آپ کے پسندیدہ اشعار!

[طارق شاہ]

سب تھے محفِل میں اُنکے محوِ جَمال
ایک کو، ایک کی خبر نہ ہوئی

قمرجلالوی

 

[طارق شاہ]

لازم نہیں کہ اُس کو بھی ، میرا خیال ہو
جو میرا حال ہے وہی اُس کا بھی حال ہو

مُنِیر نیازی

 

[طارق شاہ]

رہتے ہیں آج جس میں ، جسے دیکھتے ہیں ہم
مُمکن ہے یہ ، گزشتہ کا خواب و خیال ہو

مُنِیر نیازی

 

[طارق شاہ]

اپنی انا کو بیچ کے اکثر لقمۂ تر کی چاہت میں
کیسے کیسے سچے شاعر درباری ہو جاتے ہیں

منور رانا

 

[طارق شاہ]

یہ وحشت طبیعت کی ایجاد ہے
مِرا درد ، دردِ خُدا داد ہے

گریبانِ غُنچہ ہو اِس کا ثبوت
تبسّم بھی اِک شکل فریاد ہے

ستائے گا کیا ، ہم کو تیرا فراق
مُلاقات صبحِ ازل یاد ہے

ذرا دیکھنا اُس کی تصویر کو
خموشی بھی اُسلوب رُوداد ہے

عجب نوع کے آدمی ہیں یہ شیخ
محبّت کو کہتے ہیں الحاد ہے

تمھاری پریشان زُلفوں کی خیر
ہمارے لیے کوئی ارشاد ہے

مِٹائے گا مجھ کو عدم کیا کوئی
محبت مِرا سنگِ بنیاد ہے

عبدالحمید عدم

 

[طارق شاہ]

کھٹکا لگا نہ ہو ، تو مزہ کیا گناہ کا
لذت ہی اور ہوتی ہے چوری کے مال میں

یاس یگانہ چنگیزی

 

[طارق شاہ]

فصلِ گُل دُھوم سے آئی ہے پر، اے رشکِ بہار
اِک تِرے پاس نہ ہونے سے خِزاں ٹھہری ہے

حسرت موہانی

 

[سید فصیح احمد]

ریزہ ریزہ سپنوں والے ٹوٹے چہرے آدھے لوگ
جانے والے کب آتے ہیں کیوں کرتے ہیں وعدے لوگ

برسوں کے سناٹے کی وحشت کم ہو کر کچھ شور تو ہو
اے میری تنہائی جا ' اور مجھ کو کہیں سے لا دے لوگ

آس میں بیٹھی شہزادی کی مانگ میں چاندی جھانک چکی
اتنی دیر سے کیوں آتے ہیں آٓخر یہ شہزادے لوگ

پیار کی راہ پہ انگلی تھامے اندھا دھند چل پڑتے ہیں
نا سمجھی میں مر جاتے ہیں ہم سے سیدھے سادے لوگ

ہم دونوں میں کون تھا مجرم یہ طے ہونا مشکل تھا
آدھا شہر تھا حامی اس کا ساتھ تھے میرے آدھے لوگ

کمال غزل واہ ، معذرت مگر میں شاعر سے نا واقف ہوں بہت اچھا ہو جو آپ بتلا دیں۔ بہت شکریہ

 

[طارق شاہ]

بڑی اُمید سے بھیجی ، دُعا کو ٹُھکرا کر
دل و زباں کی مِری عاجزی کو لُوٹ لیا

شفیق خلش

 

[طارق شاہ]

دِل بھی پاگل ہے ، کہ اُس شخص سے وابستہ ہے !
جو کِسی اور کا ہونے دے ، نہ اپنا رکھّے

احمد فراز

 

[طارق شاہ]

یہ بھی نیا سِتم ہے ، حِنا تو لگائیں غیر !
اوراُس کی داد چاہیں وہ ، مُجھ کو دِکھا کے ہاتھ

نظام رامپوری

 

[عبدالقیوم چوہدری]

ازل بیتے تیرے ہجر میں
اب تیرا دیدار ہونا چاہیے۔

 

[عبدالقیوم چوہدری]

دراز پلکیں وصال آنکھیں
مصوری کا کمال آنکھیں

شراب رب نے حرام کر دی
مگر کیوں رکھی حلال آنکھیں

ہزاروں ان سے قتل ہوئے ہیں
خدا کے بندے سنبھال آنکھیں

 

[عبدالقیوم چوہدری]

ایک شمیم پرخیال ۔۔۔۔۔۔۔۔۔۔۔۔ شہر خیال سے ہمیں
خواب دکھا کر لائی تھی، خواب دکھا کر لے گئی

 

[ام اریبہ]

کمال غزل واہ ، معذرت مگر میں شاعر سے نا واقف ہوں بہت اچھا ہو جو آپ بتلا دیں۔ بہت شکریہ

شاعر فہد علی

 

[سید فصیح احمد]

شاعر فہد علی

جزاک اللہ

 

[سید فصیح احمد]

دراز پلکیں وصال آنکھیں
مصوری کا کمال آنکھیں

شراب رب نے حرام کر دی
مگر کیوں رکھی حلال آنکھیں

ہزاروں ان سے قتل ہوئے ہیں
خدا کے بندے سنبھال آنکھیں

واہ ،،،،

دراز پلکیں غزال آنکھیں
مصوّری کا کمال آنکھیں

 

[طارق شاہ]

نکہتِ زُلفِ پریشاں ، داستانِ شامِ غم
صبح ہونے تک اِسی انداز کی باتیں کرو

نام بھی لینا ہے جس کا اِک جہانِ رنگ و بُو
دوستو اُس نو بہارِ ناز کی باتیں کرو

فرق گورکھپوری

 

[سید فصیح احمد]

نکہتِ زُلفِ پریشاں ، داستانِ شامِ غم
صبح ہونے تک اِسی انداز کی باتیں کرو

نام بھی لینا ہے جس کا اِک جہانِ رنگ و بُو
دوستو اُس نو بہارِ ناز کی باتیں کرو

فرق گورکھپوری

محترم شاہ صاحب بعد از سلام ایک بات کہنی تھی کہ ، بلکہ اِس پر آپ کی رائے درکار ہے ! اگر موسیقی کی طرح پر یعنی موسیقی میں جیسے راگ پہروں کے عصر میں بٹے ہوئے ہیں اگر اشعار کو بھی مخصوص کر دیا جائے تو کیسی انوکھی بات ہو جائے نا !

مثلاً ،

نکہتِ زُلفِ پریشاں ، داستانِ شامِ غم
صبح ہونے تک اِسی انداز کی باتیں کرو

کو صِرف عین شب کے درمیاں ہی لِکھا اور پڑھا جائے !!

 

[ام اریبہ]

زیست کی اس کتاب میں جاناں
ذکر ہر باب میں تمہارا ہے......!!!
https://www.facebook.com/photo.php?...41825.552634058090231&type=1&relevant_count=1