاتے ہیں


عباس تابش

 

[Iab]

کیوں نہ اے شخص تجھے ہاتھ لگا کر دیکھوں
تو مرے وہم سے بڑھ کر بھی تو ہو سکتا ہے

عباس تابش

 

[Iab]

یہ جو ہے پھول ہتھیلی پہ اسے پھول نہ جان
میرا دل جسم سے باہر بھی تو ہو سکتا ہے

عباس تابش

 

[Iab]

کیا ضروری ہے کہ ہم ہار کے جیتیں تابشؔ
عشق کا کھیل برابر بھی تو ہو سکتا ہے

عباس تابش

 

[Iab]

وقت سے پوچھ رھا ھے کوئی
زخم کیا واقعی بھر جاتے ھیں

طاہر فراز

 

[Iab]

اتنامصروف نہ کرتو کہ مجھے
تجھ سے ملنے کی بھی فرصت نہ ملے

طاہر فراز

 

[فرقان احمد]

زمانہ سخت کم آزار ہے بجانِ اسد
وگرنہ ہم تو توقّع زیادہ رکھتے ہیں

✍ مرزا اسد اللہ خان غالب

 

[لاريب اخلاص]

زیست ہمسائے سے مانگا ہوا زیور تو نہیں

ایک دھڑکا سا لگا رہتا ہے کھو جانے کا
محسن بھوپالی

 

[یوسُف]

بڑھ کے طوفان کو آغوش میں لے لے اپنی
ڈوبنے والے ترے ہاتھ سے ساحل تو گیا
عبدالحمید عدم

 

[یوسُف]

ایک وہ ہیں کہ جنہیں اپنی خوشی لے ڈوبی
ایک ہم ہیں کہ جنہیں غم نے ابھرنے نہ دیا
آزاد گلاٹی

 

[یوسُف]

کھینچ لی تھی اک لکیر نارسا خود درمیاں
فاصلہ در فاصلہ در فاصلہ ہونا ہی تھا
ذوالفقار نقوی

 

[یوسُف]

دل ہے کہ تری یاد سے خالی نہیں رہتا
شاید ہی کبھی میں نے تجھے یاد کیا ہو
زیب غوری

 

[یوسُف]

آنسو آنسو جس نے دریا پار کئے
قطرہ قطرہ آب میں الجھا بیٹھا ہے
مشکور حسین یاد

 

[یوسُف]

خاموش سہی مرکزی کردار تو ہم تھے
پھر کیسے بھلا تیری کہانی سے نکلتے
سلیم کوثر

 

[یوسُف]

عشق ہو جائے گا میری داستان عشق سے
رات بھر جاگا کرو گے اس کہانی کے لئے
آغا حجو شرف

 

[یوسُف]

شبنم کے آنسو پھول پر یہ تو وہی قصہ ہوا
آنکھیں مری بھیگی ہوئی چہرہ ترا اترا ہوا
بشیر بدر

 

[یوسُف]

جو پھول جھڑ گئے تھے جو آنسو بکھر گئے
خاکِ چمن سے ان کا پتا پوچھتا رہا
انور سدید

 

[فرقان احمد]

اُس کی امیدِ ناز کا ہم سے یہ مان تھا کہ آپ
عُمر گزار دیجئے ۔۔۔۔۔۔۔۔۔۔۔۔۔۔۔۔ عُمر گزار دی گئی

جون ایلیا

 

[مریم افتخار]

خواہشیں دل کا ساتھ چھوڑ گئیں
یہ اذیت بڑی اذیت ہے
ہم نے دیکھا تو ہم نے یہ دیکھا
جو نہیں ہے وہ خوبصورت ہے
وار کرنے کو جانثار آئیں
یہ تو ایثار ہے عنایت ہے
اب نکل آؤ اپنے اندر سے
گھر میں سامان کی ضرورت ہے

(جون ایلیا)​

 

[یوسُف]

اک رات وہ گیا تھا جہاں بات روک کے
اب تک رکا ہوا ہوں وہیں رات روک کے
فرحت احساس