آپ کے پسندیدہ اشعار!
- صاحب لڑی فرقان احمد
- تاریخ ابتداء
نوید رزاق بٹ
محفلین
رہا نہ دل میں وہ بے درد، اور درد رہا
مقیم کون ہوا ہے، مقام کس کا تھا
- داغ
مقیم کون ہوا ہے، مقام کس کا تھا
- داغ
طارق شاہ
محفلین
یا رب! غمِ ہِجراں میں اِتنا تو کِیا ہوتا
جو ہاتھ جگر پر ہے، وہ دستِ دُعا ہوتا
اِک عشق کا غم آفت اوراُس پہ یہ دِل آفت
یا غم نہ دِیا ہوتا ، یا دِل نہ دِیا ہوتا
غیروں سے کہا تم نے، غیروں سے سُنا تم نے
کچھ ہم سے کہا ہوتا، کچھ ہم سے سُنا ہوتا
اُمّید تو بندھ جاتی، تسکِین تو ہو جاتی
وعدہ نہ وفا کرتے، وعدہ تو کِیا ہوتا
ناکامِ تمنّا دِل، اِس سوچ میں رہتا ہے !
یُوں ہوتا تو کیا ہوتا، یُوں ہوتا تو کیا ہوتا
چراغ حسن حسرت
سید فصیح احمد
لائبریرین
بس اِتنا کہنا چاہوں گا کہ ، برادرِ محترم کیا ہی کمال ذوق پایا ہے آپ نے ، رب سوہنا خیر کرے ، آمین !
طارق شاہ
محفلین
سید صاحب !
مجھے بھی وہی اشعار پسند آتے ہیں جوآپ کو ، یعنی میرا ذوق آپ سے مماثلت رکھتا ہے
تشکّر اس حوصلہ افزائی اور اظہار خیال پر ، مجھے بھی خوشی ہوتی ہے آپ کے اشعار پڑھ کر
اشعار شیئر کرتے رہیے گا
بہت خوش رہیں بھائی صاحب
اصل شعر یوں ہے اور شاعر اسعد بدایونی ہیںشعر اچھا ہے ، شاعر ؟
اگر میں کہتا تو یوں کہ :
دونوں انا کی برف سے ، زندہ جمے رہے !
جذبوں کی تیز دھوپ میں پگھلا نہ وہ نہ میں
کوہِ انا کی برف تھے دونوں جمے رہے
جذبوں کی تیز دھوپ میں پگھلا نہ تو نہ میں
خالد محمود چوہدری
محفلین
وہ جس کی کوئی بھی قیمت نہیں تھی
وہ بھاری قیمتوں میں کیوں بکا ہے
میں جس کے خوف سے بھاگا ہوں خود سے
وہ لمحہ سامنے آ کر رکا ہے
ڈاکٹر کاشف سلطان