آپ کے پسندیدہ اشعار!

[جاوید مرزا]

آشنا درد سے ہونا تھا کسی طور ہمیں
تُو نہ ملتا تو کسی اور سے بچھڑے ہوتے

باصر کاظمی

 

[طارق شاہ]

دِل مُنافق تھا، شبِ ہجر میں سویا کیسے
اورجب تجھ سے مِلا، ٹُوٹ کے رویا کیسے

احمد فراز

 

[طارق شاہ]

غم نہ کر ہم تو بہرحال ہی اُجڑے ہوتے !
تجھ سے ہم گرنہ کسی اور سے بِچھڑے ہوتے

شفیق خلش

 

[اوشو]

سحر قریب ہے تاروں کا حال کیا ہو گا
اب انتظار کے ماروں کا حال کیا ہوگا

 

[اوشو]

میں مٹ گیا ہوں تو پھر کس کا نام ہے بیدم
وہ مل گئے ہیں تو پھر کس کو ڈھونڈتا ہوں میں
بیدم شاہ وارثی رحمۃاللہ علیہ

 

[طارق شاہ]

وہ میرے گرنہ ہُوئے، مجھ پہ مہربان تو ہیں
اگر یہ جیت نہیں ہے تو ہار بھی تو نہیں

احسان علیمی

 

[صائمہ شاہ]

میں چھپاتا ہوں برہنہ خواہشیں
وہ سمجھتی ہے کہ شرمیلا ہوں میں

انور شعور

 

[صائمہ شاہ]

رُوح عالم میں پھونک دی تو کیا
میری جانب تو اک نظر نہ ہوئی

عزیز لکھنوی

 

[سید فصیح احمد]

دل جو اک جائے تھی دنیا ہوئی آباد اس میں
پہلے سنتے ہیں کہ رہتی تھی کوئی یاد اس میں

جونؔ ایلیا

 

[سید فصیح احمد]

مرا دل، مرے اشک، غصہ تمھارا
نہیں رکتےروکےسےیہ آنے والے

وہ جاگے سحر کو تو لڑتے ہیں مُجھ سے
کہ تھے کون تم خواب میں آنے والے

زباں سے تو کہہ کیا ارادہ ہے تیرا
اشاروں اشاروں میں دھمکانے والے

داغؔ دہلوی

 

[عظیم]

کہاں چھپ کے بیٹھے ہیں کوئی بتاؤ
وہ بل کھانے والے وہ اترانے والے

 

[عظیم]

لگا ہے اگر دل تو کیا کر لئے گا
بہت دیکھ رکھے ہیں پچھتانے والے

 

[طارق شاہ]

حشر میں پھرتے ہیں خوش خوش، کیا وہ اِترائے ہُوئے
اور کہتے ہیں، مِرا روزِِ جزا نے کیا کِیا

داغ دہلوی

 

[طارق شاہ]

تم کتنے تُندخُو ہو کہ پہلو سے آج تک
اِک بار بھی اُٹھے نہ قیامت کئے بغیر

جوش ملیح آبادی

 

[طارق شاہ]

رونے لگے ابھی سے، کہ ہے اِبتدائے حال!
تم نے ابھی فسانۂ حسرت سُنا ہے کیا

حسرت موہانی

 

[محمد حفیظ الرحمٰن]

دُور رہنے کے نکالے ہیں ہزاروں حیلے
کاش ڈھونڈے یونہی ملنے کے بہانے کوئی

سلیم احمد
​

 

[محمد حفیظ الرحمٰن]

اک دن وہ مل گئے تھے سرِ رہگزر کہیں
پھر دل نے بیٹھنے نہ دیا عُمر بھر کہیں

اشک رام پوری​

 

[طارق شاہ]

دُور رہنے کے نکالے ہیں ہزاروں حیلے
کاش ڈھونڈے یونہی ملنے کے بہانے کوئی

سلیم احمد
​

ڈھونڈے مِلنے کا بہانہ کوئی
اور
ڈھونڈیں مِلنے کے بہانے کوئی


پہلے مصرع کی، نکالیں ہیں کی وجہ سے
ڈھونڈیں بہانے ، صحیح ہوگا

 

[طارق شاہ]

تجھ سے مِلتے ہی وہ کچھ بے باک ہو جانا مِرا
اور تِرا دانتوں میں وہ اُنگلی دبانا یاد ہے

حسرت موہانی
* مولانا کا بالا شعر بہت کم جگہ صحیح لِکھّا ہُوا مِلتا ہے

 

[فلک شیر]

میں چھپاتا ہوں برہنہ خواہشیں
وہ سمجھتی ہے کہ شرمیلا ہوں میں

انور شعور

کیا کہنے