آپ کے پسندیدہ اشعار!

[غ۔ن۔غ]

کچھ بھی ہوں پھر بھی دکھے دل کی صدا ہوں ناداں
میری باتوں کو سمجھ تلخی تقریر نہ دیکھ

مجروحؔ سلطان پوری

 

[اوشو]

زبان یار من ترکی و من ترکی نمی دانم
چہ خوش بودے اگر بودے زبانش در دہانِ من

 

[طارق شاہ]

ہر چی میدانی، اینجا ںمشتہ بکو کہ نمشتنے شُما بسیار خوش من آمد
این نمشتنِ کیست ؟، بہ الفاظ دیگرکین نمشتست این ؟ (شاعر کیست )

 

[عبدالقیوم چوہدری]

کتنے دکھ درد عقیدت میں چلے آتے ہیں۔۔۔۔۔۔۔۔

عشق نے جب سے سنبھالی ہے امامت دل کی

 

[عبدالقیوم چوہدری]

ہاتھ باندھے کھڑے ہیں سب، گم خیالوں میں اپنے اپنے
امامِ مسجد سے کوئی پوچھے، نماز کس کو پڑھا رہا ہے

 

[عبدالقیوم چوہدری]

دور باطل میں حق پرستوں کی
بات رہتی ہے، سر نہیں رہتے!!

 

[طارق شاہ]

مقتل ہے میری جاں کو ، وہی جلوہ گاہِ ناز !
دِل سے، ادا یہ کہتی ہے تیری قضا ہُوں میں

امیرمینائی

 

[طارق شاہ]

حیف! جس کے لیے پہلو میں نہ رکھّا دِل کو
کیا قیامت ہے کہ ، فانی ! وہی پہلو میں نہیں

فانی بدایونی

 

[طارق شاہ]

جُرم ہے اُس کی جفا کا ، کہ وفا کی تقصیر ؟
کوئی تو بولو میاں ، منہ میں زباں ہے کہ نہیں

مرزا رفیع سودا

 

[طارق شاہ]

پس ایسی باتوں سے کیونکرنہ چاہ ثابت ہو
خُدا کو دیکھا نہیں ، عقل سے تو پہچانا

نظیراکبرآبادی

 

[طارق شاہ]

ہجر و وصال و نیک و بد، گردشِ صد ہزار و صد
تجھ کو کہاں کہاں مِرے ، سروِ کمال لے گئی

عزیزحامد مدنی

 

[طارق شاہ]

غُنچے کا منہ ہے کیا ، کہ تبسّم کرے گا پھر
گُلشن میں گر وہ شوخ گُل اندام ہنس پڑا

دنداں کی تاب دیکھ کے انجُم ہوئے خجل
وہ مہ جبیں ، جو شب کو لبِ بام ہنس پڑا

بہادرشاہ ظفر

 

[طارق شاہ]

بے قراری کہاں کہ دل ہی نہیں
ہائے ، وہ بے قرار ہی نہ رہا

فانی بدایونی

 

[طارق شاہ]

تسکینِ دلِ محزوں نہ ہُوئی، وہ سعیِ کرم فرما بھی گئے
اِس سعیِ کرم کو کیا کہیے، بہلا بھی گئے تڑپا بھی گئے

اسرارالحق مجاز

 

[طارق شاہ]

جس دل کو قیدِ ہستئ دُنیا سے نَنگ تھا
وہ دِل ، اسیرِ حلقۂ زُلفِ بُتاں ہے اب

مولانا الطاف حسین حالی

 

[طارق شاہ]

آنے لگا جب اُس کی تمنّا میں کُچھ مزا !
کہتے ہیں لوگ جان کا اِس میں زیاں ہے اب

مولانا الطاف حسین حالی

 

[طارق شاہ]

باہم جنھوں میں مہْر و مروّت کی رسْم تھی
وہ لوگ کیا ہُوئے ، وہ زمانہ کہاں گیا

غلام ہمدانی مصحفی

 

[طارق شاہ]

جہاں تک راز داری تھی ، لِکھی دُشمن کے طالع میں
ہمیں بدنام کر کے طالعِ ناساز سے مارا

غلام ہمدانی مصحفی

 

[طارق شاہ]

یہ دُعائے مصحفی ہے، جو اجل بھی اُس کو آوے
شبِ وصل کو تُو یا رب ! نہ شبِ وفات کرنا

غلام ہمدانی مصحفی

 

[طارق شاہ]

ہم اپنا حالِ دل ہرگز نہ تجھ سے کہتے اے قاصد !
اگر ہوتا وسیلہ یار تک اپنی رسائی کا

فضل اللہ خان قندہاری