آپ کے پسندیدہ اشعار!

[کاشفی]

پیتا ہوں جتنی اتنی ہی بڑھتی ہے تشنگی
ساقی نے جیسے پیاس ملا دی شراب میں
(شاعر: نام مجھے معلوم نہیں)

 

[وقار..]

تو میری سب سے خوبصورت نظم
جو میں نے روح کے صفحات پر اتاری ہے

 

[مخلص انسان]

جب تیرا درد میرے ساتھ وفا کرتا ہے
ایک سمندر میری آنکھوں سے بہا کرتا ہے

 

[مخلص انسان]

یقین ہو تو کوئی راستہ نکلتا ہے
ہوا کی اوٹ بھی لے کر چراغ جلتا ہے

 

[مخلص انسان]

ایک طرز تغافل ہے سو وہ ان کو مبارک
ایک عرض تمنا ہے سو ہم کرتے رہیں گے

 

[مخلص انسان]

آداب وفا بھی سیکھو عشق کی بارگاہ میں تم
فقط یوں دل لگانے سے دلوں میں گھر نہیں ہوتا

 

[مخلص انسان]

میرے قصے میں تم آتے ہو ۔ ۔ ۔
میرے حصے میں کیوں نہیں آتے

 

[کاشفی]

اظہارِعشق اس سے نہ کرنا تھا شیفتہؔ
یہ کیا کیا کہ دوست کو دشمن بنا دیا
(مصطفیٰ خاں شیفتہ)

 

[وقار..]

‏اے مرے لمحہء ناراض! کبھی مل تو سہی.
اس زمانے سے الگ ھو کے گزاروں تجھ کو..

 

[کاشفی]

جب بھی غیروں کی عنایت دیکھی
ہم کو اپنوں کے ستم یاد آئے
(شاعر: نام مجھے معلوم نہیں)

 

[مخلص انسان]

دل کے دریا کو کسی روز اتر جانا ہے
اتنا بے سمت نہ چل ، لوٹ کے گھر جانا ہے

 

[کاشفی]

چاہے دیوانہ کہیں یا لوگ سودائی کہیں
آگئے ہم سر کو لے کر پتھروں کے شہر میں
(شو رتن لال برق پونچھوی)

 

[مخلص انسان]

سمجھا ہے کون وقت کی رفتار کا مزاج
لمحوں میں کٹ گئیں صدیاں شباب کی

 

[کاشفی]

سامنے تعریف، غیبت میں گلہ
آپ کے دل کی صفائی دیکھ لی
(جگت موہن لال رواںؔ)

 

[کاشفی]

سفر میں دھوپ تو ہوگی جو چل سکو تو چلو
سبھی ہیں بھیڑ میں تم بھی نکل سکو تو چلو
(ندا فاضلی)

 

[سید فصیح احمد]

شہر میں آکر پڑھنے والے بھُول گئے
کس کی ماں نے کتنا زیور بیچا تھا

اسلم کولسری

 

[بابرنثار]

ناجانے کس سمت سے آ جائے آنے والا
ہم نے ہر طرف سے دیواد گرا رگھی ہے

 

[مخلص انسان]

خاموشیاں کھا گئی وگرنہ
ہم گفتگو کمال کرتے تھے

 

[کاشفی]

گو ذرا سی بات پر برسوں کے یارانے گئے
لیکن اتنا تو ہوا کچھ لوگ پہچانے گئے
(محمدابراہیم بیگ خاطر غزنوی - پشاور)

 

[وقار..]

مجھے پڑھتے ہیں کئی لوگ مگر
میں مخاطب صرف تمہی سے ہوں