آج کا شعر

[شعیب خالق]

کیا سناؤں سرگزشتِ زندگی
اک سرائے میں تھا میں ٹھیرا ہوا
جون ایلیا

 

[فرحت کیانی]

شاید کہ کوئی برہنہ پا ہو تیرے پیچھے
جاتے ہوئے اس راہ کو کانٹوں سے نہ بھر جا

 

[شمشاد]

کچھ میر کے ابیات تھے، کچھ فیض کے مصرے
اک درد کا تھا جن میں بیاں‌یاد رہے گا

 

[فرخ منظور]

کب سے ہوں کیا بتاؤں جہانِ خراب میں
شب ہائے ہجر کو بھی رکھوں گر حساب میں
(مرزا)

 

[شمشاد]

ترکِ الفت بھی نہیں کر سکتے
ساتھ دینے سے بھی معذور ہیں دوست

گفتگو کے لئے عنواں بھی نہیں
بات کرنے پہ بھی مجبور ہیں دوست

 

[مون]

کچھ اس کے سوا خواہشِ سادہ نہیں رکھتے
ہم تجھ سے بچھڑنے کا ارادہ نہیں رکھتے

 

[مون]

رسمِ الفت ہی اجازت نہیں دیتی ورنہ
ہم بھی تمہیں ایسا بھولیں کہ سدا یاد کرو

 

[شمشاد]

تھے کتنے ستارے کہ سر شام ہی ڈوبے
ہنگام سحر کتنےہی خورشید ڈھلے ہیں

 

[زونی]

بے ارادہ چل رہا ہوں زندگی کی راہ پر
میرے مسلک میں نہیں ھے کاروبارِ رہبری

 

[شمشاد]

مجھ کو ساقی سے گلہ ہو نہ تُنک بخشی کا
زہر بھی دے تو مرے جام کو بھر بھر کر دے

 

[زونی]

دل سے ہوائے کشتِ وفا مٹ گئی کہ واں
حاصل سوائے حسرتِ حاصل نہیں رہا

 

[شمشاد]

ہم اپنے آپ میں‌ یوں گُم ہوئے ہیں مدت سے
ہمیں تو جیسے کسی کا بھی انتظار نہیں
کسی کو ٹوٹ کر چاہیں یا چاہ کر ٹوٹیں
ہمارے پاس تو اتنا بھی اختیار نہیں

 

[محمد وارث]

رکھیو غالب مجھے اس تلخ نوائی میں معاف
آج کچھ درد مرے دل میں سوا ہوتا ہے

 

[شعیب خالق]

کچھ میں ہی جانتا ہوں جو مجھ پر گزر گئی
دنیا تو لطف لے گی مرے واقعات میں
مصطفیٰ زیدی​

 

[فرحت کیانی]

دوست ملتے ہیں کترا کے گزر جاتے ہیں
ہم نے کیا آئینہ ہاتھوں میں اٹھا رکھا ہے؟

 

[شعیب خالق]

ملا تو بیتے دنوں کا سچ اس کی آ نکھ میں تھا
وہ آشنا جس سے مدتوں اجنبی رہا ہوں​

 

[شمشاد]

پیتا بغیر اذن یہ کب تھی میری مجا‌ل
در پردہ چشم یار کی شہ پا کے پی گیا

 

[شعیب خالق]

ٓندھی چلی تو دھوپ کی سانسیں الٹ گئیں
عریاں شجر کے جسم سے شاخیں لپٹ گئیں

دیکھا جو چاندنی میں گریبانِ شب کا رنگ
کرنیں پھر آسمان کی جانب پلٹ گئیں​

 

[شمشاد]

یوں کہ عبارت کی زباں اور ہے کوئی
کاغذ میری تقدیر کا سادہ بھی نہیں ہے
کس موڑ پہ لے آیا ہمیں ہجر مسلمل
تا حد ِ نگاہ وصل کا وعدہ بھی نہیں ہے

 

[زونی]

نقطہ پرکار حق مردِ خدا کا یقین
اور یہ عالم تمام وہم و طلسم و مجاز