آپ کے پسندیدہ اشعار!

[گُلِ یاسمیں]

حضور! آپ ہی روکیں کہ میں تو پاگل ہوں
کسی سے ہاتھ ملاتے ہوئے نہیں ڈرتا
ہزار بار بتایا کہ بد شگونی ہے!
مگر وہ ہونٹ چباتے ہوئے نہیں ڈرتا

افتخار فلک

 

[شمشاد]

مجھے دل کی خطا پر یاسؔ شرمانا نہیں آتا
پرایا جرم اپنے نام لکھوانا نہیں آتا
یگانہ چنگیزی

 

[گُلِ یاسمیں]

غم دل کسی سے چھپانا پڑے گا
گھڑی دو گھڑی مسکرانا پڑے گا

یہ آلام ہستی یہ دور زمانہ
تو کیا اب تمہیں بھول جانا پڑے گا

سیف الدین سیف

 

[شمشاد]

غم حبیب نہیں کچھ غم جہاں سے الگ
یہ اہل درد نے کیا مسئلے اٹھائے ہیں
ابو محمد سحر

 

[گُلِ یاسمیں]

میری ہر بات بے اثر ہی رہی
نقص ہے کچھ مرے بیان میں کیا

مجھ کو تو کوئی ٹوکتا بھی نہیں
یہی ہوتا ہے خاندان میں کیا

جون ایلیا

 

[شمشاد]

آیا کمال نقص مرے دل کی تاب میں
جاتا ہے جی چلا ہی مرا اضطراب میں
میر تقی میر

 

[سیما علی]

آرزوئوں سے جو پیمان وفا ہم رکھتے
سانحے زخم بھی ہوتے تو گلستاں ہوتے

 

[سیما علی]

یہ نفرتوں کی فصیلیں جہالتوں کے حصار
نہ رہ سکیں گے ہماری صدا کے رستےمیں

 

[سیما علی]

نہ جانے زندگی اور رات میں کیسا تعلق ہے!
الجھتی کیوں ہے اتنی گل چراغ شام سے پہلے

 

[سیما علی]

یہ سبھی ویرانیاں اس کے جدا ہونے سے تھیں
آنکھ دھندلائی ھوئی تھی شہر دھندلایا نہ تھا

 

[سیما علی]

اس بندہ خدار پہ نبیوں کا ہے سایہ
جو بھوک میں بھی لقمہ تر پر نہیں گرتا

 

[سیما علی]

اس کو نام جنوں کا دے لوں، پیار کہو کہ دلار کہو
ایسا اور کسی کا دیکھا دل کا کاروبار؟ کہو

 

[سیما علی]

وہ راتیں چاند کے ساتھ گئیں، وہ باتیں چاند کے ساتھ گئیں
اس سکھ کے سپنے کیا دیکھیں، جب دکھ کا سورج سر پر ہو

 

[سیما علی]

اک کہکشاں کے بعد ہے اک اور کہکشاں !
پھر ان کے بعد بھی مہ و اختر، نئے نئے

 

[سیما علی]

رستے میں مل گیا تو شریک سفر نہ جان
جو چھاؤں مہرباں ہو اسے اپنا گھر نہ جان

 

[سیما علی]

اے جذبہ دل گر میں چاہوں ہر چیز مقابل آ جائے
منزل کے لئے دو گام چلوں اور سامنے منزل آ جائے

 

[سیما علی]

اے دل تیرے خلوص کے صدقے ذرا سا ہوش
دشمن بھی بے شمار ہیں یاروں کے شہر میں

 

[سیما علی]

یہاں رہوں گی تو پھر تیرے تذکرے ہوں گے
اگر کہو تو تیرا شہر چھوڑ جاؤں میں؟

 

[سیما علی]

نہیں بے حجاب وہ چاند سا کہ نظر کا کوئی اثر نہ ہو
اسے اتنی گرمئ شوق سے بڑی دیر تک نہ تکا کرو

 

[شمشاد]

اے جنوں پھر مرے سر پر وہی شامت آئی
پھر پھنسا زلفوں میں دل پھر وہی آفت آئی
آسی غازی پوری