آپ کے پسندیدہ اشعار!

[سیما علی]

خاکِ چمن میں شبنم و گل کا عجب ہے رنگ
ساغر کسی سے چھوٹ پڑا ہے شراب کا
۔
جلیل مانکپوری

 

[سیما علی]

کھل گیا عشقِ صنم طرزِ سُخن سے مومنؔ
اب چھپاتے ہو عبث بات بناتے کیوں ہو
مومن

 

[سیما علی]

اے دَستِ جنوں تیری مدد ہووے تو اب بھی
اک جھٹکے میں لگتا ہے گریباں ٹھکانے
مصحفی

 

[سیما علی]

گلچیں بُرا کیا جو یہ تنکے جلا دیے
تھا آشیاں مگر ترے پھولوں سے دُور تھا
ثاقب لکھنوی

 

[سیما علی]

ٹک ہمرہانِ قافلہ سے کہہ دے اے صبا
ایسے ہی گر قدم ہیں تمہارے تو ہم رہے
سوداؔ

 

[سیما علی]

"کہیو صبا کہ جس کو تو بٹھلا گیا تھا سو
جُوں نقشِ پا پڑا تری دیکھے ہے راہ وہ"
سوداؔ

 

[لاريب اخلاص]

آنکھ رہزن نہیں تو پھر کیا ہے
لوٹ لیتی ہے قافلہ دل کا
جلیل مانک پوری

 

[سیما علی]

اے دَستِ جنوں تیری مدد ہووے تو اب بھی
اک جھٹکے میں لگتا ہے گریباں ٹھکانے
مصحفی

 

[سیما علی]

ساقیا! یاں لگ رہا ہے چل چلاؤ
جب تلک بس چل سکے ساغر چلے
۔
خواجہ میر دردؔ

 

[شمشاد]

وہ نگاہ مل کے نگاہ سے بہ ادائے خاص جھجھک گئی
تو برنگ خوں مری آرزو مری چشم تر سے ٹپک گئی
وقار بجنوری

 

[لاريب اخلاص]

چیخ رہے ہیں خالی کمرے
شام سے کتنی تیز ہوا ہے
ناصر کاظمی

 

[لاريب اخلاص]

آفتوں کے دَور میں
چین کی گھڑی ہے تُو
ناصر کاظمی

 

[شمشاد]

آپ کی یاد آتی رہی رات بھر
چشم نم مسکراتی رہی رات بھر

رات بھر درد کی شمع جلتی رہی
غم کی لو تھرتھراتی رہی رات بھر
(ۢمخدوم محی الدین)

 

[لاريب اخلاص]

پکا رستہ کچی سڑک اور پھر پگڈنڈی

جیسے کوئی چلتے چلتے تھک جاتا ہے
سعود عثمانی

 

[شمشاد]

آہٹ سی کوئی آئے تو لگتا ہے کہ تم ہو
سایہ کوئی لہرائے تو لگتا ہے کہ تم ہو

جب رات گئے کوئی کرن میرے برابر
چپ چاپ سی سو جائے تو لگتا ہے کہ تم ہو
(جاں نثار اختر)

 

[لاريب اخلاص]

مستقل بولتا ہی رہتا ہوں
کتنا خاموش ہوں میں اندر سے
جون ایلیا

 

[شمشاد]

اے محبت ترے انجام پہ رونا آیا
جانے کیوں آج ترے نام پہ رونا آیا

جب ہوا ذکر زمانے میں محبت کا شکیلؔ
مجھ کو اپنے دل ناکام پہ رونا آیا
(شکیل بدایونی)

 

[لاريب اخلاص]

انداز بیاں گرچہ بہت شوخ نہیں ہے
شاید کہ اتر جائے ترے دل میں مری بات
علامہ اقبال

 

[شمشاد]

کوئی سمجھے تو ایک بات کہوں
عشق توفیق ہے گناہ نہیں
فراق گورکھپوری

 

[لاريب اخلاص]

سوچو تو سلوٹوں سے بھری ہے تمام روح
دیکھو تو اک شکن بھی نہیں ہے لباس میں
شکیب جلالی