آج کا شعر

[زینب]

میرے ساتھ تم بھی کرو دعا

یوں کسی کے ساتھ برا نہ ھو

کہیں اور ہو نہ یہ حادثہ

کوئی راستے میں‌جدا نہ ہو۔۔۔

 

[شمشاد]

پھر اس کے بعد کبھی ہم نہ تم کو روکیں گے
لبوں پے سانس ابھی ہے ذرا ٹھہر جاؤ

دمِ فراق میں جی بھر کے تم کو دیکھ تو لوں
یہ فیصلے کی گھڑی ہے ذرا ٹھہر جاؤ
(سیف الدین سیف)

 

[زینب]

کیا ہوا جو مجھ میں جرات اظہار نہیں

آپ نظروں کی زباں بھی تو سمجھتے ہوں گے

 

[محمد وارث]

جانے کون رہزن ہیں، جانے کون رہبر ہیں
گرد گرد چہرے ہیں، آئنے مکدّر ہیں

(احمد ندیم قاسمی)

 

[شمشاد]

یقین کر میں کسی اور کی امانت ہوں
مرے مشام میں اپنی کوئی مہک نہ ملا
(رحمان حفیظ)

 

[زینب]

تیرے جیسی آنکھوں والے جب ساحل پے آتےہیں
تو لہریں شور مچاتی ہیں،لو آج سمندر ڈوب گیا

 

[شمشاد]

تیرے گلے میں جو بانہوں کو ڈال رکھتے ہیں
تجھے منانے کا کیسا کمال رکھتے ہیں

تجھے خبر ہے تجھے سوچنے کی خاطر ہم
بہت سے کام مقدر پہ ٹال رکھتے ہیں

کوئی بھی فیصلہ ہم سوچکر نیہں کرتے
تمھارے نام کا سکہ اچھال رکھتے ہیں​

 

[مون]

تیرے خیال سے دامن بچا کہ دیکھا ہے
دل و نظر کو آزما کے دیکھا ہے
نشاطِ جاں کی قسم تو نہیں تو کچھ بھی نہیں
بہت دنوں تجھے ہم نے بُھلا کے دیکھا ہے

 

[شمشاد]

آخر ہماری خاک بھی برباد ہوگئی
اُس کی ہوا میں ہم پہ تو بیداد ہوگئی

دل کس قدر شکستہ ہوا تھا کہ رات میر
آئی جو بات لب پہ سو فریاد ہو گئی
(میر تقی میر)​

 

[عیشل]

جو حیراں ہیں تمہارے ضبط پہ کہہ دو قتیل ان سے
جو دامن پر نہیں گرتا وہ آنسو دل پہ گرتا ہے

 

[شمشاد]

جانِ افسانہ یہی کچھ بھی ہو افسانے کا نام
زندگی ہے دل کی دھڑکن تیز ہو جانے کا نام
(آنند نرائن ملا)

 

[عیشل]

لوگ ٹوٹ جاتے ہیں ایک گھر بنانے میں
تم ترس نہیں کھاتے بستیاں جلانے میں

 

[شمشاد]

زبردست شعر ہے عیشل

اس مشاعرے کی ویڈیو میں نے دیکھی ہوئی ہے۔

غالباً ان دنوں انڈیا میں فرقہ وارانہ ہنگامے بہت ہو رہے تھے اور مسلمانوں کے گھر جلائے جا رہے تھے۔

جب یہ شعر پڑھا گیا تو وہ منظر دیکھنے والا تھا۔

 

[عیشل]

شکریہ شمشاد صاحب۔

کس طرح نبھے اپنی شہریار سے محسن
اس کا ہم نشیں سایہ،میرا ہم سفر سورج

 

[شمشاد]

اُٹھا لیا ہے ستاروں نے آسماں سر پر
ذرا جو چاند کی خاطر مچل گئی ہوں میں
(شبانہ یوسف)

 

[فاتح]

عیشل کے لکھے ہوئے بشیر بدر کے شعر کو مسلسل کرتا ہوں کہ اس غزل کا یہ شعر مجھے بہت پسند ہے:

فاختہ کی مجبوری یہ بھی کہہ نہیں سکتی
کون سانپ رکھتا ہے اس کے آشیانے میں​

 

[شمشاد]

بہت شکریہ فاتح بھائی۔

 

[محمد وارث]

کسی طرح تو جمے بزم میکدے والو
نہیں جو بادہ و ساغر تو ہاؤ ہُو ہی سہی

(فیض)

 

[شمشاد]

ماضی میں جو مزا مری شام و سحر میں تھا
اب وہ فقط تصوّرِ شام و سحر میں ہے

کیا جانے کس کو کس سے ہے اب داد کی طلب
وہ غم جو میرے دل میں ہے تیری نظر میں ہے
(فیض)

 

[عیشل]

کسی کے ہجر یوں ٹوٹ کے رویا نہیں کرتے
یہ اپنا رنج ہے اور رنج کا چرچا نہیں کرتے