آپ کے پسندیدہ اشعار!

[طاہر راجپوت ملتان]

طلب نے کھائیں ہیں وہ ٹھوکریں راہ تمنا میں
کہ آخر مجھ سے شرمانے لگی ہے آرزو میری

سید غلام بھیک نیرنگ غلام بھیک نیرنگ
1876-1952. دیوان ✍

 

[طاہر راجپوت ملتان]

آرزوئے زیست بھی یاں آرزوئے دید ہے
تو نہ پیارا ہو تو مجھ کو ہو نہ پیاری زندگی

سید غلام بھیک نیرنگ غلام بھیک نیرنگ
1876-1952دیوان✍

 

[محمد وارث]

فقط نگاہ سے ہوتا ہے فیصلہ دل کا
نہ ہو نگاہ میں شوخی تو دلبری کیا ہے
اقبال

 

[عبد الرحمٰن]

آہ کو چاہیئے اک عمر اثر ہوتے تک
کون جیتا ہے تری زلف کے سر ہوتے تک
مرزا غالب

 

[عبد الرحمٰن]

دونوں ہاتھوں سے لوٹتی ہے ہمیں
کتنی ظالم ہے تری انگڑائی
جگر

 

[محمد وارث]

برقِ زمانہ دُور تھی لیکن مشعلِ خانہ دُور نہ تھی
ہم تو ظہیر اپنے ہی گھر کی آگ میں جل کر خاک ہوئے
ظہیر کاشمیری

 

[لاریب مرزا]

کیا راہ بدلنے کا گِلہ ہم سفروں سے
جس رہ سے چلے تیرے در و بام ہی آئے

(ادا جعفری)

 

[عثمان غنی آسؔی]

بلا کے شوخ ہیں، بے طرح کام کرتے ہیں
نظر مِلاتے ہی قصّہ تمام کرتے ہیں

اُٹھو اُٹھو درِ دولت سے عاشقو! اُٹّھو
چلو چلو کہ وہ دیدارعام کرتے ہیں

عبدالمجید بیدل

بہت عمدہ

 

[عینی مروت]

اب تو بس خواب کی بیساکھی پہ چلنا ہوگا
مدتیں ہوگئیں اس آنکھ کو معذور ہوئے


پروین شاکر
(انکار)

 

[طاہر راجپوت ملتان]

خیال مے کشی مجھ کو نہ ہوش عاشقی مجھ کو

یہ کن راہوں سے یارب لے چلی ہے زندگی مجھ کو

ڈاکٹرمعین احسن جذبیؔ
1912-2005 اعظم گڑھ
✍فروزاں

 

[طاہر راجپوت ملتان]

بادل کی گرج بجلی کی چمک بارش میں وہ تیزی تیروں کی

میں ٹھٹھرا سمٹا سڑکوں پر توجام بلب میخواروں میں
سب ہوش و خرد کے دشمن ہیں سب قلب و جگر کے رہزن ہیں

رکھا ہے بھلا کیا اسکے سوا ان راحت جاں مہ پاروں میں

ڈاکٹرمعین احسن جذبیؔ
1912-2005 اعظم گڑھ
✍فروزاں

 

[طاہر راجپوت ملتان]

عطا کیا ہے جو درد دل آشنا ہم کو

کرم کے پردے میں نہ آزما ہم کو

دکھا رہی ہے محبت کے سب نشیب و فراز

بہت عزیز ہے یہ آہ نارسا ہم کو

ڈاکٹرمعین احسن جذبیؔ
1912-2005 اعظم گڑھ
✍فروزاں

 

[ام اویس]

ہزار رُخ تیرے ملنے کے ہیں نہ ملنے میں
کسے فراق کہوں اور کسے وصال کہوں

روش صدیقی

 

[ام اویس]

نصیب راہروی تیرگی بھی ، حبس بھی ہے
چراغ بھی نہ بجھاؤں ہوا بھی چلنے دوں

شہزاد احمد

 

[طاہر راجپوت ملتان]

قاری قرآن اگر دیدار دلبر دیکھ لے

درس اس روُئے کتابی کا کرے قرآن کو چھوڑ
م۔۔اتمؔ فضل محمد عباسی
✍دیوان ماتمؔ

 

[محمد وارث]

چلتا رہا تو دشت نوردی کا طنز تھا
ٹھہرا ذرا تو آپ نے پا بستہ کہہ دیا
مرتضٰی برلاس

 

[فرحان محمد خان]

یہی جانا کہ کچھ نہ جانا، ہائے
سو بھی اک عمر میں ہوا معلوم
میر تقی میر

 

[عبد الرحمٰن]

وہ مسرتوں کا ہجوم کیا جو طواف عشق و طرب کرے
وہ خوشی جو اوروں کو دے سکوں مجھے اس خوشی کی تلاش ہے
متین نیازی

 

[محمد وارث]

دیکھے ہیں بہت ہم نے، ہنگامے محبّت کے
آغاز بھی رسوائی، انجام بھی رسوائی
صُوفی غلام مصطفٰی تبسم

 

[عبد الرحمٰن]

معصوم نظر، بھولا مُکھڑا، چہرے پہ تبسم، شوخ ادا
تصویر کا جب یہ عالم ہے، وہ حُسنِ مجسم کیا ہو گا