آج کا شعر

[محمد وارث]

پھر دکھاتا ہے مجھے جنتِ فردوس کے خواب
کیا فرشتوں میں ترا جی نہ لگا میرے بعد​

(شہزاد احمد)

۔

 

[نوید ملک]

جب اپنا اپنا رستہ ہے ، جب اپنی اپنی منزل ہے
تو کیوں مجھ پر سوال اتنے ، یہاں کیوں ہو،وہاں کیوں ہو

 

[محمد وارث]

جب بھی دیکھا ہے تجھے عالمِ نو دیکھا ہے
مرحلہ طے نہ ہوا تیری شناسائی کا​

(احمد ندیم قاسمی)

۔

 

[عمر سیف]

رنگ اُڑنے لگا ہے پھولوں کا
اب تو آ جاؤ، وقت نازک ہے !!​

 

[فاتح]

خدا ہم کو ایسی خدائی نہ دے
کہ اپنے سوا کچھ دکھائی نہ دے​

(بشیر بدر)

 

[محمد وارث]

عشق کی عظمت نہ ہر گز جیتے جی کم کیجیے
جان دے دیجیے مگر آنکھیں نہ پُر نم کیجیے

(جگر مراد آبادی)

۔

 

[سیدہ شگفتہ]

کسی طرح تو زمانہ سکون پا جائے
زمانے بھر کا مجھے اضطراب دیتا جا


کلام : عبد القوی ضیاء


​

 

[فرحت کیانی]

جب اپنا اپنا رستہ ہے ، جب اپنی اپنی منزل ہے
تو کیوں مجھ پر سوال اتنے ، یہاں کیوں ہو،وہاں کیوں ہو

بہت خوب۔۔۔

 

[محمد وارث]

خدا کرے میری ارضِ پاک پہ اترے
وہ فصلِ گل جسے اندیشہِ زوال نہ ہو​

خدا کرے میرے اک بھی ہم وطن کے لیے
حیات جرم نہ ہو، زندگی وبال نہ ہو​

(احمد ندیم قاسمی)

۔

 

[Dilkash]

یہاں جو پھول کھلے وہ کھلا رھے صدیوں
یہاں خزاں کو گزرنے کی بھی مجال نہ ھو
قاسمی رحمہ

 

[فرحت کیانی]

وطن چمکتے ہوئے کنکروں کا نام نہیں
یہ تیر ی روح تیرے جسم سے عبارت ہے

 

[محمد وارث]

وہ بھی شاید رو پڑے ویران کاغذ دیکھ کر
میں نے اس کو آخری خط میں لکھا کچھ بھی نہیں

(ظہور نظر)

۔

 

[فرحت کیانی]

دشمن دلیر ہوتا تو آتا مزہ مجھے
فاروق ڈر رہا ہوں کہ بزدل کی ذد میں ہوں

 

[محمد وارث]

دل کسی حال پہ قانع ہی نہیں جانِ فراز
مل گئے تم بھی تو کیا اور نہ جانے مانگے

۔

 

[امیداورمحبت]

یہی دل تھا ترستا تھا مراسم کے لئے
اب یہی ترک تعلق کے بہانے مانگے


(احمد فراز)​

 

[فاتح]

تہذیبِ جنوں کار پہ تنقید کا حق ہے
گِرتی ہوئی دیوار پہ تنقید کا حق ہے

ہاں! میں نے لہُو اپنا گلستاں کو دیا ہے
مُجھ کو گُل و گلزار پہ تنقید کا حق ہے​

(ساغر صدیقی)

 

[محمد وارث]

جلا کے مشعلِ جاں ہم جنوں صفّات چلے
جو گھر کو آگ لگائے ہمارے سات چلے

(مجروح سلطانپوری)

 

[محمد وارث]

لیے جاتی ہے کہیں ایک توقع غالب
جادۂ رہ کششِ کافِ کرم ہے ہم کو

 

[فرحت کیانی]

عادت سی بنا لی ہے تم نے تو منیر اپنی
جس شہر میں بھی رہنا اکتائے ہوئے رہنا

منیر نیازی

 

[مون]

تصورات کی پرچھائیاں ابھرتی ہیں​

کبھی گمان کی صورت،کبھی یقیں کی طرح