آواز۔ ۔ ۔ ۔

[محمود احمد غزنوی]

آواز​

وہ تو واقف نہ تھی الفاظ کے تقدّس سے۔ ۔ ۔ ۔
معنی و حرف کی حرمت سے بھی آگاہ نہ تھی!
اس سے شکایت کیسی؟
اپنے ہی عہدِ محبت کا جسے پاس نہیں۔ ۔ ۔
کوئی احساس نہیں۔ ۔ ۔ ۔
اس سے گلہ کیا معنی؟
اس سے پہلے کہ ہر اک لفظ تازیانہ بنے۔ ۔ ۔
حرفِ شکوہ سے کوئی اور ہی افسانہ بنے
اپنے خاموش تکلّم کا بھرم رکھ لینا۔ ۔ ۔ ۔
کچھ مت کہنا۔ ۔ ۔ ۔ ۔
بس چُپ رہنا !!!

 

[الف عین]

اچھی نظم ہے، بس ایک حرف تنگ کر رہا ہے، تازیانہ۔۔ یہاں جو ارکان استعمال ہوئے ہیں، ان میں درست نہیں بیٹھتا۔

 

[مغزل]

بہت خوب محمود صاحب ، باقی گفتگو تو ہو ہی چکی ہے ، سو میری جانب سے مبارکباد، گر قبول افتد زہے عزو شرف