آپ کے پسندیدہ اشعار!

[سیما علی]

واں تُو ہے زرد پوش یہاں میں ہوں زرد رنگ!!!!!!
واں تیرے گھر بسنت ہے یاں میرے گھر بسنت
مومن

 

[سیما علی]

اسیر کر کے ہمیں حکم دے گیا صیاد
قفس ہو تنگ تو ان کے نہ بال و پر رکھنا
۔
مہتاب علی بیگ منشیؔ

 

[سیما علی]

اُنگلیاں اٹھے لگیں دستِ حنائی پہ ترے
رنگ لائے گا ابھی خونِ شہیداں کیا کیا
۔
جعفر علی خاں اثرؔ

 

[سیما علی]

بال و پر بھی گئے بہار کے ساتھ
اب توقع نہیں رہائی کی
۔میر

 

[سیما علی]

بلایا موت کو برسوں میں التجا کر کے
خدا کے پاس چلا ہوں خدا خدا کر کے
۔
بیخود دہلوی۔

 

[سیما علی]

تڑپتی دیکھتا ہوں جب کوئی شے
اُٹھا لیتا ہوں اپنا دل سمجھ کر
امیر اللہ تسلیم لکھنوی

 

[سیما علی]

جانا ہے سوئے وادیِ غربت بہ حالِ زار
اہلِ وطن معاف ہو میرا کہا سنا
۔
نواب علیخاں سحرؔ

 

[سیما علی]

حسین اور طلبِ آب معاذا للہ!!!!!!!!!
تمام کرتے تھے حجت سوالِ آب نہ تھا
میرانیسؔ

 

[سیما علی]

خالِ لب آفتِ جاں تھا مجھے معلوم نہ تھا
دام دانے میں نہاں تھا مجھے معلوم نہ تھا
بقااللہ بقاؔ

 

[سیما علی]

خاروں سے پوچھیئے نہ کسی گل سے پوچھئے
صدمہ چمن کے لٹنے کا بلبل سے پوچھئے
۔
انیس۔

 

[شمشاد]

کچھ تمہاری نگاہ کافر تھی
کچھ مجھے بھی خراب ہونا تھا
اسرار الحق مجاز

 

[سیما علی]

دل کے پھر زخم تازہ ہوتے ہیں
کہیں غنچہ کوئی کھلا ہوگا
۔
دردؔ۔

 

[شمشاد]

کو بہ کو پھیل گئی بات شناسائی کی
اس نے خوشبو کی طرح میری پذیرائی کی
(پروین شاکر)

 

[سیما علی]

زاہد وہ بادہ کش ہوں کہ مانگوں اگر شراب
اُٹھیں ابھی شراب سے بادل بھرے ہوئے

ناسخ

 

[سیما علی]

شمع ساں لگ اُٹھے زباں کو آگ
گر کروں سوزِ دل بیاں اپنا
۔
بہادر شاہ ظفرؔ

 

[سیما علی]

قطرے قطرے کا ہے نصیب جدا
کوئی گوہر کوئی شراب ہوا
۔
مائل دہلوی

 

[سیما علی]

کعبے چلتا ہوں پر اتنا تو بتا
میکدہ کوئی ہے زاہد راہ میں
اسیر لکھنوی

 

[سیما علی]

اس رشکِ گل کے جاتے ہی بس آ گئی خزاں
ہر گل بھی ساتھ ہو کے چمن سے نکل گیا
۔
ناسخؔ

 

[سیما علی]

گل نے ہزار رنگِ سخن وا کیا ولے
دل سے گئیں نہ باتیں تری پیاری پیاریاں
میر

 

[سیما علی]

اس روش سے وہ چلے گلشن میں
بچھ گئے پھول صبا لوٹ گئی
امیر مینائی