آپ کے پسندیدہ اشعار!

[طارق شاہ]

فقط خیال و تصور تلک رسائی ہے
ترا وجود تو صحرا میں وادیاں جیسے

بغیر نام کے شامل نہ شعر کوئی کرو !
ہے التماس یہ تم سے تمہارے بھائی کا

راقم

تشکّر

 

[عمراعظم]

محوِ آرائشِ رُخ ہےوہ قیامت سرِ بام
آنکھ اگر آئینہ ہوتی تو نظارہ کرتے

عبید اللہ علیم

 

[غ۔ن۔غ]

بغیر نام کے شامل نہ شعر کوئی کرو !
ہے التماس یہ تم سے تمہارے بھائی کا

راقم

تشکّر

ہاہاہاہاہاہاہا ۔ ۔ ۔ ۔
یہ کہتے کہتے مغزل بھی تھک گیا بھائی
نہ ہم سے یاد ہوا ہے،نہ ہم کو یاد آیا

 

[طارق شاہ]

عزیز اِتنا ہی رکھّو، کہ جی سنبھل جائے
اب اِس قدر بھی نہ چاہو کہ دم نکل جائے

عبید اللہ علیم

 

[غ۔ن۔غ]

وہ کبھی آنکھ بھی جھپکے تو لرز جاتا ہوں
مجھ کو اس سے بھی زیادہ ہے ضرورت اس کی

وہ کہیں جان نہ لے ریت کا ٹیلہ ہوں میں
میرے کاندھوں پہ ہے تعمیر عمارت اس کی

شہزاد احمد

 

[غ۔ن۔غ]

دلِ مضطر سے پوچھ اے رونقِ بزم
میں خود آیا نہیں لایا گیا ہوں

شادؔ عظیم آبادی

 

[طارق شاہ]

بغیر نام کے شامل نہ شعر کوئی کرو !
ہے التماس یہ تم سے تمہارے بھائی کا

راقم

تشکّر

ہاہاہاہاہاہاہا ۔ ۔ ۔ ۔
یہ کہتے کہتے مغزل بھی تھک گیا بھائی
نہ ہم سے یاد ہوا ہے،نہ ہم کو یاد آیا

سجایا خُون سے شاعر نے باغِ شعروسُخن
یتیم شعروں کا اِس میں کوئی جواز نہیں

راقم

 

[غ۔ن۔غ]

اےجانِ عہد و پیماں ہم گھر بسائیں گے ہاں
تُواپنے گھر میں ہو گا، ہم اپنے گھر میں ہوں گے

میں لے کے دل کے رشتے گھر سے نکل چکا ہوں
دیوارو دَر کے رشتے دیوار و دَر میں ہوں گے

جون ایلیا

 

[غ۔ن۔غ]

طارق شاہ بھائی
چلیں کوشش کرینگے ہم مگر یہ عرض ہی اپنی
نہیں اس صحنِ گلشن میں بظاہر ایسی پابندی
حوالے سے بھی شاعر کے کئی اشعار آئیں گے
یتیمی میں بھی اس محفل کے دعویدار آئیں گے
(غ۔ن۔غ)

 

[طارق شاہ]

کہایہ سچ ، کہ پابندی نہیں ہےصحنِ گلشن میں
مگر کِس نے کہا یہ صحن ہے گلشن نہیں پورا

راقم

(میرے خیال میں بہنا ہم چُنیدہ اشعار کا لطف خراب کر رہے ہیں )

 

[غ۔ن۔غ]

کہایہ سچ ، کہ پابندی نہیں ہےصحنِ گلشن میں
مگر کِس نے کہا یہ صحن ہے گلشن نہیں پورا
راقم

(میرے خیال میں بہنا ہم چُنیدہ اشعار کا لطف خراب کر رہے ہیں )

او کے بھائی میں اپنا جواب محفوظ رکھتی ہوں ویسے یہ سلسلہ آپ نے شروع کیا میں ختم کر دیتی ہوں

 

[طارق شاہ]

طاعت میں تا رہے نہ مئے واںگبیں کی لاگ
دوزخ میں ڈال دو کوئی ، لا کر بہشت کو

مرزا غالب

 

[طارق شاہ]

ہوس کو ہے نشاطِ کار کیا کیا
نہ ہو مرنا تو جینے کا مزہ کیا

مرزا غالب

 

[طارق شاہ]

ٹھہر سکا نہ ہوائے چمن میں خیمۂ گُل
یہی ہے فصلِ بہاری؟ یہی ہے بادِ مُراد ؟

علامہ اقبال

 

[طارق شاہ]

فردوس کی طہُور بھی ، آخر شراب ہے
مجھ کو نہ لے چلو مِری نیّت خراب ہے

حفیظ جالندھری

 

[طارق شاہ]

مائلِ بیداد وہ کب تھا فراق
تُو نے اُس کو غور سے دیکھا نہیں

فراق گورکھپوری

 

[طارق شاہ]

زبان و گوش کی ناکامیوں کا کچُھ ٹِھکانا ہے !
کہ باتیں ہو کے بھی تجھ سے کبھی باتیں نہیں ہوتیں

فراق گورکھپوری

 

[طارق شاہ]

فراق اِس دَور کے اہلِ نظر سے ہے پیام اپنا
حقائق ہوتے ہیں اشعار میں باتیں نہیں ہوتیں

فراق گورکھپوری

 

[طارق شاہ]

اِک دوسرے کو جان نہ پائے تمام عُمر
ہم ہی عجیب تھے کہ زمانہ عجیب تھا

پروین شاکر

 

[طارق شاہ]

سب داغ بارشوں کی ہوا میں بُجھے رہے
بس دل کا ایک زخم پُرانا عجیب تھا

پروین شاکر