آج کا شعر

[شمشاد]

نہ کر مجھ پر اندھیروں کو مسلط
میں سورج ہوں، نکلنا چاہتا ہوں

کسی کے تجربوں کا کیا بھروسہ
میں خود گر کر سنبھلنا چاہتا ہوں

 

[محمد وارث]

ساماں کی محبّت میں مضمر ہے تن آسانی
مقصد ہے اگر منزل، غارت گرِ ساماں ہو

(اقبال)

 

[شمشاد]

نہ مزہ ہے دشمنی میں نہ ہے لطف دوستی میں
کوئی غیر غیر ہوتا کوئی یار یار ہوتا

 

[شعیب خالق]

خود کو پوشیدہ نہ رکھو بند کلیوں کی طرح
پھول کہتے ہیں تمہیں سب لوگ تو مھکا کرو
محسن بھوپالی​

 

[شمشاد]

شعیب بھائی یہ بند گلیوں ہے یا بند کلیوں؟

 

[شمشاد]

سارے چہرے سارے رشتے سارے در انجان ہوئے
ہم تو جیسے اپنے گھر میں آپ ہی اب مہمان ہوئے

سارے منظر چُپ چُپ ہیں اور ساری فضائیں ہیں خاموش
شہر کی ساری گلیاں سونی رستے سب سنسان ہوئے

 

[شعیب خالق]

شعیب بھائی یہ بند گلیوں ہے یا بند کلیوں؟

معذرت شمشاد صاحب میں نے شعر درست کرلیا ہے

 

[شعیب خالق]

جب میں نہ ہوں تو شہر میں مجھ سا کوئی تو ہو
دیوار زندگی میں دریچہ کوئی تو ہو​

 

[شمشاد]

بکھری اک بار تو ہاتھ آئی ہے کب موجِ شمیم
دل سے نکلی ہے تو کب لب پہ فغاں ٹھہری ہے

 

[زونی]

خودی کی ھے یہ منزل اولین
مسافر یہ تیرا نشیمن نہیں
تیری آگ اس خاک داں سے نہیں
جہاں تجھ سے ھے تو جہاں سے نہیں
جہاں اور بھی ہیں ابھی بے نمود
کہ خالی نہیں ھے ضمیرِ وجود


( اقبال)

 

[شمشاد]

ہوئی ہے حضرتِ ناصح سے گفتگو جس شب
وہ شب ضرور سرِ کوئے یار گزری ہے

 

[محمد وارث]

ہم تو وہ دشت نوردانِ محبّت ہیں ندیم
ایک ہی گُل سے دو عالم کو معطّر دیکھیں

(احمد ندیم قاسمی)

 

[شمشاد]

مٹی مٹی سی امیدیں تھکے تھکے سے خیال
بجھے بجھے سے نگاہوں میں غم کے افسانے

امیدِ پرسشِ غم کس سے کیجیے ناصر
جو اپنے دل پہ گزرتی ہے کوئی کیا جانے
(کاظمی)

 

[زینب]

اس شہر میں کتنے چہرے تھے کچھ یاد نہیں،سب بھول گئے

اک شخص کتابوں جیسا تھا ،وہ شخص زبانی یاد ہوا۔۔

 

[شمشاد]

پہلے تو مقتول کے سب ساتھ تھے
پھر گواہی سے ہی تائب ہو گئے

کس نے دیکھیں قتل کی سچائیاں
سارے منصف اس کی جانب ہوگئے

 

[محمد وارث]

کیوں گردشِ مدام سے گھبرا نہ جائے دل
انسان ہوں پیالہ و ساغر نہیں ہوں میں

(غالب)

 

[شمشاد]

اب ملاقات میں وہ گرمئی جذبات کہاں
اب تو رکھنے وہ محبت کا بھرم آتے ہیں
ساغر صدیقی

 

[فرخ منظور]

رقصِ مئے تیز کرو، ساز کی لے تیز کرو
سوئے میخانہ سفیرانِ حرم آتے ہیں
(فیض)

 

[زینب]

آنکھیں نا چراؤ یوں پشیماں ہو کر

کہ محبت میں وضاحت کی ضرورت نہیں ہوتی۔۔۔

 

[شمشاد]

واقف ہوں نہاں خانۂ ہستی سے میں ایسا
دنیا کے تماشے مجھے حیراں نہیں کرتے