آپ کے پسندیدہ اشعار!

[Iab]

میں تو گم تھا تیرے ہی دھیان میں ، ترِی آس ، تیرے گمان میں
صبا کہہ گئی مرے کان میں ، میرے ساتھ آ ، اسے بھول جا

امجد اسلام امجد

 

[Iab]

جرأت شوق تو کیا کچھ نہیں کہتی لیکن
پاؤں پھیلانے نہیں دیتی ہے چادر مجھ کو

بسمل

 

[Iab]

سی کے لب ایک قیامت سی اٹھا دی جائے
رہ کے خاموش ذرا دھوم مچا دی جائے

حسن اکبر کمال

 

[Iab]

تیرا دیوانہ تو ویرانہ نہیں چھوڑے گا
کوئی بستی اسی جنگل میں بسا دی جائے

حسن اکبر کمال

 

[Iab]

لڑنا پڑا ہمیں بھی ہر اِک موج سے وہاں
جب اپنی دسترس میں کنارے نہیں رہے

صغیر صفی

 

[Iab]

جن پر لٹا چکا تھا میں دنیا کی دولتیں
ان وارثوں نے مجھ کو کفن ناپ کر دیا

نواز دیوبندی

 

[Iab]

ایک ھم ھیں کہ غیروں کو بھی کہہ دیتے ھیں اپنا
ایک تم ھو کہ اپنوں کو بھی اپنا نہیں کہتے

نواز دیوبندی

 

[Iab]

بن جائے اگر بات تو سب کہتے ہیں کیا کیا
اور بات بگڑ جائے تو کیا کیا نہیں کہتے

نواز دیوبندی

 

[Iab]

عجب یہ زندگی کی قید ہے دنیا کا ہر انساں
رہائی مانگتا ہے اور رہا ہونے سے ڈرتا ہے

راجیش ریڈی

 

[Iab]

سر قلم ہوں گے کل یہاں ان کے
جن کے منہ میں زبان باقی ہے

راجیش ریڈی

 

[فرقان احمد]

وہ مسیحا نہ بنا، ہم نے بھی خواہش نہیں کی
اپنی شرطوں پہ جیے اس سے گزارش نہیں کی

کس لیے بجھنے لگے اول شب سارے چراغ
آندھیوں نے بھی اگرچہ کوئی سازش نہیں کی

(عنبرین حسین عنبر)

 

[فرقان احمد]

کہاں سے لائیے اب اُس نِگاہ کو ناصر
جو ناتمام اُُمنگیں دِلوں میں چھوڑ گئی!

ناصر کاظمی

 

[Iab]

جب ستارے ہی نہیں مل پائے
لے کے ہم شمس و قمر کیا کرتے

پروین شاکر

 

[Iab]

خواب میں بھی تجھے بھولوں تو روا رکھ مجھ سے
وہ رویہ جو ہوا کا خس و خاشاک سے ہے

پروین شاکر

 

[Iab]

اپنی شکست فاش میں میرا بھی ہاتھ تھا
یہ کارنامہ غیر نے تنہا نہیں کیا

انور شعور

 

[Iab]

مجھ سے ملنے کے وہ کرتا تھا بہانے کتنے
اب گزارے گا میرے ساتھ زمانے کتنے

سیماب اکبرآبادی

 

[Iab]

زندگی تیرے تعاقب میں ھم
اتنا چلتے ہیں کہ مر جاتے ھیں

طاہر فراز

 

[Iab]

ہم ہیں سوکھے ہوئے تالاب پہ بیٹھے ہوئے ہنس
جو تعلق کو نبھاتے ہوئے مر جاتے ہیں

عباس تابش

 

[Iab]

ان کے بھی قتل کا الزام ہمارے سر ہے
جو ہمیں زہر پلاتے ہوئے مر جاتے ہیں

عباس تابش

 

[Iab]

یہ محبت کی کہانی نہیں مرتی لیکن
لوگ کردار نبھاتے ہوئے مر جاتے ہیں

عباس تابش