آپ کے پسندیدہ اشعار!

[سیما علی]

بالاہتمام ظلم کی تجدید کی گئی
‏اور ہم کو صبر و ضبط کی تاکید کی گئی

‏اول تو بولنے کی اجازت نہ تھی ہمیں
‏اور ہم نے کچھ کہا بھی تو تردید کی گئی

‏✍️ اقبال عظیم

 

[سیما علی]

طلب کے ساحلوں پہ جلتی کشتیاں بتائیں گی
شناوری پہ اعتبار کرنے والے کیا ہوئے
افتخار عارف

 

[سیما علی]

ظلمت ہی کے سائے میں سکوں ڈھونڈئیے مظہرؔ
خیرات بہت مانگ چکے نور سحر سے
مظہر امام

 

[سیما علی]

ظل ہما بھی واں سے سعادت کرے حصول
جس سر زمیں پہ نقش قدم ہے فقیر کا
نظیر اکبر آبادی

 

[سیما علی]

عبث ہے بوند کا چوکا اگر گھڑے ڈھلکائے
ہمیشہ نقد میں وارا ہے یاں ادھار میں لوٹ
✒️ حبیب موسوی
📚دیوان حبیب

 

[سیما علی]

عروج آدم خاکی کے منتظر ہیں تمام
یہ کہکشاں یہ ستارے یہ نیلگوں افلاک
علامہ محمد اقبال
بال جبریل

 

[سیما علی]

غلغل کوس نشاط خوش دلی و انبساط
کوئی اسے کچھ کہو ہم تو سمجھتے ہیں خواب
✒️ نظیر اکبر آبادی
📚 کُلیاتِ نظیر

 

[سیما علی]

غافل نہ ہو خودی سے کر اپنی پاسبانی
شاید کسی حرم کا تو بھی ہے آستانہ
✒️ علامہ محمد اقبال
📚 بال جبریل

 

[سیما علی]

غفلت متاع کفۂ میزان عدل ہوں
یا رب حساب سختیٔ خواب گراں نہ پوچھ
✒️ مرزا اسد اللہ خان غالب
📚دیوان غالب جدید 📄 صفحہ 301

 

[سیما علی]

غم عشق میں کاری دوا نہ دعا یہ ہے روگ کٹھن یہ ہے درد برا!!
ہم کرتے جو اپنے سے ہو سکتا کبھی ہم سے بھی کچھ نہ کہا تم نے!!
ابن انشا
فنون (جدید غزل نمبر، جلد 2

 

[سیما علی]

فصل گل آتے ہی مے خانہ میں اک بھیڑ ہوئی
نہ سنی ایک بھی رندوں نے فغان واعظ
✒️ حبیب موسوی
📚 دیوان حبیب

 

[سیما علی]

فراق یار میں بے روئے بن نہیں پڑتی
اثر کے واسطے کر دی ہے آہ کی تخصیص
✒️ مرزا آسمان جاہ انجم
📚 دیوان انجم

 

[سیما علی]

قاضیا ہاتھ بڑھا شیشۂ صہبا تو اتار
طاق نسیاں پہ تو رہنے دے شریعت کی بحث
✒️ انشاء اللہ خان انشاء
📚کلیاتِ انشاءاللہ خان

 

[سیما علی]

قائمؔ ہر ایک کوچہ میں ہے طرفہ تعزیہ
یوسف ترے کی گرمئ بازار یک طرف
✒️ قائم چاند پوری
📚کلیاتِ قائم چاندپوری

 

[سیما علی]

قدم قدم پہ تمنائے التفات تو دیکھ
زوال عشق میں سوداگروں کا ہات تو دیکھ
✒️ مصطفی زیدی
📚کلیاتِ مصطفیٰ زیدی (موج میری صدف صدف) 📄 صفحہ 88

 

[سیما علی]

قاصد ترے بیاں سے دل ایسا ٹھہر گیا
گویا کسی نے رکھ دیا سینے پہ آ کے ہاتھ
✒️ نظام رامپوری

 

[سیما علی]

کہاں ہیں اب وہ مسافر نواز بہتیرے
اٹھا کے لے گئے خانہ بدوش ڈیرے تک
✒️ انور شعور
📚اندوختہ 📄 صفحہ 137

 

[سیما علی]

کلیوں کو تو نے چٹ چٹ اے باغباں جو توڑا
بلبل کے دل جگر کو ظالم لگی ہے کیا چٹ
✒️ میر تقی میر
📚دیوانِ میر تقی میر

 

[سیما علی]

کسی کا ہائے دم خود کشی پہ آ کہنا
نہیں نہیں ارے او میرے بیقرار نہیں
✒️ خواجہ عزیز الحسن مجذوب
📚کشکول مجذوب 📄صفحہ 123

 

[سیما علی]

کلی کو دیکھ کہ ہے تشنۂ نسیم سحر
اسی میں ہے مرے دل کا تمام افسانہ
✒️ علامہ محمد اقبال
📚 بال جبریل