آج کا شعر

[سارا]

ہر ایک پاؤں روندتے ہوئے گزرا
نہ جانے کون سی منزل کا راستہ ہوں میں۔۔

 

[زینب]

بات تو ہے عام سی،پر اتنی بھی عام نہیں

سب کی خوشیاں مل جاتی ہیں ،میرا حصہ کھو جاتا ہے

 

[محمد وارث]

ستم سکھلائے گا رسمِ وفا، ایسے نہیں ہوتا
صنم دکھلائیں گے راہِ خدا، ایسے نہیں ہوتا

(فیض)

 

[مون]

بندش الفاظ َجڑنے سے نگوں کے کم نہیں​

شاعری بھی کام ہے آتش مرّصع ساز کا

 

[فرحت کیانی]

تصورات کی پرچھائیاں ابھرتی ہیں​

کبھی گمان کی صورت،کبھی یقیں کی طرح

بہت خوب اور اس دھاگے پر خوش آمدید

 

[فرحت کیانی]

ہر ایک پاؤں روندتے ہوئے گزرا
نہ جانے کون سی منزل کا راستہ ہوں میں۔۔

واہ۔۔۔بہت خوب سارا

 

[فرحت کیانی]

بات تو ہے عام سی ، پر اتنی عام بھی نہیں

سب کو خوشیاں مل جاتی ہیں ،میرا حصہ کھو جاتا ہے

بہت خوب زینب۔۔امید ہے ایسے ہی اچھے اچھے شعر شیئر کرتی رہیں گی

 

[فرحت کیانی]

لبوں پہ اس کے کبھی بددعا نہیں ہوتی
بس ایک ماں ہے جو مجھ سے خفا نہیں ہوتی

 

[مون]

لبوں پہ اس کے کبھی بددعا نہیں ہوتی
بس ایک ماں ہے جو مجھ سے خفا نہیں ہوتی

بہت خوب۔۔۔

 

[مون]

خیال یار، کبھی ذکر یار کرتے رہے
اسی متاع پہ ہم روزگار کرتے رہے

وہ دن کہ کوئی بھی جب وجہ انتظار نہ تھی
ہم ان میں تیرا سوا انتظار کرتے رہے۔۔۔
(فیض)

 

[زینب]

آنسوؤں نے غموں سے گھبرا کر
گر کے پلکوں سے خودکشی کر لی

 

[مون]

فسانے درد و محرومی کے دہراے نہیں جاتے​

کچھ ایسے زخم ہوتے ہیں جو دکھلاۓ نہیں جاتے
تمنا، آرزو، حسرت، امیدِوصل اور چاہت
یہ لاشے رکھ لیے جاتے ہیں دفناۓ نہیں جاتے

 

[زینب]

واہ بہت خوب مون۔۔۔۔۔۔۔۔۔۔

 

[زینب]

کبھی یوں بھی ہو تیرے روبرو نظر ملا کے یہ کہ سکوں

میری حسرتوں کو شمار کر میری خواہشوں کا حساب کر

 

[محمد وارث]

درد منت کشِ دوا نہ ہوا
میں نہ اچھا ہوا، برا نہ ہوا

(غالب)

 

[امیداورمحبت]

تم پاس نہیں ہو تو عجب حال ہے دل کا
یوں جیسے میں کچھ رکھ کے کہیں بھول گیا ہوں

(ادا جعفری)
​

 

[مون]

واہ بہت خوب مون۔۔۔۔۔۔۔۔۔۔

پسندیدگی کا شکریہ

 

[زینب]

اب کس سے کہیں اور کون سنے جو حال تمہارے بعد ہوا

اس جھیل سی ل کی آنکھوں میں اک خواب بہت برباد ہوا

 

[مون]

پہلے سا وہ خلوص وہ الفت نہیں رہی
اب دوستوں میں رسمِ محبت نہیں رہی
مدت سے میری یاد سے غافل ہے میرا دوست
شاید اب اس کو میری ضرورت نہیں رہی

 

[زینب]

کچھ تو ھوتے ہیں محبت میں جنوں کے آثار

اور کچھ لوگ بھی دیوانہ بنا دیتے ہیں