آپ کے پسندیدہ اشعار!

[حسرت جاوید]

لہجہ نہیں ملتا، کبھی چہرہ نہیں ملتا
دنیا میں ہمیں ایک بھی تم سا نہیں ملتا

چھوڑا ہے جو اک گھر کو تو دوجا نہیں ملتا
اب دل سا ترے کوئی ٹھکانہ نہیں ملتا

صبیح الدین شعیبی

 

[گُلِ یاسمیں]

تیری یاد نے چوما مجھ کو
جب بھی کھولا خالی کمرا
تم کو اکثر یاد آئے گا
باتیں کرتا خالی کمرا
مجھ سے لپٹا روہا گھنٹوں
آہیں بھرتا خالی کمرا

افتخار فلک

 

[حسرت جاوید]

تجھ کو دنیا کے ساتھ چلنا ہے
تو مرے ساتھ چل نہ پائے گا

انجم رہبر

 

[شمشاد]

آنکھوں سے وہ کبھی مری اوجھل نہیں رہا
غافل میں اس کی یاد سے اک پل نہیں رہا
سعادت سعید

 

[حسرت جاوید]

اس ایک چہرے میں آباد تھے کئی چہرے
اس ایک شخص میں کس کس کو دیکھتا تھا میں

سلیم احمد

 

[حسرت جاوید]

اس وقت دل مرا ترے پنجے کے بیچ تھا
جس وقت تو نے ہات لگایا تھا ہات کو

شیخ ظہور الدین حاتم

 

[حسرت جاوید]

مانوس ہو چلا تھا تسلی سے حالِ دل
پھر تو نے یاد آ کے بدستور کر دیا

حسرتؔ موہانی

 

[حسرت جاوید]

دھواں دیتا ہے دامانِ محبت
ان آنکھوں سے کوئی آنسو گرا ہے

سالک لکھنوی

 

[حسرت جاوید]

بھری بہار میں اک شاخ پر کھلا ہے گلاب
کہ جیسے تو نے ہتھیلی پہ گال رکھا ہے

احمد فراز

 

[حسرت جاوید]

ایسا بھی کبھی ہو میں جسے خواب میں دیکھوں
جاگوں تو وہی خواب کی تعبیر بتائے

مصطفی شہاب

 

[حسرت جاوید]

کسی جانب نہیں کھلتے دریچے
کہیں جاتا نہیں رستہ ہمارا

احمد مشتاق

 

[حسرت جاوید]

یہ بھی تو اک دلیل ہے اس کے وجود کی
جب تک نہ مانیے اسے دل مانتا نہیں

 

[حسرت جاوید]

ایمان کی تو یہ ہے کہ ایمان اب کہاں
کافر بنا گئی تری کافر نظر مجھے

داغؔ دہلوی

 

[حسرت جاوید]

محبت رہی چار دن زندگی میں
رہا چار دن کا اثر زندگی بھر

انور شعور

 

[حسرت جاوید]

اب کہاں گفتگو محبت کی
ایسی باتیں ہوئے زمانہ ہوا

ناطق گلاوٹھی

 

[حسرت جاوید]

غم دیئے ہیں حیات نے ہم کو
غم نے ہم سے حیات پائی ہے

شمسی مینائی

 

[حسرت جاوید]

نکالے گئے اس کے معنی ہزار
عجب چیز تھی اک مری خامشی

خلیل الرحمن اعظمی

 

[حسرت جاوید]

کوئی حیات کے معنی بتا کے سمجھائے
طویل کیا ہے بھلا مختصر کا کیا مطلب

سندیپ گپتے

 

[حسرت جاوید]

ہم تم ملے نہ تھے تو جدائی کا تھا ملال
اب یہ ملال ہے کہ تمنا نکل گئی

جلیل مانک پوری

 

[حسرت جاوید]

دم گھٹا جاتا ہے محبت کا
بند ہی بند گفتگو ہے ابھی

سراج لکھنوی