آپ کے پسندیدہ اشعار!

[طارق شاہ]

اس فتنہ خُو کے در سے اب اٹھتے نہیں اسد!
اِس میں ہمارے سر پہ قیامت ہی کیوں نہ ہو!

مرزا غالب

 

[طارق شاہ]

ہمارے ذہن میں اِس فکر کا ہے نام وصال
کہ گر نہ ہو، تو کہاں جائیں، ہو تو کیوں کر ہو!

مجھے جُنوں نہیں، غالب! ولے بقولِ حضور
"فرقِ یار میں تسکین ہو تو کیوں کر ہو!"

مرزا غالب

 

[طارق شاہ]

جب میکدہ چُھٹا، تو پھر اب کیا جگہ کی قید
مسجد ہو، مدرسہ ہو، کوئی خانقاہ ہو

مرزا غالب

 

[سید شیرازی]

وہ جہاں بھی گیا لوٹا تو میرے پاس آیا
بس یہی اک بات اچھی ہے میرے ہرجائی کی

پروین شاکر

 

[طارق شاہ]

شہرِ جمال کے خس و خاشاک ہوگئے
اب آئے ہو جب آگ سے ہم خاک ہوگئے

اے ابرِ خاص، ہم پہ برسنے کا اب خیال
جل کر تِرے فراق میں جَب راکھ ہو گئے

پروین شاکر

 

[سید شیرازی]

اک تجھی کو منتظر پایا نظرکے سامنے
میں نےجب بھی سوچ کی دہلیزپررکھاقدم

ریحانہ قمر

 

[سید شیرازی]

ساقیا تیرے بادہ خانے میں
نام ساغر ہے مےَکو ترسےہیں
ًًً
ساغر صدیقی

 

[طارق شاہ]

دِل کو مہر و مہ و انجُم کے قرِیں رکھنا ہے
اِس مُسافر کو مگر خاک نشِیں رکھنا ہے

پروین شاکر

 

[طارق شاہ]

حُسنِ بے تماشا کی، دُھوم کیا معمّا ہے​

کان بھی ہیں نا محرم، آنکھ بھی ترَستِی ہے​

​

چتوَنوں سے مِلتا ہے، کچھ سراغ باطن کا​

چال سے تو کافر پر سادگی برستی ہے​

​

یاس، یگانہ، چنگیزی​

 

[طارق شاہ]

روندے ہے نقشِ پا کی طرح خلق ياں مجھے​

اے عمررفتہ چھوڑ گئی تو کہاں مجھے​

​

اے گُل تو رخت باندھ ، اُٹھاؤں ميں آشياں​

گُل چِيں تجھے نہ ديکھ سکے باغباں مجھے​

​

میر درد ​

​

 

[طارق شاہ]

ناصح سے کوئی کہہ دے کیجے کلام ایسا​

حضرت کو تاکہ کوئی یہ جانے، آدمی ہیں​

​

داغ دہلوی​

 

[طارق شاہ]

ہم تو چُپ چاپ چلے آئے بحکمِ حاکم
راستہ روتا رہا شہر سے ویرانے تک

مقبول عامر

 

[طارق شاہ]

باندھے کمر سحر گہ ، آیا ہے میرے کِیں پر​

جو حادثہ فلک سے، نازل ہُوا زمِیں پر​

​

آخر کو ہے خُدا بھی تو، اے میاں جہاں میں​

بندے کے کام کچھ کیا موقوُف ہیں تُمِھیں پر​

​

میر تقی میر

 

[طارق شاہ]

قفس میں ذکرِ نشیمن گناہِ بے لذّت
نہ ہم زباں، نہ کوئی ہم خیال ہوتا ہے

بہارِ عُمرِ گزشتہ پہ بھیجیے صلوات
خِزاں میں ذکرِ خِزاں حسبِ حال ہوتا ہے

یاس، یگانہ، چنگیزی

 

[فرقان احمد]

جگر مراد آبادی کے اشعار

ہر حقیقت کو باندازِ تماشا دیکھا
خوب دیکھا ترے جلوؤں کو مگر کیا دیکھا
جستجو میں تری یہ حاصل سودا دیکھا
ایک اک ذرہ کا آغوشِ طلب وا دیکھا
آئینہ خانہء عالم میں کہیں کیا دیکھا
تیرے دھوکے میں خود اپنا ہی تماشا دیکھا
ہم نے ایسا نہ کوئی دیکھنے والا دیکھا
جو یہ کہہ دے کہ ترا حسن سراپا دیکھا
دلِ آگاہ میں کیا کہیے جگر، کیا دیکھا
لہریں لیتا ہوا اک قطرے میں دریا دیکھا


مکاں و لامکاں سے بھی گزر جا
فضائے شوق میں پروازِ خس کیا؟
اجل خود زندگی سے کانپتی ہے
اجل کی زندگی پر دسترس کیا؟



خیر اس کو نظر آیا، شر اُس کو نظر آیا
آئینے میں خود عکسِ آئینہ نگر آیا
یہ محفلِ ہستی بھی کیا محفلِ ہستی ہے!
جب کوئی اُٹھا پردہ، میں خود ہی نظر آیا


چھیڑا تھا جسے پہلے پہل تیری نظر نے
اب تک ہے، وہ اک نغمہء بے ساز و صدا یاد

 

[سید شیرازی]

اس دھوپ کےجنگل میں اَناکاہےعجب رُخ
صحرا کے مُسافر کو شجر ڈھونڈ رہا ہے۔۔۔

نوید ہاشمی

 

[سید شیرازی]

اتنی پلا دے آج کہ روئیں تو ساقیا
نکلیں ہماری آنکھ سے آنسو شراب کے

نوید ہاشمی

 

[طارق شاہ]

وحشتیں کچھ اِس طرح اپنا مقدر ہوگئیں
ہم جہاں پہنچے، ہمارے ساتھ ویرانے گئے

کیا قیامت ہے کہ خاطر کشتۂ شب بھی تھے ہم
صبح بھی آئی تو مجرم ہم ہی گردانے گئے

خاطرغزنوی

 

[طارق شاہ]

جتنے ادنیٰ ہیں سمجھتا ہُوں میں اعلیٰ ناسخ​

صاف خورشید نظر آتے ہیں ذرّات مجھے​

​

امام بخش ناسخ ​

 

[طارق شاہ]

جب جہل پر ہو لُطفِ فروانِ خسروی
کیا جستجوئے حکمت وعرفاں کرے کوئی

جاری ہو موجِ خُوں جو ہراِک زخمِ شاخ سے
کیونکر مجالِ جشنِ بہاراں کرے کوئی

حُسین انجُم