آپ کے پسندیدہ اشعار!

[چوہدری لیاقت علی]

بس جان گیا میں تری پہچان یہی ہے
تو دل میں تو آتا ہے سمجھ میں نہیں آتا

اکبر الہ آبادی

 

[طارق شاہ]

ایک بھی ارماں نہ رہ جائے دلِ مایُوس میں
یعنی آکر بے نیازِ مُدّعا ہوجایئے

مولانا حسرت موہانی

 

[طارق شاہ]

سطْح سے دیکھ کے اندازے لگیں
آنکھ جاتی نہیں گہرائی پر

پروین شاکر

 

[طارق شاہ]

اُس کی شُہرت بھی تو پھیلی ہر سُو
پیار آنے لگا رُسوائی پر

پروین شاکر

 

[اوشو]

ہم تو کہتے ہیں وہ خوشی ہی نہیں
جس میں کچھ غم کا امتزاج نہیں
فراق گورکھپوری

 

[اوشو]

سب کو حقیقتیں ہیں مجھے خواب ہیں عزیز
جاگے ہوؤں کے بیچ پڑا سو رہا ہوں میں
جمال احسانی

 

[اوشو]

بہت خوش خلق تھا میں بھی مگر یہ بات جب کی ہے
نہ اوروں ہی سے واقف تھا نہ خود کو جانتا تھا میں
انور شعور

 

[اوشو]

حق پرستی ہے بڑی بات مگر
روز کس کس سے لڑا کیجے گا
باقی صدیقی

 

[اوشو]

ہاتھوں میں لیے سنگِ سزا سوچ رہاہوں
ایسا بھی کوئی ہے جو گنہگار نہیں ہے
تنویر سپرا

 

[اوشو]

ذکر سے جن حادثوں کے سانس رکتی تھی کبھی
وقت کی مجبوریوں میں سب گوارا ہو گئے
قابل اجمیری

 

[عبدالقیوم چوہدری]

حسرت موہانی

یہ مکمل یہاں موجود ہے

 

[چوہدری لیاقت علی]

گھر بھی عزیز شوق بھی دل میں سفر کا ہے
یہ روگ ایک پل کا نہیں عمر بھر کا ہے
جمال احسانی

 

[طارق شاہ]

شب بھر شبنم نے رو رو کر گُلشن کو شاداب کیا
صُبْح ہُوئی تو خندۂ گُل کی، بادِ صَبا کی بات چلی

حزیں صدیقی

 

[طارق شاہ]

اِتنی سفّاک سماعت بھی غضب ہے، کہ جہاں
بات پُوری بھی نہ ہو، ہاتھوں میں پتّھر آجائیں

ڈاکٹر پیرزادہ قاسم

 

[سید فصیح احمد]

ﺍِﺗﻨﯽ ﻣُﺪّﺕ ﺗﻮ ﺳُﻠﮕﺘﺎ ﻧﮩﯿﮟ ﺭﮨﺘﺎ ﮐﭽھ ﺑﮭﯽ !
ﺍﻭﺭ ﮐﭽھ ﮨﻮﮔﺎ ﺟﺴﮯ ﺩﻝ ﮐﺎ ﺩُﮬﻮﺍﮞ ﻟِﮑﮭﺘﮯ ﮨﻮ

عرفان صدیقی

 

[سید فصیح احمد]

پاؤں رکھتے ہیں جو مجھ پر اُنھیں احساس نہیں
میں نِشانات مِٹاتے ہوئے تھک جاتا ہُوں

محسن نقوی

 

[سید فصیح احمد]

ہے آج ہوا تیز کہ ہلتی ہے ہر اک شاخ
اس پھول پہ حیرت ہے، بکھر کیوں نہیں جاتا

استاد محترم الف عین کی اجازت سے

 

[سید فصیح احمد]

اِتنا سانسوں سے خفا ہُوں کہ نہیں مانوں گا
لوگ رو رو کے نہ اب مجھ کو منائيں ، جائيں

زندگی ! تُو نے دُکاں کھول کے لِکھ رکھّا ہے
اپنی مرضی کا کوئی رنج اُٹھائيں ، جائيں

شہزاد نئير

 

[چوہدری لیاقت علی]

میرے قاتل کرب میں ہیں کیوں مرے خالق بتا
جتنی تلواریں تھیں کیوں اتنے نہ مجھ کو سر دئیے
اسلم کولسری

 

[چوہدری لیاقت علی]

کاش میں تجھ پہ ریا ضی کےسوالوں کی طرح
خود کو تقسیم کروں کچھ بھی نہ حاصل آئے
جمال احسانی